Fálkinn - 06.12.1961, Blaðsíða 31
var hræddur um að hitta hið dýrmæta
barn. Þar að auki var hann neyddur
til að vera varkár, — yrði hann uppvís,
lá ekkert annað framundan hjá honum
nema „stóllinn". Refsingin við barna-
ráni er rafmagnið.
Ég æddi áfram, kringum húshorn eða
inn á afkima, að endingu missti ég
sjónar á ofsóknarmanni mínum. Svo
staðnæmdist ég eitt augnablik, dró and-
ann og lagfærði andlitsblæju barnsins.
Ég var ásátt með sjálfri mér um það,
að hið eina, sem hægt væri að gera
eins og sakir stóðu, var að afhenda
barnið til næstu lögreglustöðvar. Eg út-
skýrði fyrir lögregluþjóni allt sem hafði
gerzt og meira en það: Ég sagði honum
frá hinum ríka bankamanni, sem barn-
inu hafði verið stolið frá og yfirlög-
regluþjónninn lofaði mér því, að fyrir
næsta árdegi skyldi barnið vera hjá
sínum réttu foreldrum. Hann lofaði að
senda mér hina tilnefndu þóknun. Hann
var indæll.
Ég gekk hljóð 'heim. Það var aldimmt
í húsinu mínu, allir voru gengnir til
náða. Ég læddist að útidyrahurðinni.
Dyrnar á herbergi mínu stóðu opnar.
Hafði ég gleymt að loka þeim, þegar
ég fór?
En almáttugur! Ég var nær dauða en
lífi af hræðslu. í uppstoppuðum hæg-
indastól mínum sat bófinn Tony Cara-
mella og leit hræðilegar út en nokkurn
tíma áður.
— Jæja, þá kemurðu, svívirðilegi
þorparinn þinn, barnaræninginn þinn.
Hvar er barnið? Hvæsti hann út á milli
rándýrstannanna.
Ég svaraði honum með viljafestu í
röddinni. Hið göfuga afrek mitt hafði
gert mig hugrakka.
— Barnið er nú á öruggum samastað
fyrir morðhöndum yðar. Ég hefi skilað
því til yfirlögregluþjóns hér á næstu
lögreglustöð, þar til vesalings faðir þess
finnst, sem því var rænt frá.
— Biddu augnablik, Buddy, sagði
bófinn og leit á mig með undarlega
meðaumkvunarfullum svip, sem ég
hafði ekki orðið vör við hjá honum áður.
—• Veiztu vegna hvers ég bað þig að
koma í leiðangurinn í gærkveldi? Það
var af því að ég varð að finna upp ein-
hverja afsökun.... Ég hef ekki verið
heima í tvær nætur, og það var orðinn
ógurlegur gauragangur, því að það er
ekki við lambið að leika sér þar sem
kerlingin er, skilurðu, Jóka, það var
konan mín, sem lá á legubekknum og
hún er hið eina sem ég hræðist í heim-
inum. Þess vegna vildi ég fá þig, til að
gera ástandið þolanlegt og sverja, að
ég hefði dvalið hjá þér þessi tvö dægur,
— — og svo gerirðu uppþot og gerir
þetta líka litla veður, --- æðir bui’t
með litlu dóttur okkar og skilar henni á
lögreglustöðina. Með leyfi ætla ég að
spyrja: Hvað hafði vesalings sakleys-
inginn gert þér? Þú ert ósvikinn barna-
ræningi!
— Já, þið Norðurlandabúar stigið ekki
í vitið. Þið getið ekki tekið dálitlu
gamni. Ég hef aldrei verið bófi. Manstu,
að ég lofaði þér, að þú skyldir fá ókeyp-
is makkarónur, það sem eftir væri ævi
þinnar, ef þú kæmir þessu í lag fyrir
mig? Nújæja, það loforð hefði ég getað
efnt. Ég verzla skal ég segja þér með
makkarónur. Og svo vildir þú kannski
vera svo vingjarnleg og koma með mér
að sækja barnið mitt? Hrósaðu happi
yfir því, að þú skulir ekki fara í „raf-
magnsstólinn", því að þú ert sannkall-
aður barnáræningi!
Kæri Astró.
Mig langar til að vita það
helzta úr framtiðinni. Ég er
fædd 1946 klukkan hálf niu
að kvöldi. Ég hef verið með
strák, sem fæddur er 1946.
Geturðu sagt mér hvort ég
verð meira með honum? Svo
er ég mjög hrifin af öðrum
strák, sem hefur reynt við
mig. en þá var annar strákur
í huga mínum nú er hann
hins vegar gleymdur en þá er
hinn móðgaður við mig. Verð-
ur nokkuð úr þessu? Hann er
fæddur árið 1945. Ég hef ver-
ið með mörgum strákum, en
oftast stutt. Hvenær giftist ég
og hvenær eignast ég fyrsta
barnið? Ég er enn ung og er
bara í þriðja bekk gagnfræða-
skóla. Mig iangar til að verða
rakari, heldurðu að það geti
gengið og hvað verð ég göm-
ul, þegar ég byrja að læra?
Verð ég hamingjusöm í hjóna-
bandi? Vinsamlega sleppið
öllum mánaðardögum.
Með fyrirfram þökk,
Marry.
Svar til Marry.
Þú fæddist þegar Sólin var
4°25' í merki Hrútsins. Hrúts-
merkið er merki hins baráttu-
fúsa manns og metnaðar-
gjarna öðrum merkjum frem-
ur. í korti þínu fellur sólin
í sjötta hús, þannig að lífi
og orku þinni verður varið
að mestu leiti í vinnu og
þjónustu. Fyrstu tíu gráður
Hrútsmerkisins, eru mjög á-
berandi að styrk í kortum
þeirra, sem starfa með hnífa,
fjórða og fimmta gráðan eru
sérlega áberandi í kortum
rakara og þeirra, sem fást
við hárskurð. Atvinnulega þá
mundi ég eindregið mæla
með því að þú færir sem
allra fyrst að nema hár-
greiðslu og hárskurð, því til
þess starfs hefurðu allra
mestu hæfileika.
Hvað viðvíkur fjórðabekkj-
arnámi þá mundi ég segja að
langskólanám ætti ekki reglu-
lega við þig. I níunda húsi
sem stendur fyrir langskóla-
nám, eru tvær mjög slæmar
plánetur, Úranus og Saturn,
og þeir sem þessa afstöðu
hafa ættu alls ekki að leggja
í langskólanám, því að þeir
verða að hætta fyrr eða síðar,
því námið verður fyrir alls
konar hindrunum og töfum.
Því mundi ég ráðleggja þér
að leggja út í verklegt nám
sem allra fyrst.
Giftingarafstöðurnar eru
ekki hagstæðar fyrr en eftir
23 ára aldur, að öðrum kosti
lendir allt í vandræðum. En
gifting stofnað til um 24 ára
verður þér happadrjúg.
Þegar þú ert tvítug hitt-
urðu mann, sem er að mörgu
leyti föngulegur og girnilegur
til nánari kynna, en þú ættir
að láta öll nánari kynni af
honum eiga sig því þau verða
ekki happadrjúg. Samband
ykkar endar með sprengingu.
Þegar þú ert tuttugu og níu
ára færðu arf frá dánum
frænda. Það ár er mjög heppi-
legt til smá ferðalaga og bóka-
lesturs. Þrjátíu og þriggja
ára, afstöður til veikinda, ráð-
legast að gæta sín mjög gegn
taugaspennu. Þrjátíu og fimm
ára, vandræði og árekstrar
við yfirvöldin vegna skatta-
framtals. Þrjátíu og níu ára,
mjög góðar afstöður til langs
ferðalags, sem býðst óvænt
og skyndilega, með flugvél
Pilturinn, sem fæddur
er 1946 er fæddur undir
merki Vogarinnar og á
margt sameiginlegt með þér,
en samt er um að ræða
grundvallar misklíð,~5em ekki
væri rétt að stofna til hjú-
skapar út af. Ég mundi telja
að samvistum ykkar sé lokið,
þar sem þið hafið ekki aðstæð-
ur til að tengjast frekari
böndum. Pilturinn, sem þú
getur um og segir að fæddur
sé 1945, en gefur ekki upp
fæðingardag. get ég því miður
ekkert sagt um þar sem fæð-
ingardagur, ár, fæðingarstund
og staður þarf að fylgja með.
FÁLKINN
31