Samvinnan - 01.06.1946, Blaðsíða 30

SAMVINNAN
Frá aðalfundi S. í. S.
Aðalfundur S. í. S. var haldinn að Blönduósi 4. til 6. júlí.
Kaupfélag Húnvetninga er á þessu ári 50 ára, og var Blönduós
valinn fundarstaður af þessu tilefni.
Á fundinum voru mættir alls 79 fulltrúar frá 47 sambands-
félögum, ásamt núverandi forstjóra S.Í.S. og framkvæmdastjór-
um ásamt stjórn S. í. S. og fyrverandi forstjóra og fram-
kvæmdastjórum.
Stjórn Kaupfélags Húnvetninga bauð öllum fundarmönnum
til kaffidrykkju að kvöldi föstudags, og enn fremur var fundar-
mönnum boðið á afmælishátíðahöld Kaupfélags Húnvetninga
laugardaginn 6. júlí.
Pyrverandi forstjóri, Sig. Kristinsson, og þeir framkvæmda-
stjórarnir Jón Árnason og Aðalsteinn Kristinsson, sem allir
létu af störfum um síðast liðin áramót, lögðu fram skýrslur
um störf Sambandsins á árinu, sem leið, og jafnframt reikn-
inga síðast liðins árs. Sýndu reikningar Sambandsins rekstur-
afgang 1.400.000 krónur. Samkvæmt tillögu stjórnarinnar var
samþykkt, að þeirri upphæð allri yrði varið til uppbótar-
greiðslu til félaganna í hlutfalli við viðskiptamagn þeirra við
Sambandið, og gengi uppbótin öll inn á stofnsjóðsreikninga fé-
laganna við S. í. S.
Öll sala Sambandsins á síðast liðnu ári nam 94 milljónum
647 þúsund krónum. Sala Sambandsæélaganna var samtals
158 milljónir króna, og er það 14'/2 milljón meira en árið
áður. Pélagsmenn í Sambandsfélögunum voru í árslok 25.297,
og hafði þeim fjölgað um 2.290 á árinu.
Að loknum skýrslum og afgreiðslu reikninga liðins árs var
fráfarandi forstjóra og framkvæmdastjórum þakkað fyrir öll
þeirra miklu störf í þágu samvinnufélaganna undanfarin ár,
og voru þeir Sig. Kristinsson, Jón Árnason og Aðalsteinn
Kristinsson einróma kjörnir heiðursfélagar Sambandsins.
Vilhjálmur Þór flutti mjög ýtarlega og eftirtektarverða ræðu
um framtðarstörf og fyrirætlanir Sambandsins. Skýrði for-
stjórinn frá mörgum framkvæmdum, sem undirbúnar væru, þar
á meðal þessum:
1. Hið nýja skip Sambandsins mundi að öllu sjálfráðu verða
fullsmíðað og afhent Sambandinu í byrjun ágústmánaðar og
þá þegar hefja siglingar til landsins á vegrnn Sambandsins.
2. í sambandi við bílumboð S. í. S. fyrir General Motors
væri ákveðið, að Sambandið nú á næstunni reisti stórt við-
gerðarverkstæði í Reykjavík. Samkomulag er orðið milli Sam-
bandsins og Samvinnufélagsins Hreyfils í Reykjavík um, að
þessir tveir aðilar stofni með sér félag til að reka verkstæðið
á samvinnugrundvelli. Verður hlutdeild hvors aðila helmingur.
3. Undirbúningur hefur verið gerður að byggingu nýtizku
frystigeymslu í Reykjavík, þar sem aðal-kjötmarkaður lands-
ins er. í sömu byggingu verður einnig komið fyrir fullkominni
aðstöðu til reykingar matvæla og til pylsu og matargerðar.
Byggingaframkvæmdir verða hafnar, strax og byggingaleyfi
fást afgreidd.
4. Ákveðið hefur verið að bygja fullkomna kaldhreinsunarstöð
6. HEFTI
fyrir lýsi. Áætlanir eru fullgerðar en staður enn ekki endan-
lega ákveðinn.
5. Mikill undirbúningur hefur farið fram að auknum ullar-
iðnaði. Merkilegar tilraunir hafa verið gerðar í verksmiðju
Sambandsins, Gefjunni, með vélaaðgreiningu á íslenzkri ull,
þannig að fína ullin er skilin frá þeirri grófu. Þótt tilraunum
þessum sé eigi lokið, má telja, að þegar hafi náðst mikill
árangur.
í sambandi við ullariðnaðinn bar stjórnin fram svohljóðandi
tillögu, sem samþykkt var einróma.
„í framhaldi af athugunum þeim og rannsóknum, sem
Sambandið hefur látið fara fram undanfarið um mögu-
leika til aukins ullariðnaðar í landinu, ákveður fundur-
inn, að Ullarverksmiðjan Gefjun á Akureyri verði
stækkuð, svo að hún geti unnið úr helmingi af ullar-
framleiðslu landsmanna. Pundurinn felur einnig stjórn-
inni og framkvæmdastjóra að láta sem fyrst ljúka at-
hugunum, sem nú standa yfir um möguleika á bygg-
ingu nýrrar verksmiðju, er unnið gæti vörur til út-
flutnings úr hinum helmingi ullarinnar".
6. Vátryggingarstarfssemi er undirbúin, svo að gert er ráð
fyrir, að hún geti hafizt 1. sept. n k. Verður annazt um bruna-
sjó- og bílatryggingar.
7. Oliuverzlun. Fyrir forgöngu Sambandsins var 14. júní
stofnað félag til þess að annast innflutning og heildsölu á
benzíni og olíum. Hefir Sambandið tryggt aðstöðu til kaupa á
olíum og benzíni með heimsmarkaðsverði, en taldi rétt að hafa
samstarf við olíusamlög um heildsöluna til þess að þessi starf-
semi yrði sem víðtækust og sterkust.
Byrjunarhlutafé er 975.000 kr. Hefur Sambandið og sam-
bandsfélögin skuldbundið sig til að leggja fram 500.000 kr., en
Olíusamlag Vestmannaeyja, Olíusamlag Keflavikur, Samvinnu-
félag útgerðarmanna, Norðfirði, og tvö togarafélög 350.000 kr.
Öðrum olíusamlögum og olíunotendum er gefinn kostur á að
bætast í hópinn. Ætlað er, að olíufélagið hefji starfsemi sína
bráðlega.
Frjáls verzlun. Frá stjórn Sambandsins var eftirfarandi til-
laga samþykkt með samhljóða atkvæðum:
„Fundurinn lýsir yfir þeim skilningi, að aðeins með
frjálsri og haftalausri verzlun verði bezt leystar verzlun-
arþarfir fólksins í landinu. Því beinir fundurinn þeirri
áskorun til Alþingis og ríkisstjórnarinnar, að öll höft á
innflutningsverzlun, sem ekki eru óumflýjanleg vegna
milliríkjasamninga, verði strax felld úr gildi.
Meðan einhver innflutningshöft eru við líði, gerir
fundurinn þá kröfu, að úthlutun innflutningsleyfa, hvað
Sambandið og samvinnufélögin snertir, verði í hlutfalli
við innflutningsmagn þeirra á matvörum, sem ekki hafa
verið takmarkaðar að undanförnu".
Þremur félögum var veitt innganga í Sambandið. Voru það:
Kaupfélag Hafnarfjarðar, Hafnarfirði, Kaupfélag Suðurnesja,
Keflavík, Kaupfélag Verkamanna, Vestmanneyjum, að upp-
fylltu skilyrði.
Stjórnarkosning: Formaður S. í. S. Einar Árnason, endur-
kosinn. í stjórn voru kosnir: Þorsteinn Jónsson kaupfél.stj.
Reyðarfirði, og Jakob Frímannsson kaupfél-stj. Akureyri.
í fundarlok flutti formaður Sambandsins Kaupfélagi Hún-
vetninga þakkir fyrir ágætan aðbúnað við fundinn. Jafnframt
árnaði hann Kaupfélagi Húnvetninga allra heilla í tilefni
hálfrar aldar afmælis þess Risu fundarmenn úr sætum og
hylltu félagið.
190