Fálkinn - 31.08.1964, Blaðsíða 31

Skilningarvitin fimm
Framh. af bls 30.
IRNAR FJÓRAR“!
Vika leið. Þá kom herramað-
ur í búðina og spurði eftir fíg-
úrunum. Þegar hann heyrði að
fígúrurnar ættu að kosta 800
krónur réll honum allur ketill
í eld. Að lyktum keypti hann
þó eina þeirra fyrir fimmkall.
— Nú getum við keypt mat,
sagði Þorvaldur dálítið óstyrk-
ur þegar maðurinn var farinn,
en hvað eigum við nú að gera
með íígúrurnar þrjár?
Aftur datt Juttu snjallræði í
hug. Nafninu var breytt í
,, VITRIN G ARNIR ÞRÍR“ og
enn einu sinni tókst að pranga
út einni styttunni á fimmkall.
Næsta dag stillti Þorvaldur
tveim síðustu styttunum út
sem „ADAM OG EVA“ og að
nokkrum dögum liðnum seldi
hann aðra, nefnilega Adam fyr-
ir tíkall. Þetta horfði sem sagt
allt til batnaðar. En þá kom
fyrir óhapp. Hann rak sig á
borðið svo Eva hraut niður á
gólf og báðir handleggirnir
brotnuðu af.
Hryggur í bragði tíndi hann
brotin upp en Jutta var ekki
af baki dottin.
Næsta dag seldu þau síðustu
styttuna sem „VENUS FRÁ
MILÓ“!
WiIIy Breinholst.
Jálkinn ut
Ástir dalastúlkunnar ...
Framhald af bls 29.
samþykkt árið 1496. Sú sam-
þykkt var mjög gegn konungs-
valdinu og yfirráðum Skál-
holtsbiskups í sunnlenzkum
sveitum. Enda kúgaði Stefán
Jónsson biskup í Skálholti
margar jarðir af Halldóri eftir
samþykktina. Halldór ríki varð
kynsæll, og eiga margir Sunn-
lendingar ætt sína að rekja til
hans.
Brynjólfur biskup Sveinsson
var mjög hrifinn af landkost-
um Hrunamannahrepps. Hann
lét reisa nýbýli í Tungufells-
hverfi. og nefndi það Jaðar
Var því fengið land frá Tungu-
felli og Hamarsholti. Jaðar
varð góð jörð, er stundir liðu
og kostajörð. Þess skal getið til
fróðleiks, að Brynjólfur biskup
lét reisa tvö önnur nýbýli, sem
mér er kunnugt um. En það
eru Hvammsvík í Kjós og
Grund í Skorradal. Það urðu
einnig góðar jarðir, og búnaður
heppnast þar vel.
Skammt fyrir ofan Tungu-
fellshverfi rennur Hvítá af há-
lendinu niður í djúpt gljúfur
og myndar háan foss, langfeg-
ursta foss á íslandi. Fossinn ber
nafnið Gullfoss, og er það ör-
ugglega runnið af því, að í sól-
skini seinnihluta dags gyllir
sólin fossinn og gefur honum
töfrandi lit gulls og sólar.
Sennilegt er, að Gullfossnafnið
sé gamalt. En fyrst hef ég fund-
ið það í skráðum heimildum í
erlendum ferðabókum. Fegurð
fossins vakti óskipta athygli er-
lendra ferðamanna, er þeir
fóru að hefja ferðir til lands-
ins til náttúruskoðunar. Allt
frá því hefur Gullfoss verið
tákn íslenzkrar náttúrufegurð-
ar, jafnt á erlendum vettvangl
og í landinu sjálfu. Fegurð
hans er margbreytileg eftir
veðri og svipbrigðum umhverf-
isins.
Árgljúfrið fyrir neðan Gull-
foss er víða fagurt. Þar eru
hvammar skrýddir hinum
margbreytilegasta gróðri, og
bera svipmót landsins, eins og
það var umhverfis Gullfoss,
þegar hinir fyrstu menn litu
það augum. Tveir eru hvamm-
ar enn í árgljúfrinu, sitt hvoru
megin, er fegurstir eru.
Hrúthvammur að austan, en
Pjaxi að utan. Báðir hafa þeir
hlotið mikið afhroð, síðan elztu
menn muna, af stórflóðum í
ánni. Sannar það vel, að fegurð
þeirra og árgljúfursins alls er
ekki á líðandi stund nema
svipur hjá sjón, miðað við það,
sem var fyrr meir.
Skammt ofan við Gullfoss að
austanverðu, var bær áður
fyrr, er Hamarsholt hét. Var
þar sæmilegt undir bú áður
fyrr en afskekkt. Hamarsholt
fór í eyði vorið 1875. Heima-
hagar Hamarsholts voru með-
fram Hvítá ofan við Gullfoss.
Var því fossinn þekkur ná-
granni Hamarsholtsfólks. —
Næsti bær við Gullfoss fyrir
utan ána, er Brattholt. Það er
sæmileg jörð og búið þar enn,
og er efsti bær með Hvítá
Biskupstungnamegin. í Bratt-
holti hafa oft búið góðir
bændur og haldið mikla tryggð
við Gullfoss og hið fagra um-
hverfi. F.æg er sagar.' af
bóndadótturinni í Brattholti,
er ekki vildi selja erlendum
auðmanni Gullfots, þegar hann
falaði hann til kaups fyrir of
fjár. Hún hét Sigríður Tómas-
dóttir.
3.
Á 17. öld ofanveðri bjuggu
í Brattholti hjónin, Guðbrand-
ur Þórðarson og Þórunn Jóns-
dóttir. Þau áttu nokkur börn.
Einn sonur þeirra hét Þórður.
Hann var á unglingsárum lát-
inn stunda smalamennsku eins
og algengt var um unga menn
í sveitum fyrr meir. Hagar
Brattholts eru upp með Hvitá,
allt inn fyrir Gullfoss. í þessu
fagra umhverfi var hann
nokkur sumur einn með hjörð
sinni, og er það lítt til frá-
sagna. En fleira bar til um
hagi Þórðar og smala-
mennsku við Gullfoss á æsku-
árum hans, eins og gjörla
verður sagt.
I þennan mund bjó í Ham-
arsholti í Hrunamannahreppi
bóndi að nafni Þóroddur. Ekki
er mér kunnugt um föðurnafn
hans. Kona Þórodds hét Stein-
unn Ólafsdóttir. Þau áttu
nokkui börn. Dóttir þeirra hét
Guðrún. Guðrún þótti þegar á
barnsaldri efnileg og dugleg.
Henni var ungri fengin sá
starfi að sitja hjá ánum á
sumr.'.m. Eins og áður var get-
ið voru hagar Hamarsholts
Framh. á bls. 36.
Ég hef mikinn áhuga á að
vita hvað stjörnunar segja um
framtíð mína. Ég er í Gagn-
fræðaskóla og hef ekki nein
sérstök áform um framtíðina.
Ég er fædd ... klukkan 1,00
eftir hádegi. Ég hef áhuga á
einu starfi, hárgreiðslu, mun
það starf eiga við mig? Svo hef
ég mjög mikinn áhuga á að
komast til útlanda. Mun það
nokkurn tíma verða? Hvenær
giftist ég? Hvað eignast ég
mörg börn? Gjörið svo vel að
sleppa fæðingardegi, mánuði,
ári og stað.
Með fyrirfram þökk.
Sóló.
Svar til Sóló.
Þegar þú fæddist var merki
Tvíburanna rísandi en á
mannslíkanum samsvarar það
merki handleggjunum, lungum
ásamt fleiru. Merkið er fremur
vel sett hvað afstöðu áhrærir
þannig að þú munt vera frem-
ur lagin í höndunum og því
eiga auðvelt með að taka að þér
störf, sem hárgreiðsludama til
dæmis.
Það eru talsverðar líkur fyr-
ir því að þú komizt til útlanda
í sambandi við hjónaband þitt,
þvi að merki Bogamannsins er
á geisla sjöunda húss. Tilvon-
andi maki þinn gæti auðveld-
lega verið af öðru þjóðerni eða
trúmálaskoðun.
Á fæðingarstund þinni var
Júpiter í sjöunda húsi, en það
er mjög heppilegt tákn upp á
velgengni á sviði hjónabands-
ins. Margir draumar þínir og
vonir munu rætast ' sambandi
við hjónabandið og mikillar
fullnægingar er að vænta fyrir
tilstuðlan þess hjá þér. Hjóna-
bandið mun færa þér auð og
völd, sem hvort tveggja teljast
ákjósanlegir kostir á sviði jarð-
lífsins, af flestu fólki.
Plútó og Saturnus á geisla
sjötta húss benda til þess að þú
munir eiga í nokkrum erfið-
leikum hvað viðvikur heilsufar-
inu yfir ævina. Saturn stendur
venjulega fyrir sjúkdóma út
frá kulda, vosbúð og tregðu í
meltingu og blóðstreymi.
Sjötta hús stendur einnig fyrir
störf manns og vinnu og bend-
ir til erfiðleika á þeim sviðum.
Merki krabbans á geisla
fimmta húss bendir til að til-
finningalífið sé nokkuð áber-
andi en hins vegar að það sé
ekki látið leika of lausum hala.
Krabbinn er fremur kvenlegt
merki og þar af leiðandi er rík
þörf ástar, sem grundvölluð er
á þörfinni fyrir gott heimilislíf.
Þegar ástarsambönd hafa
myndazt þá eru þau því frem-
ur afleiðing nákvæmrar um-
hugsunar heldur en ástar við
fyrstu sýn. Hins vegar hafa
foreldrarnir og orðstýr þeirra
mikið að segja þegar um maka-
val er að ræða, því þetta merki
er þess eðlis að það kýs fremur
sambönd til frambuðai iK.^ur
en að skifU' alltaf um. Mjög
líklegt er að foreldrarnir hafi
áhrif á val maka og vina en
ekki endilega á þann hátt að
þau neyði neinu upp á fólk,
mikið fremur í anda hjálpfýsi
og samúðar. Góðar afstöður til
giftingar um tvítugt.
Krabbinn er eitt þeirra
merkja, sem talin eru vera frjó-
söm og bendir því fremur til
nokkuð stórrar fjölskyldu, og
börnin verða að jöfnu piltur og
stúlkur i flestum tilfei'-’n.
Stundum er um fæðingu ”í-
bura eða þríbura að ræð" n
afleiðingu af friA——- s-
isins.
FÁLKINN h