Vikan - 08.04.1965, Blaðsíða 32

HÚSMÆDffR!
£001, eldhúsrúllan er fram-
leidd sérstaklega fyrir notkun
i eldhúsum ykkar og hjálpar
ykkur viö dagleg störf.
ELÐHÚS
RÚLLAN
ELDHÚSRÚLLAN GEGNIR1001 HLUTVERKI
Stjörnuspáin gildir frá fimmtudegi til fimmtudags.
Hrútsmerkið (21. marz — 20. npjlij;
Vertu ekki mikið á ferli seint um kvöld. Þú átt
á hættu að mæta einhverju úr fortíðinni sem þú
vilt ekki rifja upp. Á laugardag gerist atburður
sem er aðeins byrjunin á nokkru mikilvægu og
stórkostlegu fyrir þig.
Nautsmerkið (21. apríl — 21. maí):
Þetta verður fremur þægileg vika, bæði fyrir þig
og fjölskylduna þína. Miðvikudagurinn verður mik-
ill fjármáladagur. Vinur þinn endurvekur áhuga
þinn á máli sem þið unnuð mikið að fyrir nokkru.
Tvíburamerkið (22. maí — 21. júní):
Þú skalt ekki vera mikið með í skemmtunum og
ferðalögum að sinni. Þú ættir að reyna að koma
persónulegum málum þínum í betra horf og búa
betur um þig að öðru leyti. Sinntu fjölskyldu þinni.
Krabbamerkið (22. júní — 23. júlí):
Þeir sem fæddir eru frá 10.-18. júlí mega eiga von
á einhverju sérlega óvæntu. Yfirleitt verður vik-
an þá nokkuð minnisstæð þeim sem fæddir eru
undir þessu merki. Heillatala er 3. Heillalitur blár.
Ljónsmerkið (24. júlí — 23. ágúst):
Þú ert nokkuð óþolinmóður og ýtinn við meðbræð-
urna. Þú ættir að reyna að skipta um umhverfi
og hvíla þig á þessu striti í nokkurn tíma. Maður
sem þú hefur nokkur kynni af kemur mjög við
sögu þína.
Meyjarmerkið (24. ágúst — 23. september):
Viksn verður fremur bragðlaus en þó má hún
heita þægileg. Þú færð heimsókn kunningja þinna
og tekst mjög vel. Þú ættir að reyna að þroska
persónuleika þinn meira og betur við ýmis skilyrði.
Vogarmerkið (24. september — 23. október):
Þú hefur lítinn áhuga á verkefnum þeim sem þér
bjóðast og ert að hugsa alvarlega um breytingu á
högum þínum. Þú hefur nokkra möguleika á að
gera góða verzlun. Vertu ekki of óframfærinn við
að koma hlutunum í kring.
Drekamerkið (24. október — 22. nóvember):
Það má segja að þú sért nokkuð rólegur, þegar
vissir hlutir eru annarsvegar. Þú getur reitt þig á
að þessi seinagangur verður ekki liðinn endalaust.
Þú skalt bíða með allar stórframkvæmdir. Heilla-
tala 8.
Bogmannsmerkið (23. nóvember — 21. desember):
Einhver breyting í sambandi við heimili þitt er
væntanleg, líklega í sambandi við bústaðaskipti.
Þú uppgötvar margar nýjar leiðir sem þér voru
ekki ljósar fyrr en nú. Þú ættir að gera meira fyrir
einn frænda þinn.
Steingeitarmerkið (22. desember — 20. janúar):
Vikan er sérstaklega fyrir þá sem unna útilofti
og ferðalögum. Það hefur ekkert að segja þótt
veðrið sé vott, mundu það. Bréfaskriftir virðast
skipta þig nokkru eins og er og vandaðu þig vel,
það er áríðandi.
Vatnsberamerkið (21. janúar — 19. febrúar):
Gegn freistingum gæt þín og falli þig ver, þetta
ætti að vera einkunnarorð vikunnar, því enn er
ekki rétti tímin upprunnin. Um helgina verðurðu
í mjög skemmtilegum félagsskap sem lengi mun
minnzt verða.
Fiskamerkið (20. febrúar — 20. marz):
Þú fyllist af nærfærni og hjartahlýju 1 garð vissrar
persónu er þú fréttir um örlög hennar. Dæmdu
ekki vin þinn hart, hann er í fullum rétti Gakktu
vasklega til verks og láttu engan letja þig. Heilla-
litur rauður.
22 VIKAN 14. tbl.