Sjómannablaðið Víkingur - 01.09.2005, Side 56

Hilmar Snorrason skipstjóri
lUtan úr
heimi
Stóri bróðir á þröskuldinum
Ráðherraráð Evrópubandalagsins hefur á siðustu árum verið
með þær hugmyndir að þau þjóðríki sem mynda bandalagið
verði ekki lengur sjálfstæðir aðilar að Alþjóðasiglingastofnun-
inni (IMO). Þess i stað fari Siglingastofnun Evrópu með forráð
þjóðanna innan IMO. Þessar hugmyndir hafa ekki hlotið byr
undir vængi. Danir, Grikkir, Kýpverjar, Þjóðverjar og Möltubúar
hafa hafnað þessum tillögum. Benda þessar þjóðir meðal annars
á að ekki hafi verið sýnt fram á hvernig þjóðríkin geti áfram haft
áhrif á þróun mála hjá IMO með þessu móti.
Niðurrif skipa hafa valdið deilum milli Greenpeace og lndverja vegna
mengunarhœttu.
Umhverfisvandamál
Fyrr á þessu ári var skipið Riky selt til niðurrifs á Indlandi.
Greenpeace samtökin hófu þá herferð gegn þessari sölu þar sem
samtökin héldu þvi fram að i skipinu væri réttilega asbest. Skip
þetta var í eina tið danskt og bar þá nafnið Kong Frederik IX.
Nú hefur fulltrúi indverskra brotajárnskaupmanna leitað til rík-
isstjórnar Indlands vegna þessa máls og bendir á þau skaðlegu á-
hrif sem Greenpeace hefur á þennan mikla iðnað í landinu auk
þess sem störf þúsunda brotajárnsverkamanna eru í hættu.
Krefjast samtök brotajárnskaupmanna að ríkisstjórnir grípi í
taumana enda eru engin lög eða reglur sem banna niðurrif skipa
sem hafa asbest innanborðs.
Varúð skipstjórnarmenn
Nýleg norsk könnun á AIS auðkenningakerfinu hefur sýnt að
ekki er hægt að reiða sig fullkomlega á kerfið. í ljós kom að
helmingur þeirra skipa sem þátt tóku í könnuninni sendu út
rangar upplýsingar á einn eða annan hátt. Segir í niðurstöðum
könnunarinnar að þessir gallar kerfisins geti leitt til þeirra slysa
sem kerfinu var í raun ætlað að koma í veg fyrir s.s. strönd, á-
siglingar og árekstra. Eru skipstjórnarmenn varaðir við að
treysta ekki um of á AIS kerfið. Ástæður þessa eru að auðkenn-
ingarkerfinu var komið á í kjölfar nýrra reglna um aukið öryggi
árið 2001 og að kerfið var ekki búið að taka út sína barnasjúk-
dóma áður en það var gert að kröfu. Hugsanlega má heimfæra
þetta upp á fleira eins og til dæmis Siglingaverndina (ISPS) sem
mörgum þótti vera heldur ofsóknakennd enda var þeim reglum
þrýst á heimsmetshraða í gegnum Alþjóðasiglingastofnunina.
Sjórán halda áfram
Tvisvar sinnurn á einni viku réðust sjóræningjar að ítölskum
skipum á siglingaleiðinni undan ströndum Sómalíu. Fyrra
skipið, Jolly Rosso, varð fyrir árás lítilla báta, vopnuðum eld-
vörpum sem sjóræningjarnir notuðu til kveikja í skipinu með.
Itölunum tókst þó að komast ósárum undan árásarmönnunum.
Síðara atvikið átti sér stað tæpri viku síðar þegar ráðist var að
olíuskipinu Cielo di Milano með sama hætti.
Ljóst er að tilgangur sjóræningjanna var að stöðva skipin með
því að kveikja í þeirn. Frá því í júnílok hafa sómalískir sjóræn-
ingjar haldið 700 tonna flutningaskipi, Semlow, í gíslingu ásamt
áhöfn en skipið var á leið til Sómalíu með hrlsgrjón sem var
gjöf til fórnarlamba flóðanna á annan dag jóla s.l.
Einkavæðing
Sambandsríkið Bremen hefur upplýst að það sparaði að
minnsta kosti 15% í stjórnunarkostnað við að einkavæða höfn-
ina fyrir þremur árum síðan. Segja yfirvöld að nú kosti einung-
is tæpar 18 milljónir evra að reka Bremenports GmbH í stað 21
milljón árið 2002. Nú er að bíða og sjá hvort fleiri hafnir fylgi
ekki í kjölfarið.
Ódýr símtöl
Bandaríska fyrirtækið Seadigital hefur nú kynnt til sögunnar
nýjan samskiptamöguleika fyrir sjómenn sem kallast talpóstur
eða voycemail á engilsaxnesku. Gefur kerfið sjómönnum, hvar
sem þeir eru staddir á hnettinum, möguleika á þessari þjónustu
gegn því þó að þeir hafi greitt fyrir þjónustuna áður. Til að fá
aðgang að þessu kerfi þurfa sjómenn að kaupa aðgangskort sem
kosta 10 dollara og eru seld hjá amerískum sjómannastofum
um allan heim. Geta sjómenn talað inn skilaboð til vina og ætt-
ingja í talhólfin sem eru kóðuð og þurfa þeir sem skilaboðunum
eru ætluð að fá kóðan til að geta náð í kveðjurnar. Fyrir okkur
íslendinga sem höfum nýtt okkur GSM tæknina til hins ýtrasta
þá þætti okkur þessi samskiptaaðferð eflaust dálítið gamaldags
en þegar reikningarnir fyrir samskiptin eru gerð upp er ólíkt
betra að hafa 10 dollara aðgangskort í vasanum en stóran síma-
reikning.
Vildi losna við skipið
Nýlega féll dómur í London þar sem grískur útgerðarmaður
var sakfelldur fyrir að koma fyrir sprengju í skipi sínu og
granda því. Skipið sem um ræðir hét North Star og var dæmt
ónýtt eftir að sprenging varð í vélarúmi þess þar sem skipið var
til viðgerðar hjá skipasmiðastöð nærri Píreus í Grikklandi árið
1994. Eftir að tryggingafélag skipsins neitaði að greiða fjögurra
milljóna dollara tryggingafé skipsins fór útgerðarmaðurinn í
mál við félagið. Niðurstaða dómsins var sú að í ljósi erfiðrar
fjárhagsstöðu útgerðarmannsins og bróður hans á þessum tíma
þótti líklegt að útgerðarmaðurinn hefði sjálfur komið 4 kílóum
af sprengiefni fyrir í vélarúmi skipsins.
Allir að láta vita af sér
Þegar við íslendingar komum á tilkynningaskyldu skipa árið
1968 þótti mikið framfaraskref stigið. Síðan hafa orðið rniklar
breytingar og ætla mætti að eins sjálfsagður hlutur og Skyldan
56 - Sjómannablaðið Víkingur