Fálkinn - 06.03.1963, Page 34

PANDA DG UPPFINNINGAMAÐURINN MIKLI
„Halló, þið þarna,“ kallaði lögreglumaður á eftir
þeim, „hvers konar farartæki er þetta eiginlega.“
„Þetta er helikopter, þyrilvængja," sagði Tómas hugs-
uður. „Veiztu ekki að þetta er almennur þjóðvegur.
Má ég fá að sjá flugskírteinið?" „Ég er anzi hræddur
um, að ég hafi ekkert slíkt á mér.“ „Það er ekki gott,“
sagði lögreglumaðurinn, „ég er þá anzi hræddur um
að þá megir þú ekki fljúga.“ En hann fékk ekkert
svar, því að Tommi hafði þegar sett vængina af
stað. En þegar þeir voru komnir talsvert af stað,
losnaði einn þeirra og flaug beint í andlit lögreglu-
mannsins. „Þú misstir einn vængspaðann,“ hrópaði
Panda. „Gerir ekkert,“ æpti Tommi, „hef þrjá eftir.“
Og hin fljúgandi tunna lyftist hærra og hærra.
„Dásamleg vél,“ æpti hugsuðurinn til Panda. „O, já,“
sagði Panda, „en dálítið losaralega byggð, það fjúka
úr henni boltar og skrúfur, sérðu það ekki?“ Á meðan
þeir flugu um í háloftunum, fylgdist lögreglumaður-
inn nákvæmlega með þeim. „Þetta var árás á lög-
reglumann í starfi sssínu,“ tautaði hann við sjálfan
sig, nuggaði ennið, og skreiddist á fætur, settist á
mótorhjólið sitt og fylgdi vélinni eftir.
En þar sem fleiri og fleiri hlutar flugvélarinnar duttu
úr henni fór ekki hjá þvi að hún lækkaði flugið.
„Hún er að hrapa,“ hrópaði Panda. „Við skulum
lenda.“ „Þú biður um það sem er ómögulegt, Þyril-
vængjan mín er ætluð til þess að fljjúga upp ekki
niður.“ En einmitt þá tók hún stóran sveig niður á
við. „Hjálp,“ hrópaði Panda, „við förumst.“ En fyrir
neðan þá fór lögreglumaðurinn eins hratt og hann
komst á mótorhjólinu. „Þeir virðast hrapa,“ muldr-
aði hann ánægjulega með sjálfum sér. „Og þegar
þeir lenda skulu þéir aldeilis teknir í bakaríið.“
34 FÁLKINN