Fréttablaðið - 12.12.2009, Qupperneq 128

72 12. desember 2009 LAUGARDAGUR
Nýja platan ykkar er dekkri en hin
fyrri. Af hverju minnkaði stuðið?
Stuðið hefur í sjálfu sér ekkert minnk-
að, það hefur bara breyst! Áhersl-
urnar okkar breyttust aðeins og við
fórum að hafa áhuga á aðeins dekkri
tónlist; svo eru líka meiri pælingar á
bak við textana á þessari plötu. Stuðið
er enn til staðar, það er bara þrosk-
aðra.
Undir hverra áhrifum eruð þið?
Hvert okkar er undir sínum eigin
áhrifum! Við erum öll með mjög ólík-
an tónlistarsmekk, og sækjum inn-
blástur í mjög ólíka hluti. Ég sæki til
dæmis innblástur til stórkostlegra
söngvara á borð við Antony Hegarty
og frábærra textahöfunda eins og Bill
Callahan.
Er ekkert þreytandi að vera með
bræðrum sínum og fyrrverandi kær-
asta í hljómsveit? Nei, það finnst mér
ekki. Mér finnst samt stundum þreyt-
andi að ferðast með þeim þremur og
svo kannski tveimur strákum í viðbót,
rótara og hljóðmanni). Þá fær maður
oft alveg nóg af typpabröndurunum og
lokar sig af mestallan tímann! En við
erum góðir vinir og þekkjumst út og
inn, svo þetta er bara gaman.
Hvað er það leiðinlegasta sem þú
hefur gert? Ég vann tvö sumur við
að þrífa klósett eftir annað fólk. Það
fannst mér bæði viðbjóðslegt og leið-
inlegt.
Hefurðu séð Lagarfljótsorminn?
Mér skilst að hann sé ekki til. En ég
hef séð hann í draumi.
Hvað veistu sem við hin vitum ekki?
Ég hugsa að ég viti ekki neitt sem eng-
inn veit, nema leyndarmálin mín, en
ég kann að reikna fylgnistuðul. Það
kunna það örugglega ekki allir.
Hvað heldur fyrir þér vöku? Pen-
ingaáhyggjur (sama hvort ég á pening
eða ekki, er með ofnæmi fyrir pening-
um) og bílaumferðin á Snorrabraut-
inni.
Ertu búin að kaupa allar jólagjaf-
irnar? Nei, ekki eina. Ég er mjög léleg
í svona gjafamálum, ég gef alltaf
ófrumlegustu gjafir sem hægt er að
hugsa sér. Nærbuxur og sokka og svo-
leiðis.
Hvað langar þig að fá í jólagjöf?
Bara eitthvað fallegt sem fær mig til
að brosa. Það er aðalmálið.
Ertu með einhvern óþolandi kæk?
Ég læt braka í puttunum á mér (sem
öðrum finnst pirrandi) og segi alltaf
„aaah“ þegar ég er búin að hlæja (sem
mér finnst pirrandi).
Jólaandinn uppfyllir fyrir þig þrjár
óskir. Hverjar? Friður á jörð, gleði í
hjörtum allra og Kitchen Aid-hrærivél
í eldhúsinu mínu.
Uppáhaldsstaðurinn þinn á jörð-
inni? Það er æskuheimili mitt á Egils-
stöðum.
En hvaða framandi stað áttu pott-
þétt eftir að heimsækja? Japan og
Kína!
Bók eða bíómynd? Fyrst bók, svo
bíómynd.
Uppáhaldsorðið þitt? Mýlisslíður.
En eftirlætislykt? Lyktin af kær-
astanum mínum, hvort sem hann er
hreinn eða sveittur.
Hvað gerist að loknu þessu jarðlífi?
Líkaminn hættir að virka, rotnar og
sameinast jörðinni. Svo étur antílóp-
an grasið. Þannig höldum við hringrás
lífsins áfram. Þetta lærði ég sex ára
gömul af Múfasa, konungi ljónanna í
Ljósuklettum.
Þroskaðra stuð hjá Bloodgroup
Önnur plata austfirsku hljómsveitarinnar Bloodgroup, Dry Land, hefur fengið frábærar viðtökur hlustenda sem kunna að meta taktfasta
elektróníska tónlist. Hólmfríður Helga Sigurðardóttir tók söngkonuna Lilju Kristínu Jónsdóttur í þriðju gráðuna og komst að því að hún er
með ofnæmi fyrir peningum, hefur ekki séð Lagarfljótsorminn nema í draumi og elskar lyktina af kærastanum sínum.
LILJA KRISTÍN JÓNSDÓTTIR SÖNGKONA Henni finnst ekkert þreytandi að vera með bræðrum sínum og fyrrver-
andi kærasta í hljómsveit. Hins vegar fær hún stundum nóg af typpabröndurum á tónleikaferðalögum með enn
fleiri karlmönnum og lokar sig af. FRÉTTABLAÐIÐ/GVA
JÓLAMYNDIN Í ÁR
KOMIN Í BÍÓ
Lynghálsi 3
Lónsbakka Akureyri
www.li and.is
Mountain Ridge
Grace
Gjöf hestamannsins
Vönduð úlpa, vegleg gjöf
15% afsláttur af öllum vetrar y rhöfnum
ásamt fjölda annarra tilboða
Transition
Skemmti legur jó la le ikur í vers lunum Líf lands .
Taktu þátt og þú gætir m.a . unnið miða fyr i r
tvo á jó lamyndina Artúr 2: Maltasar Snýr Aftur
Allt að 500 vinningar í boði