Fréttablaðið - 19.09.2009, Blaðsíða 80

52 19. september 2009 LAUGARDAGUR
FÓTBOLTI „Samkeppnin á milli Unit-
ed og City er vissulega að færast í
aukana, sérstaklega eftir met-
eyðslu City-manna í sumar.
Ég lít hins vegar alltaf
á leikina við Liverpool
sem aðal „derby-slag-
ina“ fyrir okkur,“ segir
knattspyrnustjórinn Sir
Alex Ferguson hjá Manchest-
er United fyrir grannaslag-
inn gegn Manchester City á
sunnudag.
„Annars finnst mér City-
menn vera orðnir heldur
ánægðir með sig án þess að
hafa unnið neitt og það sýndi
sig sérstaklega í auglýsinga-
herferðinni í kringum Tevez
í sumar. Miðað við eyðsluna
hjá félaginu ætti félagið náttúrlega
að vinna titilinn, en það er meira
en að segja það. Þeir eiga eftir
að komast að því,“ segir Fergu-
son.
Knattspyrnustjórinn
Mark Hughes hjá City
er vongóður fyrir leikinn
gegn United þrátt fyrir að
hann verði líklega án margra
lykilmanna.
„Við hlökkum mjög til leiks-
ins og það verður gott próf
fyrir okkur að spila á Old
Trafford. Það er því mikil-
vægt að við stöndum okkur og
höldum áfram á sömu braut og
í leiknum gegn Arsenal. Eins
og staðan er er hins vegar bara
einn framherji leikfær en
við bindum vonir við að
Tevez verði klár í leikinn,“
segir Hughes.
City er búið að vinna alla fjóra
leiki sína til þessa í deildinni en
Chelsea er á toppi deildarinnar
fyrir leiki helgarinnar eftir að
hafa unnið alla fimm leiki sína.
Chelsea mætir Tottenham í
öðrum risastórum grannaslag á
Brúnni á sunnudag. - óþ
United og City mætast í rosalegum Manchester-borgarslag á sunnudaginn:
Hatrömm barátta um borgina
TEVES Vonast til þess að verða klár í
slaginn á sunnudag. NORDIC PHOTOS/AFP
LEIKIR HELGARINNAR
Laugardagur:
Burnley-Sunderland kl. 11.45
Arsenal-Wigan kl. 14
Aston Villa-Portsmouth kl. 14
Bolton-Stoke kl. 14
Hull-Birmingham kl. 14
West Ham-Liverpool kl. 16.30
Sunnudagur:
Man. United-Man. City kl. 12.30
Wolves-Fulham kl. 13
Everton-Blackburn kl. 14
Chelsea-Tottenham kl. 15
FÓTBOLTI FH-ingar geta orðið
Íslandsmeistarar á morgun í
fimmta sinn á sex árum þegar
21. umferð Pepsi-deildar karla
fer fram. FH-liðið tekur þá á móti
Val á sama tíma og KR-ingar fá
Stjörnumenn í heimsókn en þetta
eru einu liðin sem eiga möguleika
á titlinum. FH-liðið verður meist-
ari ef liðið vinnur sinn leik eða ef
KR tapar stigum í sínum leik.
FH-ingar gætu því fagnað þrátt
fyrir tap en þeir fá nú annað tæki-
færið á stuttum tíma til þess að
tryggja sér Íslandsmeistaratitil-
inn á heimavelli. Leikmenn liðs-
ins vilja væntanlega gera betur á
heimavelli en upp á síðkastið og
byggja ofan á 5-0 heimasigur á
ÍBV í síðasta leik.
FH-liðið hefur náð í 25 af síðustu
27 mögulegum stigum á útivelli
en hefur hins vegar tapað tveimur
af síðustu þremur heimaleikjum
sínum. FH-liðið væri orðið meist-
ari í dag ef annar þeirra hefði unn-
ist en liðið tapaði 2-4 á móti KR og
0-3 á móti Grindavík áður en liðið
vann ÍBV í síðasta heimaleik.
Mótherjar þeirra Valsmenn
hafa aðeins náð í 6 stig af síðustu
30 mögulegum og steinlágu 5-0 á
heimavelli í fyrri leik liðanna. FH
vann líka báða leiki liðanna í fyrra
með markatölunni 4-0. Valsmenn
hafa örugglega sérstakar gætur á
Tryggva Guðmundssyni í dag en
hann hefur skorað 4 mörk í síðustu
tveimur Valsleiknum og alls fjór-
tán mörk á móti þeim á ferli sínum
í efstu deild.
Vinni FH titillinn kemst Hafnar-
fjarðarfélagið í hóp fjögurra ann-
arra félaga sem hafa unnið fimm
Íslandsmeistaratitla á sex árum.
Hin eru Fram (1913-1918), KR
(1926-31), Valur (1935-40 og 1940-
45) og ÍA (1992-1996).
Aðrir leikir næstsíðustu umferð-
ar eru ÍBV-Fylkir (í dag klukkan
14.00), Grindavík-Fram, Þróttur-
Keflavík og Fjölnir-Breiðablik en
allir leikir sunnudagsins hefjast
klukkan 17.00. - óój
Úrslit Íslandsmótsins í knattspyrnu sumarið 2009 gætu ráðist í 21. umferð Pepsi-deildar karla um helgina:
FH getur enn á ný tryggt titilinn heima
FJÓRTÁN MÖRK Á MÓTI VAL Tryggvi
Guðmundsson hefur verið Valsmönnum
erfiður. FRÉTTABLAÐIÐ/DANÍEL
FÓTBOLTI Íslenska kvennalandslið-
ið hefur náð fullkomnum árangri
undir stjórn Sigurðar Ragnars
Eyjólfssonar á Laugardalsvellin-
um og á því varð engin breyting
í fyrstu tveimur leikjum liðsins í
undankeppni HM.
Það er þrennt sem leikirnir
sjö undir stjórn Sigurðar Ragn-
ars í Laugardal eiga sameigin-
legt. Íslenska liðið hefur unnið
leikina, íslenska vörnin hefur
haldið marki sínu hreinu og
marka drottningin Margrét Lára
Viðarsdóttir hefur skorað og þá
oftast fleiri en eitt mark.
Markatala íslenska liðsins í síð-
ustu sjö leikjum á Laugardalsvell-
inum er 38-0.
Margrét Lára Viðarsdóttir skor-
aði samtals sjö mörk í sigurleikj-
unum á Serbíu (4) og Eistlandi (3)
en hefur þar með skorað fimmt-
án mörk í þessum leikjum liðsins
í Laugardalnum og hefur komist á
blað í þeim öllum.
Hún hefur þar af skorað 13
mörk í síðustu fimm leikjum.
Margrét Lára varð í leiknum á
móti Serbíu fyrsti landsliðsmaður
Íslands sem nær því að skora tut-
tugu mörk en hún hefur nú skorað
23 A-landsliðsmörk á Laugardals-
vellinum. - óój
Margrét Lára og landsliðið:
Þrenns konar
fullkomnun
MARKI FAGNAÐ Margrét Lára Viðarsdótt-
ir kann vel við sig á Laugardalsvellinum.
FRÉTTABLAÐIÐ/VILHELM
Taekwondo
Fullorðnir byrjendur: 12.500 kr. önnin
Mánud., þriðjud., fi mmtud. kl 19:00 og laugard. kl. 10:30
Börn (8-12 ára): 8.500 kr. önnin
Þriðjud. kl 18:10 og fi mmtud. kl 18:00
Æfi ngar fara fram í ÍR-heimilinu Skógarseli 12
Nánari uppl. í síma 823-4074 og 825-7267 eða á
www.irtaekwondo.net
Láttu sjá þig,
frír prufutími.
FÓTBOLTI Lokaumferð 1. deildar
karla fer fram klukkan 14.00 í
dag. Það er þegar ljóst að Selfoss
og Haukar fara upp í Pepsi-deild-
ina og að Afturelding og Víking-
ur Ólafsvík falla en það á enn
eftir að krýna meistarana þótt
allt bendi til þess að bikarinn fari
á loft á Selfossi.
Selfyssingar eru með þriggja
stiga forustu og miklu betri
markatölu en Haukar eiga samt
smá von. Selfoss fær ÍA í heim-
sókn og nægir stig til að tryggja
sér sinn fyrsta meistaratitil í B-
deild. Haukar þurfa hins vegar
að vinna Þór stórt fyrir norðan
og treysta á að ÍA vinni líka Sel-
foss stórt. - óój
Meistarabarátta 1.deildar:
Selfoss nægir
stig á móti ÍA
FÓTBOLTI Lúðvík Geirsson, bæjar-
stjóri Hafnarfjarðar, segir mikl-
ar líkur á því að meirihluti bæj-
arráðs muni samþykkja fyrir
sitt leyti tillögur um flýtifram-
kvæmdir á aðstöðu fyrir áhorfend-
ur á Ásvöllum, heimavelli Hauka
í Hafnarfirði. Heimir Heimis-
son, varaformaður Hauka, segir
það vilja félagsins að ráðist verði
í framkvæmdirnar. Engu að síður
muni félagið ræða við FH um að lið
Hauka fái að spila heimaleiki sína
á Kaplakrikavelli, heimavelli FH,
næsta sumar í Pepsi-deildinni.
Ef bæjarráð Hafnarfjarðar sam-
þykkir framkvæmdina á Ásvöllum
og FH-ingar samþykkja einnig að
leyfa Haukum að spila í Kaplakrika
standa Haukum því tveir kostir til
boða fyrir næsta sumar. Kostirnir
eru að spila við lágmarksskilyrði
á Ásvöllum eða í Kaplakrika þar
sem nýbúið er að reisa glæsilega
áhorfendastúku.
Heimir Heimisson segir óvíst
hvor kosturinn verði valinn, standi
þeir báðir til boða yfirleitt.
„Það væri óábyrgt af okkur að
ræða ekki við FH-inga og skoða
hvað okkur stendur til boða þar. En
það er ljóst að farið verður í þær
framkvæmdir að reisa áhorfenda-
aðstöðu á Ásvöllum hvort sem við
spilum í Kaplakrika eða ekki.“
Framkvæmdirnar sem hér um
ræðir er 500 manna óyfirbyggð
stúka vestan megin við gervi-
grasvöllinn á Ásvöllum. Spurður
hvort það væri mat Hauka að slík
aðstaða væri ekki nógu góð fyrir
félagið sagðist Heimir ekki vilja
svara því.
„En við teljum Kaplakrika vera
með betri aðstöðu,“ sagði Heim-
ir. „Við fengum 700 manns á fjöl-
mennustu leiki okkar í 1. deildinni
og búumst við að fá fleiri í úrvals-
deildinni, sérstaklega þegar um
stórleiki er að ræða.“
Fulltrúar frá Haukum eiga nú í
viðræðum við FH-inga og er búist
við því að niðurstaða fáist í þær
viðræður á næstu dögum. Málið
sé þó flókið. „Það er að mörgu að
huga en við eigum von á niðurstöðu
innan tveggja vikna.“
Lúðvík Geirsson, bæjarstjóri,
sagði bæjarráð Hafnarfjarðar
hafa tekið jákvætt í að skoða þær
framkvæmdir sem lagt er til að
ráðist verði í á Ásvöllum. „Málið
snýst um það núna hvaða ákvörð-
un Haukarnir ætla að taka sjálfir.
Þeir eru að skoða sína valkosti.“
Framkvæmdirnar kosta tæp-
lega 30 milljónir króna. „Okkar
framlag yrði um 80 til 90 prósent
en fjármögnun og fjármögnunar-
kostnaður yrði í höndum félagsins.
Við horfum til þess að geta deilt
út okkar framlagi á næstu þremur
árum. Ég tel að þessi framkvæmd
sé innan skynsamlegra marka og
á frekar von á því að bærinn muni
samþykkja þetta fyrir sitt leyti.“
Fyrir þremur árum voru áætl-
anir um að reisa stúku fyrir 1500
áhorfendur á Ásvöllum. Hætt var
við þær þegar kreppan skall á í
fyrra. „Það er ljóst að ekki verð-
ur farið í svo stórt verkefni miðað
við núverandi aðstæður,“ sagði
Lúðvík.
Mikillar óánægju gætir meðal
margra stuðningsmanna FH sem
ekki vilja að Haukar spili heima-
leiki sína í Kaplakrika. „Ég er
viss um að það séu líka margir
stuðningsmenn Hauka sem eru
ekki spenntir fyrir því að spila í
Kaplakrika. En þessi félög hafa
áður deilt með sér húsi og lít ég
því ekki á að þetta sé vandamál,“
sagði Lúðvík.
Það er Hafnarfjarðarbær sem
á mannvirkin á Kaplakrika að
stærstum hluta en rekstur þeirra
er í höndum FH.
Knattspyrnusamband Íslands
hefur þegar lagt blessun sína yfir
framkvæmdirnar á Ásvöllum.
Það er því ljóst að ný áhorfenda-
aðstaða á Ásvöllum mun stand-
ast kröfur leyfiskerfis KSÍ og að
Haukar fengju því leyfi til að spila
sína heimaleiki á Ásvöllum næsta
sumar. eirikur@frettabladid.is
Haukar fá stúku en ræða samt við FH
Bæjarráð Hafnarfjarðar afgreiðir á næsta fimmtudag beiðni Hauka um að reisa áhorfendaaðstöðu fyrir
500 manns á Ásvöllum. Samt sem áður er óvíst hvort Haukar muni spila heimaleiki sína þar á næsta ári.
ÁSVELLIR EÐA KAPLAKRIKI? Haukar eiga nú í viðræðum við FH-inga um að fá að spila heimaleiki sína á Kaplakrikavelli. Þó
stendur til að reisa áhorfendaaðstöðu á Ásvöllum. FRÉTTABLAÐIÐ/ANTON