Fálkinn - 21.08.1963, Page 18

Halló, halló! Allir gestir eru vinsamlega beðnir
um að yfirgefa skipið. Carmania siglir eftir fáeinar
mínútur.
James Munro, sem stóð í aðalsetsal lúxusskips-
ins, horfði með athygli í kringum sig á fólkið, sem
var að kveðjast. Svo gekk hann hægt í áttina að
landgöngubrúnni. Hann var herðabreiður, krafta-
lega vaxinn maður á fertugsaldri. Hann var meðal-
maður á hæð og hraustlegur. Hann var í dökkgrá-
um jakkafötum, ljósgrárri skyrtu, með grátt bindi.
Hann var mjög virðulegur í útliti.
Það heyrðist aftur í hátalaranum. — Allir gest-
ir eru beðnir að fara frá borði. Verið svo vinsam-
leg að fara frá borði.
Munro beið hinnar réttu stundar, og smaug svo
inn í hóp manna, sem voru á leið frá borði, og
yfirgaf skipið ásamt þeim. Neðst við landgöngu-
brúna stóð yfirmaður og tók við gestamiðunum.
Munro skilaði sínum — en sagði allt í einu: — Hver
skrattinn. Ég hef gleymt skjalatöskunni minni!
Hann snéri sér við, og tróðst í gegnum fjöldann.
Þegar hann stóð aftur á þilfarinu, leit hann vand-
lega í kringum sig, en gat ekki séð, að neinn hefði
tekið eftir þessum atburði. Honum hafði tekizt
það! Hann var kominn um borð í skipið án þess
að það sæist í nokkrum dagbókum eða embættis-
bókum. Hann tók skjalatöskuna sína og pakka,
sem var í poka með rennilás, og gekk út á aftur-
þilfarið til að horfa á, þegar skipið legði frá landi.
Gestirnir stóðu á hafnarbakkanum og veifuðu
vasaklútum og hrópuðu í kveðjuskyni. Farþegarnir
þyrptust að borðstokknum — hundruðum s.- an.
Skipsflautan ýlfraði, landgöngubrúin vai 'luð
um borð, skipsfestar leystar. Skipið seig b l og
rólega út í Hudsonflóa, gegnum höfnina, !■ unhjá
frelsisstyttunni. Útlínur New York borgai hurfu
í haustmóðuna. Næsti viðkomustaður skipsms var
Southampton.
Maðurinn, sem stóð við hliðina á Munro sagði
við konu sína: — Það er víst bezt fyrir okkur
að fara niður og panta borð, elskan. Þau fóru.
Munro, sem stóð og fitlaði við stórt, þrútið ör á
hægri hönd sinni, brosti hörkulega. Hann hofði líka
gjarnan viljað panta borð. En það gat bann ekki
— hann hafði ekki farmiða, hann gat ekki gefið
upp neitt klefanúmer og hann hafði yfirleitt engan
rétt til að vera um borð. Og þannig myndi þetta
vera næstu sex daga.
FALKINN