Fréttablaðið - 19.09.2009, Blaðsíða 71

LAUGARDAGUR 19. september 2009 43
Eftir að hafa fengið fyrirboða um hræðilegt slys
tekst Nick O’Bannon, vinahópi hans og öðrum
heppnum aðilum að bjarga sér frá bráðum bana. En
Dauðinn eirir engum og fara eftirlifendur fljótlega
að týna tölunni.
The Final Destination er fjórða innslagið í Final
Destination-seríunni og sú fyrsta í þrívídd. Það er
rúmur áratugur liðinn síðan fyrsta Final Destina-
tion-myndin kom í bíó, og hefur engin framför orðið
á framhaldsmyndunum. Líkt og Saw-serían geng-
ur myndin út á það eitt að skemmta áhorfendum
með sadískri og skrautlegri atburðarás sem leiðir til
dauðdaga persóna myndarinnar. Eina leiðin til þess
að fríska upp á seríuna var að smella myndinni í þrí-
vídd.
Þrátt fyrir að The Final Destination sé sama
endur unna formúlan, rennur hún auðveldlega í gegn
og skilur lítið sem ekkert eftir, sem hentar þeim
áhorfendum sem eru í leit að heilalausri skemmtun.
Aðdáendur fyrri mynda fá trúlega meira fyrir sinn
snúð þar sem myndin er í þrívídd. Vignir Jón Vignisson
Sama endurunna formúlan
KVIKMYNDIR
The Final Destination
★★
Sama myndin í fjórða sinn, nú í þrívídd.
Zoe Zenowich flutti til
Íslands ellefu ára gömul og
tók ástfóstri við landið. Hún
er nú búsett í New York og
starfar hjá virtu tímariti.
„Ég er í starfsnámi hjá rithöfund-
inum og blaðamanninum Eric Alt-
erman, en hann er með mánað-
arlegan dálk í The Nation. Ég er
aðallega að aðstoða hann við heim-
ildaleit fyrir nýjustu bók hans en
einnig við skrif fyrir The Nation.
Hann var að kenna kúrs sem ég sat
í skólanum og var svo hrifinn af
verkefnunum sem skilaði inn að
hann bauð mér að koma og vinna
fyrir sig. Ég hef samt hugsað mér
að sækja um fasta vinnu hjá blað-
inu næsta sumar og er bjartsýn á
að fá hana,“ segir Zoe Zenowich,
sem er í starfsnámi hjá tímaritinu
The Nation í New York. Tímarit-
ið er eitt elsta vikurit Bandaríkj-
anna og hefur verið gefið út frá
árinu 1865.
Zoe er bandarísk en ólst að hluta
upp á Íslandi og talar reiprennandi
íslensku, hún flutti héðan fyrir
einu ári til að hefja nám í blaða-
mennsku við Háskólann í Brook-
lyn. „Ég flutti til Íslands ellefu
ára gömul þegar mamma mín fékk
styrk til að koma hingað og klára
lokaritgerðina sína. Við ætluðum
bara að vera hér í sex mánuði en
mamma heillaðist af landi og þjóð
og við ílengdumst,“ segir Zoe.
Hún segist hafa átt erfitt með að
aðlaga sig breyttum aðstæðum í
fyrstu en eftir að hún lærði tungu-
málið hafi það breyst. „Mér finnst
ótrúlega gott að vera á Íslandi og
því lengur sem ég dvel hér í New
York því meira sakna ég alls heima
á Íslandi. Það er í raun ekki hægt
að bera Ísland saman við neitt
annað því náttúran, menningin og
fólkið er alveg einstakt. En lífið
hér í Brooklyn er gott líka, maður
hefur nóg að gera við að sækja
listasýningar og kvikmyndahús.“
Að blaðanáminu loknu hyggst
Zoe fara í lögfræðinám og halda
áfram skrifum sínum. „Ég er búin
að sækja um starf hjá tímaritinu
the Economist og er að fara í mitt
annað viðtal núna á næstu dögum.
Ef ég fæ að halda áfram að vinna
við að skrifa um samfélagsleg mál-
efni þá verð ég sátt,“ segir Zoe að
lokum. sara@frettabladid.is
Ánægð í vinnu
hjá The Nation
ÁNÆGÐ Í NEW YORK Zoe er að hluta til upp alin á Íslandi. Hún er nú í starfsnámi hjá
einu elsta vikuriti Bandaríkjanna.
RITHÖFUNDURINN ALTERMAN Blaða-
maðurinn og rithöfundurinn Eric Alter-
man hreifst svo af skrifum Zoe að hann
réði hana í vinnu til sín.
SJÚKRATRYGGINGAR ÍSLANDS
LAUGAVEGI 114-118
150 REYKJAVÍK
Þjónustan hefur hingað til verið veitt samkvæmt samningi
Sjúkratrygginga Íslands við Félag sjálfstætt starfandi
sjúkraþjálfara.
Þeir sem áhuga hafa á að veita ofangreinda þjónustu geta
nálgast rammasamninginn og umsóknareyðublað á heimasíðu
Sjúkratrygginga Íslands www.sjukra.is eftir 22. september.
Nánari upplýsingar veitir Guðlaug Björnsdóttir,
framkvæmdastjóri samninganefndar, í síma 560-4539 eða í
tölvupósti gudlaug.bjornsdottir@sjukra.is.
Auglýsing þessi byggir á 40. gr. laga nr. 112/2008 um
sjúkratryggingar.
Sjúkraþjálfarar
Til að veita sjúkraþjálfun fyrir einstaklinga sem eru sjúkratryggðir
skv. lögum nr. 112/2008 óska Sjúkratryggingar Íslands (SÍ) eftir
sjálfstætt starfandi sjúkraþjálfurum eða sjúkraþjálfunarstofum til
að gerast aðilar að rammasamningi frá 1. október 2009.
Sjúkratryggingar Íslands annast framkvæmd sjúkratrygginga ásamt því að semja um
og greiða fyrir heilbrigðisþjónustu. Markmið stofnunarinnar eru að gæta réttinda
sjúkratryggðra, tryggja aðstoð til verndar heilbrigði óháð efnahag og að stuðla að
hagkvæmni og hámarksgæðum í heilbrigðisþjónustu.
Laugavegi 13, 101 Reykjavík
sími 515 5800, rannis@rannis.is
www.rannis.is
www.rannis.is/visindavaka
Menntamálaráðuneytið
Iðnaðarráðuneytið
...kl. 20.00 – 21.30 hvert kvöld
21. 22. 23. & 24. september...
Vísindakaffi á Súfi stanum í Reykjavík:
Mánudagur 21. september
Sturlunga: Handbók fyrir ráðvillta nútímaþjóð
Dr. Guðrún Nordal forstöðumaður Árnastofnunar fjallar um hvernig fíkn
ungra karlmanna í völd og fé réði miklu um fall í íslensku samfélagi í tíð Sturlunga. Þetta
þykir mörgum ríma óþægilega við atburði nútímans. Alvarlegt málefni með léttum undirtóni!
Þriðjudagur 22. september
Veistu hvað þú vilt? - neytendasálfræði og markaðssetning matvæla.
Dr. Valdimar Sigurðsson frá viðskiptadeild HR fjallar um greiningu og mótun neytenda-
hegðunar í verslunum. Er hægt að breyta verslun í tilraunastofu? Er eitthvað að marka
neytendur?
Miðvikudagur 23. september
Harðsnúin klíka föðurlandssvikara
Magnús Árni Magnússon forstöðumaður Félagsvísindastofnunar HÍ fjallar um umræður
um ESB aðild Íslands og rökin sem notuð eru í henni af fylgjendum og andstæðingum.
Umræðan er borin saman við umræðuna á Möltu og skoðað hvað er líkt og ólíkt með
umræðunni á eyjunum tveimur.
Fimmtudagur 24. september
Forvarnir í læknisfræði - Góðmennska á villigötum?
Dr. Jóhann Ágúst Sigurðsson yfi rlæknir Þróunarstofu Heilsugæslu höfuðborgarsvæðisins og
Dr. Linn Getz trúnaðarlæknir á LSH og dósent við læknadeild NUST, velta upp gildi forvarna
og heilsuverndar og hvort of mikið sé gert úr sölu á þjónustu til hinna frísku á kostnað þeirra
veiku og þannig gert meira úr vandamálum en efni standa til.
Vísindakaffi á Norðurlandi:
Í ár verður einnig boðið upp á Vísindakaffi á Norðurlandi sem hér segir:
Fimmtudagur 24. september. Friðrik V. á Akureyri.
Mun Eyjafjörður gera okkur að ríkasta fólk í heimi?
Spekingarnir sem hefja spjallið koma frá Háskólanum á Akureyri, Hreiðar Þór Valtýsson
lektor, Jón Þorvaldur Heiðarsson lektor og Steingrímur Jónsson
prófessor. Pétur Halldórsson útvarpsmaður stýrir.
Fimmtudagur 24. september. Kaffi Krókur, Sauðárkróki.
Er vit í vísindum á landsbyggðinni?
Hvert er förinni heitið? Háskólinn á Hólum og Rannís boða til
umræðna um hlutverk vísinda og rannsókna á landsbyggðinni.
Umræðum stýrir Þórarinn Sólmundarson,
Byggðastofnun.
Í aðdraganda Vísindavöku er hellt upp á hið sívinsæla Vísindakaffi , þar sem
fræðimenn munu kynna rannsóknir sínar fyrir almenningi
Vísindakaffi 2009
Kaffi stjóri er Davíð Þór Jónsson
Allir velkomnir. Láttu sjá þig!