Vikan - 10.04.1968, Blaðsíða 22

SÍOAN SÍBAST
Spraufað viö offjölgun
Sprauta í handlegginn getur
komið til með að forða veröld-
inni frá fólksfjölgunarsprengj-
unni, sem yfir vofir. Það heldur
að minnsta kosti hópur vísinda-
manna við Rockefeller-háskóla í
New York.
Fyrirliði hópsins, dr. Howard
Tatum, hefur fundið upp nýtt lyf
gegn barnagetnaði, og hefur það
þegar verið prófað með prýðis
árangri á öpum. í vor á að fara
að reyna lyfið á bandarískum
konum. Það er kvenlegur kyn-
hormón — progestogen — sem
sprautað er í handlegg konunn-
ar og gerir hana ófrjóa í að
minnsta kosti ár. Eftir því sem
bezt verður séð er lyfið laust við
hinar óþægilegu hjáverkanir, sem
fylgt hafa getnaðarvarnapillun-
um, og breytir ekki hormóna-
jafnvæginu í líkamanum. Lyfið
hefur heldur engin áhrif á hið
mánaðárlega egglos. Tíðirnar
halda áfram sem endranær. Kon-
an losnar líka við að muna eftir
að taka pillu iim daglega.
Dr. Tatum lítur svo á, að varn-
arsprautan muni fyrst og fremst
koma að góðu gagni í vanþróuðu
löndunum, þar sem erfitt hefur
reynst að innleiða pillur. Rann-
sóknir hafa sýnt, að til dæmis
í Indlandi hefur mistekizt að út-
breiða pillurnar. Aðeins fjórðung-
ur þeirra kvenna, sem boðið var
upp á pillur ókeypis, þáðu boð-
ið, og um helmigur þeirra hætti
að nota þær að nokkrum vikum
liðnum. Vísindamennimir banda-
rísku segja líka að mjög litla
lækniskunnáttu þurfi til að gefa
sprauturnar, en hinsvegar þarf
til dæmis læknismenntaðan mann
til að koma plastspíralnum á sinn
stað.
Bíafrastríðið: Hvaðan fá þeir peninga fyrir flugvélum?
Hundrað þúsund drepnir
f Nfgerlu
Þegar óeirðir hófust í Nígeríu
í maí í fyrra, var almennt litið
á þetta sem skærur milli þjóð-
flokka. En nú er stríð þetta orðið
eitt hið blóðugasta, sem um þess-
ar mundir er háð í heiminum.
Þegar austurfylkið lýsti sig
sjálfstætt ríki og tók upp nafnið
Bíafra ásamt þjóðsöng og fána,
tilkynnti sambandsstjómin að
upphlaupið yrði snarlega kæft
með „lögregluaðgerðum". f júlí
síðastliðnum, þegar stríðið brauzt
út, hafði hinn sjálfskipaði ríkis-
leiðtogi Bíöfru, Odumegwu Oju-
kwu, á að skipa aðeins rúmlega
þrjú þúsund manna her, en tókst
á undrastuttum tíma að tvöfalda
að fjölda hið illa útbúna lið
sitt. Nígeríustjóm undir forustu
generalmajórs Yakubu Gowon
hafði á sama tíma tólf þúsund
manna lið til taks.
Síðan hafa herirnir magnazt
margfaldlega. Sambandsstjórnin
hefur nú á milli fimmtíu og sex-
tíu þúsund manns undir vopnum
og Bíöfrumenn yfir tuttugu og
fimm þúsund. Borgarastríðið er
háð af fullum krafti. Bíafra hef-
ur orðið sér úti um sprengju-
flugvélar af gerðinni B 26, sem
voru í brúki í síðari heimsstyrj-
öld, nokkrar franskar Alouette-
þyrlur og meira segja eldflaugar,
er elta uppi skotmarkið sjálfar.
Sambandsstjórnin hefur svarað
með því að útvega sér rússnesk-
ar herflugvélar af gerðinni MIG
15, tékkneskar Delfin-orrustu-
flugvélar og brezkar Provost-þot-
ur.
Hvemig Bíafra hefur náð í pen-
ing fyrir vopnum er mönnum hul-
in ráðgáta. Þó er hald sumra að
þeir fái bæði fé og vopn frá
Portúgal. Hingað til hafa að
minnsta kosti hundrað þúsund
manns verið drepnir í stríði
þessu.
Morðvopn á morðfjár.
Hver á morðvopn
Oswalds?
Þegar eftir morðið á John F.
Kennedy keypti olíukóngur einn
í Denver, John King að nafni,
bæði morðvopnin — riffil og
skammbyssu — fyrir tíu þúsund
dollara. Seljandinn var Marina
Oswald, sem þá græddi á tá og
fingri á því að lána bandarískum
blöðum myndir úr fjölskyldual-
búminu og dagbækur Lee Har-
veys. Síðan þá hefur King átt
í erjum við yfirvöldin. Vopnin
voru gerð upptæk samkvæmt fyr-
irmælum dómsmólaráðuneytis-
ins, þótt svo að King hefði bréf
upp á að hann hefði keypt þau
af Marinu. En yfirvöldin harð-
neita að skila hólktmum.
Nú hefur olíukóngurinn, sem
reynda'r stundar vopnasöfnun
sem hobbí, stefnt því opinbera
og krafið það um tvö hundruð
og fimmtíu milljónir króna í bæt-
ur fyrir riffilinn, sem Lee Har-
vey Oswald kvað hafa skotið for-
setann með og skammbyssuna,
sem hann síðan á að hafa notað
til að drepa lögreglumanninn J.
D. Tippit.
King hefur háð harða baráttu
síðustu árin fyrir því að fá rétt
til að hafa vopnin undir höndum.
Eignarrétt á þeim þykist hann
þegar hafa. Nú hefur hann ráðið
til liðs við sig færa lögmenn og
krefst þess að málið verði útkljáð
fyrir dómstóli. Hann og lögmenn-
irnir segja að vopnin hafi tilheyrt
dánarbúi Oswalds sáluga og að
Marina hafi því verið í sínum
fulla rétti er hún seldi þau. Dæmi
Kings hefur orðið Marinu, þeim
dugnaðarkvenmanni, til nokkurr-
ar hvatningar, svo að hún hefur
nú krafið bandarísk yfirvöld um
tuttugu og fimm milljónir króna
í bætur fyrir ýmislegt dót, sem
lögreglan lagði hald á í íbúð
þeirra hjóna í Dallas í sambandi
við rannsóknina eftir forseta-
morðið.
22 VIKAN 14-tbl-