Tímarit kaupfjelaga og samvinnufjelaga - 01.08.1909, Side 42

Verzlun og samvinnufjelagsskapur,
árið 1909.
Flestir miinu telja þetta útlíðandi ár fremur óhagstætt
fyrir verzlun landsmanna, yfir höfuð, og eiginlega að
eins svo lítið vægara framhald af peningakreppu þeirri
og verzlunarharðæri sem einkenndi árið á undan. Útlend-
ar vörur hjeldust í líku verði og áður (eins og sjá má
af verðlagsskrám tímaritsins) og aðalnauðsynjavörur lands-
manna: kornvörurnar, lækkuðu eigi í verði, nema rúgur
lítið eitt, en aptur á móti hækkaði verð á hveiti og fleiri
matvörum. Yfir höfuð má þó segja að verzlunin hafi
verið ofurlítið hagfeldari en árinu áður og veldur þar
mestu um að sumar innlendar vörur hækkuðu í verði.
Pó var saltfiskur lækkandi. Peningavextir voru talsvert
lægri en síðast liðið ár. UII hækkaði uni og gærur
viðlíka mikið, kjötverðið var líkt, og sama má segja um
útflutningsfje. Smjörverðið heldur hærra. þetta veldur því
að menn munu, mjög margir, hafa verzlað betur« en
árinu áður, en mestu munar eflaust um það, að nú hefir
farið sem optar, þegar að kréppir, þá vakna margir eins
og af draumi; þeir sýna dálítið meiri varfærni í kaup-
um sínum, neita sjer um fleira en var, og reyna að auka
gjaldeyrir sinn á fleiri lundir en áður.
Hinar mörgu og alvörugefnu áminningar um sparnað
og varfærni, sem dundu að hvaðanæfa, hafa eflaust haft
bætandi áhrif í mörgum tilfellum. Það herti einnig á