Stúdentablaðið - 01.12.1947, Síða 7

STÚDENTABLAÐ
1 r 1. desember 191,7
Ólafur Jóliannesson, prófessor:
Hugleiðingar um
stjórnarskrár-
endurskoðunina.
Alþingi og allir stjórnmálaflokkarnir hafa
hvað eftir annað viðurkennt, að þörf væri á
endurskoðun stjórnarskrárinnar. Um það efni
hafa verið samþykktar þingsályktanir, og
stjórnskipaðar nefndir hafa unnið eða hafa
átt að vinna að því verkefni. Ennþá er samt
enginn árangur sýnilegur af því starfi.
Eitt ákvæðanna í málefnasamningi núver-
andi ríkisstjórnar fjallaði um endurskoðun
stjórnarskrárinnar. Var því þar heitið, að
henni skyldi hraðað svo sem föng væru á.
I samræmi við þá yfirlýsingu samþykkti svo
Alþingi í maímánuði s. 1. þingsályktun um
málið. Var ríkisstjórninni með henni falið að
skipa, nýja stjórnarskrárnefnd, er taka skyldi
við af hinum eldri nefndum, sem lítið eða
ekkert munu hafa starfað tvö síðustu árin.
Rikisstjórnin hefur þó dregið þessa nefndar-
skipun óskiljanlega lengi, því að fram til þessa
hefur sjaldan staðið á ríkisstjórnum um
nefndaskipanir. En þessi nýja stjórnarskrár-
nefnd hefur fyrst verið skipuð nú fyrir nokkr-
um dögum. Er vitanlega enn of snemmt að
spá nokkru um afköst þeirrar nefndar. En að
óreyndu verður að ætla, að hin nýskipaða
nefnd taki þegar til starfa og reyni að skila
verkefni sínu svo fljótt sem tök eru á. Verð-
ur því ekki betur séð, en að endurskoðun
stjórnarskrárinnar hljóti að koma til fram-
kvæmda innan skamms. Virðist og almenn-
ur áhugi fyrir því víðs vegar um land. Bera
þær tillögur, sem f jórðungsþing Austfirðinga
hefur nýlega látið frá sér fara um þetta
efni, þess ótvíræðastan vott. Er því líklegt, að
landsmenn sætti sig ekki við það öllu lengur
en orðið er, að stjórnarskrármálið sé dregið
á langinn. Mér sýnist því full ástæða til þess