Stúdentablaðið - 01.12.1947, Qupperneq 13

STÚDENTABLAÐ
7
mistök hafa orðið á þessum styrkveitingum,
og þurfa þeir góðu menn, sem hafa þær meö
höndum, að kippa þessu í lag. Það þarf ekki
annað en að renna augunum yfir þessa styrki
til þess að sjá, að mörgum þeirra verði var-
ið til skemmtun.ir fremur en til náms. Einn-
ig kemur það í'yrir, að mönnum er veittur
styrkur jafnvel árum saman, þótt þeir séu
raunverulega Iiættir námi. Þessu fé öllu verð-
ur að halda svo til haga, að þeir einir njóti,
er stunda þavflegt nám, og má ekki nema
styrkinn til þeirra svo við neglur sér, að þeir
geti rétt meo naumindum dregið fram lífið.
Ríkið hefir sannarlega skyldum að gegna við
þá menn, se: 1 verja beztu árum ævi sinnar til
undirbúnings því, að vinna landi sínu og þjóð
allt það gagn, er þeir mega.
Hér við I áskólann fjölgar nú deildum, er
stúdentar geta valið um, og er það vel. Þó er
sá hængur á, að mjög hefur verið takmark-
aður aðgangur stúdenta að verkfræðideild.
Tel ég það nikið mein og vildi óska þess, að
svo yrði ekki framar. Húsrúm er enn nóg í
Háskólanum til þess, að hver deild geti veitt
viðtöku þeim stúdentum, er um hana sækja
og fullnægja venjulegum inngönguskilyrðum.
Háskóladeildirnar allar, sem nú starfa, eru
runnar af nauösyn þjóðarinnar. Skyidi svo
einnig hér eftir. Vöxtur Háskólans á að fara
eftir þörf þjóðarinnar og allur miða henni
til heilla. Að því skapi ber að fjölga deild-
um hans. Og markmiðið verður að vera það
á ókomnum árum og öldum, að Háskólinn
veiti æðstu fræðslu í öllum þeim greinum,
er þjóðin þarfnast.
Aðstæður stúdenta við námið hér eru að
ýmsu betri en þorra stúdenta við erlenda
háskóla: ekkert kennslugjald, meiri náms-
styrkir og — síðast en ekki sízt — náms-
tími á hverju ári ekki lengri en svo, að stú-
dentar geta stundað sumaratvinnu og kost-
að þannig sjálfir að meira eða minna leyti
dvölina við Háskólann. Jafnframt kynnast
þeir nánar háttum og lífi þjóðarinnar og
verða við það færari að vinna henni gagn
síðar. Má telja þetta til fyrirmyndar öðrum
þjóðum. En margt fer þó miður en skyldi.
T. d. er svo mikill skortur námsbóka handa
stúdentum, að til fullkominna vandræða horf-
ir. Verður að bæta úr sem skjótast með því,
að bóksala komist upp á vegum Háskólans,
og fái hún til bókakaupa erlendis þann gjald-
eyri, er brýn nauðsyn krefur. Því að hvaða
vit er í því fyrir ríkið að kosta mörgum
hundruðum þúsunda króna til Háskólans og
láta síðan starf hans lamast fyrir það, að
kennara hans og nemendur vantar bækur?
Þá er þess einnig mikil þörf, þrátt fyrir
hækkaðan námsstyrk og húsaleigustyrk frá
ríkinu til nemenda Háskólans, að efla sjóði
hans þeim til styrktar. Með því móti leggj-
um vér „gull í lófa framtíðarinnar“, eins og
Guðmundur Friðjónsson komst eitt sinn að
orði. Fjárhagsáhyggjur mega sízt tor-
velda efnilegum stúdentum framhaldsnám-
ið. Læknadeild og heimspekideild eiga þeg-
ar sjóði, sem geta stutt nemendur þeirra,
svo að um munar. Og nú eignast guðfræði-
deild slíkan sjóð, er vaxa mun á næstu ár-
um upp í 50.000 kr. En betur má, eins og
rektor vor tók fram á síðustu hátíð Háskól-
ans, ekki sízt er þess er gætt, hve peningar
falla ört í gildi á seinustu árum. Háskólinn
nýtur nú mikilla vinsælda með þjóðinni. Vilja.
ekki einhverjir vina hans minnast hans með
þeim hætti, að þeir styðji stúdenta hans við
námið? Heill þeirra er vissulega heill Há-
skólans.
I nýjustu skólalögum Breta er kveðið svo
á, að ríkið styrki fátæka og efnilega nem-
endur allt til lokanáms í háskóla. Fjárstyrk-
ur á ekki að vera þeim Þrándur í Götu þess
náms, sem þeir hafa hæfileika og löngun til.
Þetta er einnig markmið fræðslulöggjafar
vorrar. Tökum saman höndum um það, ungir
og gamlir, að því verði náð í raun og veru.
Ritncfnd.
Guðlaugur Þorvaldsson, stud. oecon., formaður,
Friðrik Sigurbjörnsson, stud. jur., og Sigurður Briem,
stud. jur., frá Vöku, félagi lýðræðissinnaðra stúdenta.
Árni Böðvarsson, stud. mag., frá Félagi róttækra
stúdenta. Hermann Gunnarsson, stud. theol., frá Fé-
lagi frjálslyndra stúdenta.