Vikan - 15.12.1966, Blaðsíða 49

listaverk í formi, litum og hugsun.
Strákarnir fimm, sem nú eru orðnir
fulltíða menn og eiga sjálfir svona
stráka, stóðu í fjörunni á Snæfells-
nesi þar sem Kjarval málaði þá í
skyndi í hellirigningu. Ævintýrið
liggur í laftinu þótt himinninn sé dá-
lítið þungbúinn, líklega vegna
stríðsins, en bót er í máli að þessir
strákar hafa skilið himininn og eru
ákveðnir í að bjarga heiminum, að
minnsta kosti íslandi. Og málarinn
sér þetta allt í einni leiftursýn og
festir á blað. Þessi mynd mun verðá
jafnmikið listaverk í augum Islend-
inga árið 3000 og hún er í dag.
Þeir menn eru til, Ragnar, sem
halda því fram, að þú sért einhver
snobbaðisti maður á þessu landi,
og færa það þvi til sönnunar, að
það sé alveg útilokað, að einn mað-
ur geti haft svona einlægan áhuga
á svona mörgum listum, eins og
þú hefur.
Mér þykir gaman að heyra svona
mikið lof um mig óverðugan kaup-
sýslumann. Helgi Sæm., sem er flóa-
fífl eins og ég skrifaði fyrir nokkr-
um árum í blaðið þitt eitthvað á
þá leið, og mér hefur alltaf þótt
mjög vænt um hann síðan. Eins og
sagði þér áðan þá er ég kaup-
maður, sem verzla með andlegar
afurðir. Ég hef verið svo gæfusam-
ur að kynnast mörgum listamönn-
um, erlendum sem hérlendum, og
ekki komizt hjá því að hafa nokkra
nasasjón af mörgum listgreinum.
Sá sem kynnist góðum listamönnum
og öðrum stórmennum, án þess að
vera það sjálfur, fer 'fljótlega að
líta upp til þeirra — snobba fyrir
þeim. Þetta er nú allt og sumt. Ef
lýsa ætti sálarástandi mínu í ná-
vist ýmissa þessarra manna, þyrfti
að leita uppi sterkara orð en snobb.
Ég vil eftirláta það orð minni spá-
mönnum.
Er snobb nauðsynlegt?
Ég held ekki það sé neitt smán-
arlegt að vera snobbari, ef það er
eitthvað meira en nýr bíll sem það
snýst um.
í sambandi við myndagjöf þína
til Alþýðusambandsins verðurðu lík-
lega að skýra þetta betur.
Ég hef skýrt það mál nokkuð hér
að framan. En því mætti þar við
bæta, að menn eru fyrir mér ann-
aðhvort skemmtilegir eða leiðin-
legir. Nokkur hluti borgarastéttar-
innar, einkum í Reykjavík er dálítið
þreytandi fólk, og kaupsýslumenn-
irnir ýmsir talsvert forskrúfaðir,
þessir kollegar mínir sumir nokkuð
peningaglaðir. Það venst af þegar
kreppan kemur. Það er bölvað fyrir
okkur borgarana að kannast við
það að alþýðan, til sjávar og sveita,
erfiðisfólkið,býr yfir sannri lífsgleði
og hefur ríkara hugmyndaflug, en
við sem alltaf sitjum á rassinum á
skrúfustólnum eða í bílnum. í þess-
um hópi úrvalsfólks eru einnig lista-
menn. Það þýðir ekkert að ætla að
reyna að fela sannleikann. Þetta
fólk ætti að stjórna landinu og
einkum fjölmiðlunartækjunum. Ég
gef þeim sem gefa mér, ég er nú
Framhald á bls. 52.
■
Viðarbiliiir
fullunnar og
tilbúnar til
uppsetningar.
Viðartegundir:
EIK
ASKUR
ÁLMUR
CHERRY
LERKI
LIMBA
TEAK
o. fl.
0. FL.
Verðið mjög
hagstætt.
HARDVIDARSDLAH S F.
Þórsgötu 13, Rvík.
Símar 11931, 13670
RAM
SKEMMTILEGT HEIMILI
SKEMMTILEG LÝSING
RAMno™ osram