Vikan - 22.08.1968, Side 29

GRETO GARBO BODNII
MILIJðN SOLLABAR
FVRIR EITT
KVUMYOBAHIITVERK
EF KVIKMYNDAFRAMLEiÐANDINN SAM SPIEGEL
FÆR VILJA SÍNUM FRAMGENGT, ÞÁ FÁUM VIÐ
AD SJÁ GRETU GARBO Á KVIKMYNDATJALDINU,
SEM ÁSTMEY GHOPINS
Það voru þekktir heimsmenn sem biðu spenntir í skrautlegri íbúð Jean
Howards í New York í júní síðast liðnum. Þar voru leikritahöfundurinn
William Marchant, Englendingurinn Noel Coward, franski kvikmyndaleik-
arinn Jean Pierre Aumont og hinn frægi kvikmyndaframleiðandi Sam
Spiegel. Og allir biðu þeir í ofvæni eftir konu, sem með einu orði gat fengið
þessa frægu herra til að líkjast vandræðalegum skólastrákum.
— Við sátum allir sem dáleiddir og reyndum að horfa ekki alltaf á dyrnar,
segir Marchant. Og allt í einu kom Greta Garbo inn í herbergið. Það var
eins og einhver hefði kveikt á undralampa. Hún kom síðust á fundinn, eins
og vanalega, og að venju fór hún fyrst. En hún var í rjómaskapi, hló og
sagði fvndnar sögur, sem allir hlustuðu á með athygli, — sem sagt hún var
alger mótsetning hinnar þunglyndu Gretu, sem ég hafði búizt við.
Hún var óþvinguð og eðlileg, sérstaklega glæsilega klædd, í svörtum kjól,
með perluhálsband og í skóm sem pössuðu vel við klæðnað hennar. Hún var
alls ekkert furðuleg eins og hún virðist vera á blaðaljósmyndum, þvert á móti!
KAUPIR SÆNSKAR KJÖTBOLLUR
Hinir lághæluðu skór, barðastóru hattár og stóru sólgleraugu, eiga ekkert
sammerkt við þá Gretu sem við sáum.
Á þessum fundi bauð Sam Spiegel Garbo cina milljón dollara fyrir að
leika aðalhlutverkið i kvikmvnd, sem byggð er á ástarsögu frönsku skáld-
konunnar George Sand og Chopins. Garbo brosti aðeins þegar hún heyrði
upphæðina nefnda, upphæð, sem engin önnur leikkona en Eliztbeth Taylor
fær nú, og svo breytti hún um umræðuefni.
Greta Garbo hefir ekki leikið í kvikmynd í 27 ár, ekki síðan hún lék í
,,Tvíburunum“, árið 1941. Og samt bjóða frægustu framleiðendur í heimi
henni svona gífurleg laun. Hver er ástæðan?
— Garbo er sú forvitnilegasta af öllum konum, segir Spiegel, og fólk
vill borga fyrir það eitt að sjá hana, hvað sem það kostar.
Hvernig lifir þá þessi furðulega vera lífi sínu?
— Hún er einn bezti viðskiptavinur minn, segir þriflega sænska konan, sem
annast sænsku verzlunina milli 49. og 50. götu í Manattan í New York. —
Hún kaupir alltaf heimatilbúnar, sænskar kjötbollur, og það er ákaflega
gott að gera henni til hæfis.
Einn af frægustu blaðaljósmyndurum New York borgar missti einu sinni
stóra krukku af síld í gólfið, þegar hann allt í einu sá konuna, sem hafði
töfrað hann fvrir 30 árum, með leik sínum í „Ninotcka".
— Hún stóð þarna, og hélt á glasi með súrsuðum agúrkum, sagði hann
síðar. — Og þegar ég missti krukkuna, sagði hún: „Þetta var leiðinlegt“.
Hún er líka fastur gestur í antik verzlununum við 59. götu. Eftir því sem
kaupmennirnir segja hefir hún mikið vit á Wedgewood postulíni, en hún
kaupir sjaldan nokkurn hlut, og ef hún gerir það, prúttar hún alltaf.
Ibúð Gretu Garbo, þar sem hún hefir útsýn yfir East River, er sambland
Framhald á bls. 50.

33. tbi. VIKAN 29