Fálkinn - 24.01.1966, Page 19
aftur í Reykjavík
I SOLISTI VENETI leika
Þeir komu hingað í nóvember 1963
og héldu tvenna tónleika, þá síðari
fyrir troðfullu húsi, og virtust á-
heyrendur og gagnrýnendur á eitt
sáttir um, að önnur eins fágun í
samleik og blæbrigðaauðgi hefði
naumast heyrzt fyrr á konsertpalli
hérlendis. Það eru ekki nema fáein
ár síðan strengjasveitin I SOLISTI
VENETI var stofnuð, en hún er þeg-
ar komin langt á leið með að sigra
heiminn, og jafnvel strangir músík-
dómarar nota sín sterkustu lýsingar-
orð til að hæla henni. Nú gefst is-
lenzkum tónlistarunnendum aftur
kostur á að heyra hana föstudags-
kvöldið 28. þessa mánaðar í Austur-
bæjarbíói, og má búast við, að færri
komist að en vilja. Hér sjáið þið
mynd af hljómsveitinni við tónleika-
hald, konsertmeistarinn er hinn ungi
og hæfileikamikli Piero Toso, en
stjórnandinn Claudio Scimone.
ins. — Það má ekki ætla ísfirðingum
minna en að sjá um það, að nýsett lög
um menntaskóla á ísafirði, verði ekki
jjappírsgagn eitt eða eilífðarmál.
Sjómannaskóli er stofnun, sem eðli
málsins samkvæmt hlýtur að rísa í sjó-
manna- og útgerðarbænum, ísafirði, inn-
an fárra ára. Á það kalla samróma sag-
an og þörfin. Sú framkvæmd er blátt
áfram sjálfsagður hlutur.
Þá er ekki óeðlilegt að verknámsskól-
ar í málmsmíði og trésmíði verði liðir
í skólakerfi bæjarins.
Eitt eiga ísfirðingér að gera sér til
gamans. Þeir eiga að byggja loftbraut
til fólksflutninga úr Stóruurð upp á
Gleiðarhjalla. Sú framkvæmd mundi
örugglega endurgreiða stofnkostnað
sinn á skömmum tíma. Það væri líka
nokkuð fyrir þá, sem víðsýnið þrá,
kunna ekki þrengslunum í bænum.
MENNIRNIR SPÁ, en guð ræður.
Þess vegna legg ég nú frá mér penn-
ann. Það verður að viðurkennast, að
við, mennirnir, sjáum lítt aftur, en
ekki fram, skyggir Skuld fyrir sjón.
ÍSFIRÐINGAR munu nú að sjálf-
sögðu efna til mannfagnaðar nokkurs
til að minnast 100 ára kaupstaðarrétt-
inda bæjarfélags síns. Jafnframt munu
þeir óefað efna til heitstrenginga um,
að efla vöxt og viðgang ísafjarðarkaup-
staðar, svo að hans gengi verði gott og
þar eftir mikið, er menn aftur efna til
afmælishófs að 100 árum liðnum, það
herrans ár 2066.
Hannibal Valdimarsson.
FÁLKINN 19