Vikan - 01.10.1970, Blaðsíða 5

Því jleiri bílastæði sem
bœtast við, þeim mun
fleiri bílar munu koma á
vettvang til þess að fylla
þau. Það er líkt og að mata
dúfur á torgi.
Hoss Carthwright týndi
hjarta sínu í París
— Það eru þessi kvöld í París,
segir Dan Blocker, betur kunnur
sem Hoss Cartwright í sjónvarps-
þáttunum „Bonanza", við kunn-
inga sinn, sem er að sýna honum
skmmtistaðina við Signu. Síðan
hætt var upptöku Bonanza þátt-
anna, hefir hinn feitlagni Hoss
verið að litast umeftirnýju verk-
efni. Það fékk hann í Evrópu.
Hann lék í sjónvarpsþætti með
Mireille Mathieu, næturgalanum
frá Avignon. Hoss segir: — Mir-
eille er mest töfrandi af öllum
stúlkum, sem búa hér í nágrenni
Eiffelturnsins. Ég gæti kysst hana
til eilífðar. Mireille var líka miög
ánægð. — Þetta var skemmtileg-
asti siónvarpsþáttur sem ég hefi
tekið þátt í. Hoss er mikill ær-
ingi, segir hún.
# vísur vikunnar
UM JÓN SÝSLUMANN í RAUÐUSKRIÐU
Beiði ég þann, er drýgir dáð
og deyð á hörðum krossi leið,
að sneyða þig af nægt og náð,
ef neyðirðu mig að vinna eið.
Dómarinn Jón, þú dæmir mig,
dómurinn sá er skæður.
Dómarinn sá rriun dæma þig,
sem dómunum öllum ræður.
S J ÁLFSLÝ SING
Getið er ég sé grýlan barna
af guði sköpt í mannalíki.
Á mig starir unginn þarna
eins og tröll á himparíki.
Látra-Björg.
Með dýragar9 á höfði
f sambandi við konunglegu
veðreiðarnar í Ascot í Englandi
fer árlega fram furðuleg hatta-
sýning, sem jafnan vekur mikla
kátínu. Takmarkið er að sýna
sem fáránlegasta hatta og sýn-
ingardömurnar eru ekki af verri
endanum: Hefðarmeyjar og til-
haldsrófur taka þátt í þessum
leik til að skemmta sér og öðr-
um og fá tækifæri til að láta
svolítið á sér bera. Á meðfylgj-
andi myndum sjáum við þá
hatta, sem verðlaun hlutu í ár.
Fyrstu verðlaun hlaut risate-
bolli með undirskál og teskeið.
Því miður er hatturinn svo um-
fangsmikill, að fagurt andlit
berandans sést ekki. Önnur
verðlaun hlaut hattur, sem var
hvort tveggja í senn: heill dýra-
garður og flugvél.
☆
Heitir fætur og kaldir
Samel Upham, þekktur lær-
dómsmaður og háðfugl, var orð-
inn mjög hljóðlátur og kyrrlátur
á sjúkrabeði sínu, skömmu áður
en hann skildi við. Vinir hans
og ættingjar, sem safnast höfðu
saman við rúm háns, héldu því,
að nú væri hann vissulega bú-
inn að gefa upp öndina. Einn
viðstaddra stakk því upp á þvi,
að einhver þreifaði á fótum hans,
vegna þess, að „enginn hefur dá-
ið með heita fætur“, eins og hann
komst að orði.
Og kímnigáfa dr. Uphams lét
ekki á sér standa, heldur bar
sigur af hólmi yfir óttanum við
hinn nálæga dauða.
Hann opnaði annað augað og
hvíslaði:
„Jú, það gerði heilög Jóhanna“.
Ætlar að verða fjallgöngumaður
Þannig lítur Joseph Kennedy
III. út, elzti sonur Ethel og Ro-
berts Kennedy. Öllum sumar-
leyfisferðum sínum í ár eyddi
hann í fjallgöngur í Mount
Rainer skammt frá Washington.
Þar dvaldist hann ásamt fleiri
fjallgöngugörpum; svaf í svefn-
poka undir berum himni; lifði
frumstæðu lífi í skauti náttúr-
unnar fjarri óhreinindum og
skarkala borgarinnar.
Áhuga sinn á fjallgöngum hef-
ur Joseph erft frá föður sínum,
sem kleif fjallstinda hvenær sem
tækifæri bauðst. Síðasta árið
sem Robert lifði gat hann ekki
lagt stund á þessa eftirlætis
íþrótt sína. Stjórnmálin tóku hug
hans allan.
Joseph Kennedy segist hins
vegar aldrei ætla að skipta sér
af stjórnmálum. Hann er stað-
ráðinn í að gerast fjallgöngu-
maður og ekkert annað.
☆
40. tbl.
VIKAN 5