Vikan - 15.06.1961, Blaðsíða 25

Þetta sumar verður án efa mjög
minnisstætt fegurðardrottningunni
í fyrra, Sigrúnu Ragnarsdóttur. Hún
er nú nýlega komin frá Evrópu-
keppninni í Beirut, og eftir fjórar
vikur leggur hún aftur af stað. í þaS
skipti verður förinni heitið í vestur-
átt og ákvörSunarstaSur er: Langi-
sandur i Kaliforníu, þar sem Sigrún
tekur þátt i Miss Universe-keppn-
inni.
Þar sem Vikan er ekki unnin eins
og dagblað, heldur nokkuð langt
fyrirfram, er ekki unnt að hirta
neinar myndir frá keppninni í Bei-
rut, en þaS verður væntanlega gert
síðar. Hins vegar birtum við hér
mynd af hinu glæsilega Casino of
Libanon, þar sem keppnin fór fram.
Einar .lónsson fór með Sigrúnu
til Beirut, þar sem hann á sæti í
dómnefnd þeirra samtaka, er sjá um
fegurðarsamkeppni um allan heim.
Þau höfðu viðkomu í Glasgow,
Kaupmannahöfn, Fraúkfurt og Vín-
arborg. Siðan fóru þau um Aþenu
og MiklagarS og þaðan til Beirut,
sem er við botn Miðjarðarhafs. 1
heimleið komu þau við í Róm og
Amsterdam. Um það leyti, er Sigrún
leggur af stað til Langasands, verð-
ur hirt sitt af hverju um ferðina
þangað.
Á Evrópukeppninni í Beirut kom
Sigrún fram í forkunnarfallegum
kjól, sem frú Dýrleif Ármann teikn-
aði og saumaði á hana. Frú Dýrleif
á einnig heiðurinn af kyrtlinum, sem
þið sjáið á myndinni hér, þar sem
gamli bærinn að Árbæ er i baksýn.
Sigrún hafði skaut við kyrtilinn,
sem fór henni mjög vel. Bæði kyrt-
illinn og kjóllinn voru ljósbláir að
lit, kjóllinn bróderaður með gráu,
og herðasláin, sem föst er í mittið og
feilur niður á gólf, er fóðruð með
gráu. Sigrún mun koma fram í sama
búningi á Langasandi, og er ekki
vafi á því, að hann mun ekki vekja
minni athygli en búningar þeir, er
frú Dýrleif saumaði á þær Sigríði
Þorvaldsdóttur og Sigríði Geirsdótt-
ur. Vöktu þeir mikla athygli og urðu
í fremstu röð. ★
SIGRTJN
í skautbúningi á Árbæjarhlaðinu. Frú Dýrleif Ármann saumaði
bæði kyrtilinn og síða kjólinn.
Casino of Libanon, þar sem Evrónukennnin fór fram.