Sjómannablaðið Víkingur - 01.09.2005, Page 66

Samtak og Víkingur
Bátagerðin Samtak ehf var stofnuð
1985 og var því tuttugu ára í mars
s.l. Fyrsta húsnæði Samtaks var að
Skútahrauni 3 í Hafnarfirði, tæplega 200
2m leiguhúsnæði. Þá hófst framleiðslan á
„Viking 700 „ en það er skarsúðaður
fiskibátur, 7,65 á lengd og 2,68 m á
breidd. Þessi bátur var hannaður til hand-
færaveiða og varð strax svo vinsæll að
enganveginn var hægt að anna eftirspurn
og var því gripið til þess ráðs að selja bát-
inn á öllum framleiðslustigum, frá plast-
klárum bát (skrokkur og yfirbygging)
uppí fullinnréttaðan bát tneð haffæris-
skírteini. Var þá bætt við húsnæðið 400
2m að Smiðsbúð 12 í Garðabæ.
Samtak flutti í eigið húsnæði að Skúta-
hrauni 11 í Hafnarfirði 1987 þar sem fyr-
irtækið er enn og fyrir tveim árum var
enn bætt við húsrými með kaupum á
1000 2m að Skútahrauni 2 i Hafnarfirði.
Við þau tímamót 1987/1988 hannaði
Samtak „VÍKING-900" alhliða fiskibát,
9,60 á lengd og 3,45 á breidd. Einn af
þessurn bátum fór til Færeyja aðrir eru
enn í útgerð við Austurland. í framhaldi
af þessari smíði smíðaði Samtak farþega-
ferju fyrir Pál Helgason í Vestmanneyj-
um, þessi ferja er 15m löng.
Hönnun á hraðfiskibátnum „VÍKING-
UR-800“ hófst 1990 og var fyrsti bátur-
inn afhentur árið eftir. Þessi bátur var og
er mjög vinsæll og eftirsóttur og var
mest seldi hraðfiskibáturinn um tíma.
Árið 2000 afhenti Samtak Víkingur
1340 farþegaferju til ísafjarðar. Við
hönnunina var það haft í huga að
skrokkur bátsins mundi nýtast til fram-
leiðslu á fiskibátum sem og varð raunin.
Árið 2001 hannaði Samtak „VÍKING
11,35“ alhliða hraðfiskibát og var fyrsti
báturinn afhentur í október árið eftir.
I ár hefur Samtak verið að afhenda
þennan bát og einnig Víking 1340 og far-
þegaferju til Færeyja. í dag er Samtak að
hanna yfirbyggingar á 2 Víking 1135
báta sem verða útbúnir með beitningar-
kerfum frá Mustad. Mikill áhugi er fyrir
því að setja slík kerfi í báta af þessari
stærð og er áætlað að gera það á næstu
misserum við báta sem eru í smíðum.
Mikill áhugi er á Krókaaflamarksbátnum
Víkingur 1135, sem hefur reynst mönn-
um einstaklega vel, er með mikla burðar-
getu og frábæra vinnuaðstöðu og eru
nokkrir slíkir bátar í smíðum hjá okkur.
í dag erum við að setja upp nýja að-
stöðu fyrir framleiðsluna og verða bát-
arnir steyptir í framtíðinni með Vacum
aðferð sem gefur einstakan styrk og allt
annað framleiðslu umhverfi.
Samtak hefur tekið þátt í Sjávarútvegs-
sýningunni frá upphafi og í ár munum
við sýna „VÍKING-1135“ og bjóðurn við
gesti velkomna um borð.
Saga Skaftfellings VE
Um þessar mundir er verið að vinna
að heimildarmynd um sögu skipsins
Skaftfellings VE33 sem þjónaði Skaftfell-
ingum og Vestmannaeyingum um fjög-
urra áratuga skeið. Fátítt mun ef ekki
einsdæmi, að nokkurt skip á síðustu öld
hafi jafnlengi gegnt hlutverki farþega og
flutningaskips sem Skaftfellingur, en
hann hélt uppi samgöngum frá Reykjavík
um Vestmannaeyjar austur í Skaftafell-
sýslu á árunum 1918 til 1939 og síðan á
milli Vestmannaeyja og Reykjavíkur fram
til ársins 1959.
Myndin Skaftfellingur fjallar um tíma-
bil í sögu íslenskra siglinga sem lítið hef-
ur verið fjallað um, þ.e. siglingar ís-
lenskra skipa milli íslands og Bret-
landseyja í seinni heimstyrjöldinni. Þetta
voru hættutímar fyrir þá íslensku sjó-
menn sem tóku þátt í þessum siglingum.
Mörg veiði-og flutningaskip voru skotin
niður af þýskum kafbátum, flugvélum og
herskipum. Margir sjómenn fórust í
þessum árásum. Skaftfellingur VE-33 var
oft hætt kominn en lifði þó stríðið af.
Þann 19.ágúst 1942 var Skaftfellingur
á leið til Fleetwood þegar áhöfn hans
varð vör við kafbát sem sigldi þvert á
stefnu Skaftfellings. Áhöfn kafbátsins
veifaði rauðum fána og í ljós kom að kaf-
báturinn hafði laskast og áhöfnin var
hjálparþurfi. Áhöfn Skaftfellings bjargaði
áhöfn kafbátsins, einum 52 mönnum,
um borð og flutti þá til Bretlands.
Tveir eru eftirlifandi úr áhöfn Skaftfell-
ings og finnn úr áhöfn kafbátsins. Við
höfum verið í sambandi við þessa menn
og fengið frá þeim greinagóðar upplýs-
ingar um það sem gerðist þessa örlaga-
ríku nótt. Skaftfellingur, skipið sjálft var
flutt frá Vestmannaeyjum til Víkur í Mýr-
dal þar sem það er nú geymt.
Þrátt fyrir að Island hafi ekki verið
beinn aðili að síðari heimstyrjöldinni þá
hafði stríðsreksturinn samt sem áður
miklar og oft dramatískar afleiðingar fyr-
ir íslenska sjómenn. Við munum leitast
við að varpa ljósi á nokkrar slíkar sögur
og erum að reyna að komast í samband
við fólk sem getur sagt okkur þær frá
fyrstu hendi. Þeir sem hafa áhuga á að
verða höfundi myndar til hjálpar eru ein-
dregið beðnir að hafa samband við Helga
Felixson í síma 004670 396 22 55 (Sví-
þjóð) einnig er hægt að senda lölvupóst
á: helgi@felixfilm.se heimasíða:
www.felixfilm.se
Helgi Felixson
J ö L

Kópavogshöfn
Veitum alhliða
þjónustu við skip
og báta.
Verið velkomin.
Sími: 564 1695
66 - Sjómannablaðið Víkingur