Fálkinn - 16.01.1963, Blaðsíða 36

PANDA DG
AFNARINN MIKLI
„Þið skuluð ekkert vera að flýta ykkur, vinir mínir,“
sagði Goggi, þegar hann sá, að safnararnir bjuggust til
að fara. Svo virtist sem honum væri algerlega ókunn-
ugt um þá hluti, sem þeir voru að reyna að smygla
burt. „Það er miklu meira til ... að safna . . . eh, eh,
dást að,“ sagði hann. ,,Ótrúlegt,“ sögðu safnararnir.
„Hvílíkur safnari.“ Á meðan þessu fór fram, var
Panda úti á götu og var farinn að skilja háttalag
Gogga. „Þetta er þá alls ekki húsið hans Gogga. Þetta
er safn,“ tautaði hann við sjálfan sig. „Það er því eng-
in furða, þótt hann láti safnarana safna öllum hlut-
unum. En hamingjan góða, ef löggan kemst í spilið og
setur alla safnarana í fangelsi. Ég verð að vara þá
við.“ En hvernig átti hann að fara að því. Safninu
var vendilega læst og hann komst ekki inn. Panda
tók það til bragðs að klifra upp rennu, þar sem hann
hafði séð opinn glugga á annarri hæð.
Loksins eftir mikið erfiði tókst Panda að komast upp
í gluggakistuna. Hann skreið varlega inn. Hann var
ákveðinn í því að vara vesalings safnarana við Gogga.
Hann leit í kringum sig. Hann var staddur í dimmu
herbergi. Á veggjunum voru steinbrot með egypsku
myndletri, að minnsta kosti 2 þús. ára gömlu. En á
gólfinu stóðu steinkistur, mjög skrautlegar. Það voru
múmíur í þeim. Panda leit flóttalega í kringum sig og
flýtti sér til dyra. Skyndilega braut ein af þessum
þúsund ára múmíum þögnina. Panda stanzaði undr-
andi. „Stanzið, bíðið andartak,“ sagði röddin, sem
greinilega kom úr einum múmíukassanum.
Panda varð ofsahræddur. „Bíðið,“ sagði rödd múmí-
unnar aftur. En þá beið Panda ekki boðanna heldur
opnaði hurðina og hljóp fram á gang. „Eggert!“ hróp-
aði hann um leið og hann hentist niður stigann. „Það
eru talandi múmíur uppi. Þetta er ekki venjulegt hús,
þetta er safn.“ „Þvæla,“ svaraði Eggert safnari. „En
víst er þetta safn,“ hélt Panda enn áfram. „Goggi
lét setja falska framhlið á húsið og múmían uppi tal-
ar og ... og .. . “ Allt í einu var gripið fyrir munninn
á honum. „Svo að múmíurnar tala, litli minn,“ sagði
Goggi, „en það gerir þú líka og heldur mikið.“
36 FÁLKINN