Spegillinn - 01.05.1983, Síða 10

ÁLIT
FLOKKSBRODDA
Eins og önnur almennileg blöð birtir Spegillinn umsagnir flokksbrodda um
úrslit kosninganna. Það skal tekið fram, að ummæli þeirra voru eftir þeim höfð
er þeir voru þreyttir og örlítið hífaðir eftir að úrslit lágu fyrir um hádegisbilið
sunnudaginn 24 ða sl.
Svavar Gestsson:
Ég hef ekkert álit á kosningum yfirleitt
með þessari þjóð. Að mínu mati á að
kjósa eins sjaldan og hægt er og um eins
fáa og mögulegt er. En Flokkurinn
stendur vel að loknum þessum
kosningum. Með samstillingu
kjaftanna tókst hinum sterku öflum að
fella Ólaf Ragnar út af þingi og koma í
veg fyrir kjör Kjartans Ölafssonar.
Albert Guðmundsson:
Þetta var góður sigur. Við töpuðum
bæði atkvæðum og formanninum eins
og ætlunin var hér í Reykjavík. Nú
verður erfitt að halda fram hjá mér.
Vilmundur Gylfason:
Mikill kosningasigur. Altso, við
unnum. En ég vil benda á, og það er
mergurinn málsins, að nauðsynlegt er
að aðskilja nú þegar kjörfylgi og
atkvæðamagn svo fjórflokkarnir haldi
ekki þeirri einokun þingmannafjölda
sem þeir hafa nú í krafti þess
spillingarvalds sem veður um allt á
skítugum skónum í sjóðakerfinu,
Framkvæmdastofnun og bönkunum.
Jón Baldvin Hannibalsson:
Þetta gekk vel og ánægjulegt að losna
við Sighvat úr þingflokks-
formennskunni svona átakalaust. Ekki
þó þannig að ég sækist eftir djobbinu;
en hver annar kemur svo sem til greina?
Guðrún Agnarsdóttir:
Ég hef fengið annað og meira álit á
konum eftir þessi úrslit, sem voru
bókstaflega stórkostleg. Ég fæ
ekki betur séð en konur séu það líka.
Það kom mér á óvart.
Ólafur Jóhannesson:
Ég hef mitt álit á úrslitunum.