Vikan - 01.10.1970, Blaðsíða 4

Minni hætta á
Heklutindi
Kunnur náttúrufræðingur ís-
lenzkur lét þess eitt sinn getið,
að það væri hættulegra að aka
um götur Reykjavíkurborgar en
að vera við Heklu gjósandi.
Hvað sem þessari fullyrðingu
líður er víst, að hættan í um-
ferðinni er mikil og eykst stöð-
ugt. Þegar þetta er ritað hafa
umferðarslys verið óhugnanlega
tíð. En ástandið er lítið betra í
nágrannalöndum okkar. Þessi
mynd var tekin í Svíþjóð á
liðnu sumri. Ökumaður ætlaði
að skjótast milli tveggja spor-
vagna, en misreiknaði sig með
þeim afleiðingum, sem myndin
sýnir.
*
Otrúleg björgun í lofti
27 ára gamall bandarískur
fallhlífarhermaður, Jack Danner
að nafni, lenti nýverið í bráðum
háska. Líf hans hékk á veikum
þræði í bókstaflegri merkingu.
En vinur hans og starfsfélagi
kom honum til hjálpar og vann
ótrúlegt björgunarafrek.
í sexhundruð metra hæð yfir
Fort Monmouth í fylkinu New
Jersey í Bandaríkjunum, fór
fram æfing í fallhlífarstökki.
Liðsforinginn, sem hét Carson,
stökk út úr flugvélinni, opnaði
fallhlíf sína og sveif síðan hægt
til jarðar. Skyndilega greip
hann andann á lofti. Vinur
hans, Danner, hafði stokkið úr
vélinni löngu á eftir honum, en
var samt nærri búinn að ná hon-
um. Eitthvað meira en lítið hlaut
að vera athugavert við fallhlíf
hans.
Þegar Danner var kominn í
sömu hæð og vinur hans, hróp-
aði hann til hans og bað hann
að hjálpa sér. Carson sýndi
undravert snarræði. Á auga-
bragði breytti hann stefnu fall-
hlífar sinnar og stefndi í áttina
til vinar síns. Þetta var djörf
tilraun og hættuleg, en heppn-
aðist fullkomlega. Carson hitti
beint á vin sinn og tókst að
krækja í hann með fótunum.
Hlið við hlið svifu þeir síðan til
jarðar og lentu heilu og höldnu.
Þeir sem urðu vitni að þessari
einstæðu björgun, sögðu, að hún
hefði heppnazt svo vel, að ætla
hefði mátt, að þeir félagar hefðu
verið búnir að æfa hana áður.
/
Nixon er hrifin af Dísu
Nixon hefur gert nokkuð af
því, síðan hann varð forseti, að
bjóða listafólki til Hvíta hússins
í heiðursskyni. John F. Kennedy
byrjaði fyrstur á þessu og tókst
að skapa menningarlegt and-
rúmsloft í hinni sögulegu bygg-
ingu. En smekkur þeirra er
gjörólíkur, og þess vegna býður
Nixon stundum heim til sín
fólki, sem allir eru ekki sam-
mála um að kenna beri við fagr-
ar listir. Nýlega heiðraði Nixon
með heimboði leikkonuna Bar-
bara Eden, sem leikur titilhlut-
verkið í sjónvarpsþáttunum um
hana „Dísu“. íslenzkir sjón-
varpsnotendur kannast vel við
hana, því að þættir hennar hafa
verið sýndir hér um nokkurt
skeið. Nixon sagði við Barböru
Eden, að enginn sjónvarpsleik-
ari hefði orðið fjölskyldu hans
til meiri skemmtunar en hún.
☆
4 VIKAN 40. tbi.