Stúdentablaðið - 01.12.1947, Blaðsíða 17

STÚDENTABLAÐ
11
Formaður stúdentaráðs,
Tónias Tómasson, stud. juris:
Stjórnmál og stúdentaráð.
Um alllangt skeið hefur það verið venja,
að framboð og kosningar til stúdentaráðs
væri grundvallað á pólitískri skiptingu stúd-
enta. Skoðanir stúdenta á landsmálum og
fylgi þeirra við mismunandi hagfræðilegar
stefnur hafa þannig ráðið því, hvernig þeir
greiða atkvæði við kosningar þess ráðs, sem
gæta á hagsmuna þeirra, þó að vitanlegt sé, að
störf að málefnum stúdenta og dægurþras
pólitískra áróðursglamrara eigi alls ekkert
sammerkt.
Auk þess sem hagsmunamál stúdenta eru
allsendis óskyld stjórnmálum, þá vill og oft
fara svo, þegar stjórnmálin eru snarasti þátt-
ur umræðna þeirra, sem fram fara fyrir kosn-
ingar, að menn gerist um of einsýnir og reki
þá mál sitt með meira offorsi en æskilegt
væri. Það getur meir en verið, að stjórn-
málagarparnir okkar í sölum Alþingis álíti,
að persónulegur skætingur sé fararheill til
flestra framkvæmda, en slíkan málflutning
tel ég skólasystkinum þó lítt sæmandi. En
við vitum öll, að þegar út í pólitískar um-
ræður er komið, þá virðist svo sem menn eigi
ákaflega erfitt með að greina á milli persónu
andstæðings síns og skoðana hans á málam
þeim, sem ræða skal. Pólitíski áróðurinn verð-
ur því oft að uppljóstrunum úr einkalífi and-
stæðinganna.
Þá hafa úrslit stúdentaráðskosninga stund-
um verið notuð sem pólitískt agn. Skoðun
menntamannanna tilvonandi, eins og það er
þá orðað, hefur verið beitt fyrir áróðursvagn
einstakra flokka til þess að beina athygli
fólksins í þá átt. Ég álít, að okkur stúdent-
um sé gerður mjög vafasamur heiður með
slíkri notkun skoðana okkar og almenningi
sé sýndur lítill sómi, ef ætlað er, að slík veiði-
aðferð verði fengsæl. Og ég tel, að þeir, sem
leggja blessun á slíkan áróður og telja sér
vegsauka að, ef skoðun þeirra er flíkað á
þennan hátt, skilji vart, hvers virði raunveru-
legt skoðanafrelsi er.
Þeir, sem vilja viðhalda pólitískum kosn-
ingum til ráðsins, hafa bent á, að skipting
stúdenta eftir stjórnmálaskoðun, sé að því
leyti heppilegasti grundvöllurinn, að þar séu
hreinar og ákveðnar línur að halda sér að.
Þetta er að vissu leyti rétt. Núverandi fyrir-
komulag er sennilega einna auðveldast í
framkvæmd. Kosning eftir deildum innan Há-
skólans eða eftir árgöngum stúdentanna, eins
og tillögur hafa komið fram um, myndu senni-
lega verða margbrotnari og öllu vandara um,
að yrðu rétt framkvæmdar. Auk þess mætti
svo ef til vill gera ráð fyrir, að áhugi stúd-
enta við slíkar kosningar yrði mun minni
en við núverandi skipulag og almennur vilji
stúdenta kæmi því síður í ljós. Allt þetta tel
ég þó svo smávægilegt, miðað við agnúa þá,
sem eru ótvírætt á þessu skipulagi, að það
réttlæti ekki, að við núverandi grundvöll
verði unað til frambúðar.
Þá hefur því og verið haldið fram, að ýmis
störf stúdentaráðs séu vissulega þess eðlis,
að taka beri afstöðu til þeirra samkvæmt
landsmálaskoðunum ráðsmanna og í sam-