Fréttablaðið - 19.09.2009, Page 60

32 19. september 2009 LAUGARDAGUR
Hvað er það skemmtilegasta sem
þú gerir? Að láta koma mér á óvart,
hvort sem það er í leik eða starfi.
En það leiðinlegasta? Andleysi.
Hvaða tímabil lífs þíns er eftir-
minnilegast? Satt að segja er ég
ekki mikið fyrir að hugsa mikið
um fortíðina. En ég man mikið eftir
æsku minni á Húsavík, að hjóla upp
að Botnsvatni og kasta mér í snjó-
skafla.
Besti maturinn? Búlluborgarar
laga öll mein en annars er það las-
anja hjá mömmu.
En sá versti? Sjoppuborgari á
ónefndri bensínstöð á Íslandi.
Af hverju ertu stoltastur? Stolt
er kannski ekki falleg tilfinning.
Samt er ég stoltur af þeim verk-
um sem ég komið að og unnið vel,
og þeim vinum sem ég hef haldið í
gegnum tíðina.
Hverjar eru þínar helstu fyr-
irmyndir? Ég veit til margra sem
ég lít upp til. Ég reyni samt ekki
að verða eins og þau nema kannski
ómeðvitað.
Fallegasti staður sem þú hefur
heimsótt? Ég eyddi nokkrum vikum
í að taka upp sólsetur og sólarupp-
rás allt í kringum Ísland. Þegar við
vorum of langt í burtu frá byggð
lögðum við okkur bara á jörðina
þar sem við vorum. Ég á margar
fallegar minningar þaðan.
Hvernig væri draumahelgin? Ég
held að draumahelgin sé núna.
Hvar ætlar þú að eyða elliár-
unum? Úti í geimi. Í þyngdarleysi
verður allt léttara.
Hvaðan færð þú þinn innblástur?
Úr myndum, sviðsverkum, tónlist
en mest úr umhverfinu. Mér finnst
mikilvægt að hafa forvitni og kynn-
ast nýju fólki og hlutum sem mér
finnst áhugaverðir.
Hver er besta kvikmynd allra
tíma? Ómöguleg spurning að svara.
Stundum held ég að ég hafi séð full-
komna kvikmynd en síðan sé ég
einhverja sem gerir eitthvað betur
en sú síðasta. Ef ég ætti að velja
uppáhalds væri það líklega The
Thin Red Line. Samt er það mein-
gölluð mynd að mörgu leyti. Oft eru
það samt gallarnir sem draga fram
sjarmann.
Hverjir eru þínir uppáhaldsleik-
arar? Víkingur á sérstakan stað í
mínu hjarta. Ef ég má nota ósmekk-
lega samlíkingu þá eru leikarar
svolítið eins og verkfæri. Maður
sagar ekki spýtu með bor frekar
en maður ræður Gunnar Eyjólfs til
að leika samkynhneigðan ritstjóra
tískurits með skelfilegt leyndar-
mál. Eða?
Hvað vekur gleði í þínu hjarta?
Forvitni.
Eftirlætis lykt? Vöfflur.
Hvað er það fallegasta sem
nokkur hefur sagt við þig? Stund-
um þarf ótrúlega lítið til að gleðja
mann. Stundum fær maður hrós
eftir langt verkefni sem ég hélt
að myndi ganga af mér dauðum.
Það gerir það þess virði að halda
áfram.
Hvað heldur fyrir þér vöku?
Youtube. Annars sef ég frekar vel.
Hverju í fortíð þinni myndir þú
breyta ef þú gætir? Engu. Eins og
Marty McFly sýndi er það ekki allt-
af lausnin og getur valdið tveimur
framhaldsmyndum.
Hvað veist þú sem við hin vitum
ekki? Í Typhoon-kafbátum Sovét-
manna var líkamsræktarstöð og
sundlaug. Vissuð þið það?
Hvernig hljómar síðasta SMS-ið í
símanum þínum? Virkar segull á ál
eða stál? Það er aldeilis hnýsnin.
Draumahelgin er einmitt núna
Stuttmyndin Villingur verður frumsýnd í Háskólabíói í kvöld á Alþjóðlegri kvikmyndahátíð í Reykjavík. Myndin fjallar um skrif-
stofumann sem leggur í leiðangur til að týna sjálfum sér, þol mannsins úti í náttúrunni, þörfina sem rekur fólk áfram og afleið-
ingar heimtufrekjunnar. Hólmfríður Helga Sigurðardóttir yfirheyrði leikstjóra myndarinnar, Hákon Pálsson.
HÁKON PÁLSSON Hákon veit fátt leiðinlegra en andleysi. Það hrjáði hann ekki þegar hann eyddi nokkrum vikum í að taka upp
sólsetur og sólarupprás í kringum Ísland. FRÉTTABLAÐIÐ/ANTON
Að fl ytja til annars Norðurlands
Námskeið um fl utning innan Norðurlandanna
Halló Norðurlönd og EURES standa fyrir stuttum námskeiðum fyrir þá sem undirbúa búfer-
lafl utninga til Danmerkur, Noregs eða Svíþjóðar. Farið verður yfi r atriði sem snúa að fl utningi,
svo sem skráningu, almannatryggingar, atvinnu- og húsnæðisleit.
Þriðjudaginn 29. september
• kl. 18:00 – Að fl ytja til Danmerkur
• kl. 20:00 – Að fl ytja til Noregs
Þriðjudaginn 6. október
• kl. 18:00 – Að fl ytja til Svíþjóðar
• kl. 20:00 – Að fl ytja til Noregs, Svíþjóðar og Danmerkur
Námskeiðin eru ókeypis og verða haldin í húsnæði Norræna félagsins að Óðinsgötu 7. Þau
eru öllum opin og henta jafnt námsmönnum og þeim sem fl ytja vegna atvinnu eða í öðrum
erindagjörðum. Fjöldi þátttakenda er takmarkaður. Skráning hjá Norræna félaginu í síma
5111808 og á netfanginu hallo@norden.is. Nánari upplýsingar á www.norden.is og www.eures.is
______________________________________________________________________________________
EURES (EURopean Employment Services) er samstarf um vinnumiðlun milli
ríkja á Evrópska Efnahagssvæðinu (EES). Markmið EURES eru að leiðbeina fólki í atvinnuleit
erlendis, veita upplýsingar um búsetu- og starfsskilyrði og aðstoða vinnuveitendur sem hafa
áhuga á að ráða til sín fólk frá öðrum EES-löndum. www.eures.is
Halló Norðurlönd er upplýsingaþjónusta sem veitir norrænum borgurum aðstoð og upplýsingar
í tengslum við fl utning milli Norðurlandanna. Verkefnið er rekið af Norræna félaginu.
www.hallonorden.org
ÞRIÐJA GRÁÐAN
NAFN OG GÆLUNAFN: Hákon
Pálsson, gælunöfn virðast ekki
festast við mig.
STJÖRNUMERKI: Vog.
FÆÐINGARÁR OG ÞAÐ MERKI-
LEGASTA SEM GERÐIST Á ÞVÍ
ÁRI: 1984, árið sem kviknaði í
hárinu á Michael Jackson við
gerð á Pepsi-auglýsingu. Einnig
lagði Indland undir sig megnið
af Siachen-jöklinum í Kasmír í
bardögum í apríl það ár, sam-
kvæmt Wikipediu.
■ Á uppleið
Tónlist. Réttir á næsta
leiti, tvö ný plötufyr-
irtæki, nýir bókarar
á tónleikastaði
bæjarins og svo
Gogoyoko til að
toppa þetta allt
saman.Gósentíð
fyrir tónlistar-
unnendur.
Húfur. Það er orðið kalt í veðri
og einhvern veginn
verða allir sætari
með húfu á
hausnum hvort
eð er.
Pallíettur.
Skjóttu smá
glamúr inn
í hversdags-
leikann með
smá glimmeri
að kvöldlagi.
Mjó bindi.
Fallegt og rokka-
billílegt á strákana við fallegan
þröngan „blazer“.
■ Á niðurleið
Verkamanna-
úlpur. Ókei,
það er komið
haust en
það er engin
afsökun til að
vera lúðaleg-
ur í einhverju
yfirskini um
að vera artí.
Eighties-tónlist. Nei! Ekki eina ferð-
ina enn! Þurfum við í alvörunni að
hlusta á gamla slagara á öldurhúsum
bæjarins til að koma okkur í gírinn?
Eftirpartí.
Fullt af hund-
leiðinlegu fólki
sem á enga
samleið nema
að leiðast og
vera drukkið.
Konur að ræða um óléttur á
Facebook. Er ekki allt í lagi? Það er
virkilega ekki góður status að auglýsa
bleiuskipti og brjóstamjólk.
MÆLISTIKAN