Fréttablaðið - 13.08.2009, Page 17

FIMMTUDAGUR 13. ágúst 2009 17
laugardaginn 15. ágúst
Það verður líf og fjör í Heiðmörk á laugardag. Ferðafélag barnanna
stendur þá fyrir frábærum fjölskyldudegi þar sem kátir krakkar á
öllum aldri fá einstakt tækifæri til að heilsa upp á Heiðmörk.
Mætum í Þjóðhátíðarlundinn í Heiðmörk kl. 14 og skemmtum okkur
til kl. 16. Athugið að bæði er hægt að skrá sig í Ferðafélag barnanna
og Ferðafélag Íslands á staðnum.
Allir velkomnir.
með Ferðafélagi barnanna
Rauðhólar
Suðurlandsvegur
Heiðmörk er stærsta útivistarsvæðið í nágrenni höfuðborgarinnar. Hún
er tilvalin til útivistar fyrir alla fjölskylduna allan ársins hring. Lengri eða
styttri gönguferðir eru ódýr, holl og fróðleg skemmtun og í Heiðmörk
er um nóg að velja. Spennandi göngustígarnir spanna um 40 km og
liggja frá Norðlingaholti út að Maríuhellum.
Dagskráin hefst kl. 14
í Þjóðhátíðarlundinum í Heiðmörk
Ingó úr Veðurguðunum kemur öllum í stuð
Skemmtilegur ratleikur
Gönguferðir með fararstjórum Ferðafélags Íslands á hálftíma fresti
Íþróttakennarar stjórna skemmtilegum leikjum
Sölufélag Garðyrkjumanna gefur öllum að bragða glænýja uppskeru
Íslandsmeistaramótið í gúrkuáti klukkan 14.30
Kynning á útivistarbúnaði frá Útilífi
ÍS
L
E
N
S
K
A
S
IA
.I
S
K
A
U
4
69
52
0
9/
09
Ferðafélag Íslands
Þjóðhátíðarlundur
BANDARÍKIN, AP Samkvæmt
úrskurði Heimsviðskiptastofn-
unarinnar WTO mega kínversk
stjórnvöld ekki banna bandarísk-
um afþreyingarfyrirtækjum að
eiga viðskipti beint við einstakl-
inga og einkafyrirtæki í Kína.
Kínversk stjórnvöld hafa til
þessa krafist þess að bandarísk-
ir framleiðendur tónlistar og
myndefnis skipti eingöngu við
kínversk ríkisfyrirtæki.
Samkvæmt úrskurðinum brýt-
ur slíkt í bága við reglur um
alþjóðaviðskipti. Kínverjum er
þó áfram heimilt að ritskoða það
efni sem berst til landsins.
Úrskurðurinn var felldur í síð-
asta mánuði, en var ekki gerður
opinber fyrr en í gær.
Tímasetningin þykir heppileg
fyrir Barack Obama Bandaríkja-
forseta, sem er undir vaxandi
þrýstingi um að sýna Kínverjum
meiri hörku í viðskiptamálum.
Óvíst er þó hvaða afleiðing-
ar dómurinn hefur. Þótt Kína-
stjórn leggi sjálf mikla áherslu
á að fylgja reglum Heimsvið-
skiptastofnunarinnar gæti hún
sem hægast sett nýjar reglur
um opinbert eftirlit með erlendu
menningarefni, sem þurfi að sam-
þykkjast sérstaklega áður en inn-
flutningur er leyfður.
- gb
Kínastjórn tapar máli gegn Bandaríkjunum hjá Heimsviðskiptastofnuninni WTO:
Óheimilt að loka mörkuðum
VIÐSKIPTI Í KÍNA Öryggisvörður við Alþjóðlegu viðskiptamiðstöðina í Peking.
NORDICPHOTOS/AFP
UMHVERFISMÁL Stjórn Landvernd-
ar hefur áhyggjur af fyrirhug-
uðum rannsóknarborunum í Gjá-
stykki í Þingeyjarsýslu, sem nú
eru í matsferli vegna umhverfis-
áhrifa. .
Landvernd hefur áður beitt
sér gegn því að ráðist sé í orku-
vinnslu í Gjástykki, „enda hefði
slíkt í för með sér mikið rask á
svæði sem líkur benda til að búi
yfir lítilli orku,“ segir í tilkynn-
ingu frá félaginu. „Gjástykki er
sennilega það svæði í heiminum á
þurru landi sem best sýnir hvern-
ig landreksflekarnir færast í
sundur. Friðlýsing Gjástykkis er
forsenda þess að þessu merkilega
svæði verði ekki raskað,“ segir
enn fremur í tilkynningunni. - vsp
Landvernd vill ekki borun:
Vilja friðlýsingu
KAMBÓDÍA, AP Kaing Guek
Eav, fyrrverandi fangels-
isstjóri í alræmdasta fang-
elsi ógnarstjórnar Pol Pot í
Kambódíu, krefst þess að fá
þyngstu refsingu fyrir glæpi sína.
Duch, eins og hann er jafn-
an nefndur, sagðist fyrir dómi í
gær viðurkenna að kambódíska
þjóðin hefði orðið fyrir óheyrileg-
um þjáningum og sorg af völdum
stjórnar Rauðu kmeranna á árun-
um 1975-79.
„Ég vil að kambódíska þjóðin
dæmi mig til þyngstu refsingar.“
Nú standa yfir stríðsglæpa-
réttarhöld yfir fimm af helstu
leiðtogum Rauðu kmeranna, en
einungis Duch hefur viðurkennt
glæpi sína. - gb
Pyntingastjóri Pol Pot:
Biður um hörð-
ustu refsingu
KAING GUEK EAV Allt að sextán þúsund
manns voru pyntaðir og síðan myrtir í
fangelsinu sem hann stjórnaði.
FRÉTTABLAÐIÐ/AP
ÁSTRALÍA, AP Kínverski lýðræðis-
sinninn Rebiya Kadeer hefur
sakað kínversk stjórnvöld um
að notfæra sér styrkleika sinn á
efnahagssviðinu til að draga úr
alþjóðlegri gagnrýni á stefnu sína
í mannréttindamálum.
Kadeer hélt ræðu á vegum
landssamtaka fjölmiðla í Can-
berra, höfuðborg Ástralíu, þrátt
fyrir mótmæli kínversks erind-
reka í landinu sem vildi ekki að
hún stigi í pontu. Í ræðu sinni
þakkaði Kadeer samtökunum
fyrir að láta hótanir Kínverja
sem vind um eyru þjóta og einn-
ig Áströlum fyrir að veita henni
landvistarleyfi þrátt fyrir gífur-
legan þrýsting frá Kína um að
hleypa henni ekki inn í landið. - fb
Rebiya Kadeer í Ástralíu:
Sakaði Kínverja
um kúgun
REBIYA KADEER Kínverski lýðræðis-
sinninn er ekki í miklu uppáhaldi hjá
yfirvöldum heima fyrir.