Vikan - 16.01.1975, Blaðsíða 39
ínigdreymdi
Vinkonudraumur.
Kæri draumráðandi!
Mig langar að biðja þig að ráða fyrir mig eftirfar-
andi draum, sem vinkonu mína dreymdi. Henni þótti
ég vera óf rísk í draumnum og vorum við úti að ganga
og fannst henni þá einkennilegt, að ekkert skyldi sjást
á mér, því að henni fannst, að ég væri alveg komin að
falli og ætti að eignast barnið einhvern næstu daga.
Á þessari göngu okkar komum við að tveimur hús-
um, fyrstað litlu húsi og var það orðið skærappelsinu-
gult. Þegar við gengum áfram, komum við að stóru
húsi, sem við vissum ekki hver bjó í og þar var enginn
heima. Gengum við þá bara inn og skoðuðum allt hús-
ið og komumst þá að raun um, að í því voru mörg og
stór herbergi.
Þessu næst fer vinkona mín að spyrja mig, hver eigi
barnið, sem ég gangi með. Þó þóttist hún vita það
fyrir víst, en vildi forvitnast betur um það. Við það
varð ég fúl og sagðist ekkert vilja um þetta tala. Hún
reiddist þessum viðbrögðum mínum og sagðist aldrei
ætla að minnast á þetta framar.
Seinna spurði hún systur mína að þessu og sagði
systir mín, að ég ætti barnið með strák úr Reykjavík.
Þennan strák hef ði ég beðið að koma hingað að vinna,
en hann hefði neitað því.
Síðar um daginn er vinkona mín að greiða sér fyrir
framan spegil. Finnst henni þá eins og ég sé komin á
sjúkrahúsið og er að hugsa um, að á morgun verði
hringt í hana og henni sagt, að ég sé búin að eignast
stóran og myndarlegan strák. Henni varð einnig hugs-
að um, hvegaman yrði að geta heimsótt mig á sjúkra-
húsið alla næstu viku.
Draumurinn varð ekki lengri, en mig langar að taka
þaðfram, að tværaðrar stelpur hefur dreymt svipaða
drauma um mig.
Með fyrirfram þökk.
Sjana.
Þú verður fyrir einhverri öfund og illmælgi, liklega
þó ekki af vinkonum þínum, sem hefur dreymt þessa
drauma, heldur einhverjum þér ekki eins nákomnum.
Líklega reynast vinkonur þínar þér vel og reyna að
bera af þér baktalið sé þess nokkur kostur, en þó varp-
ar það einhverjum skugga á vináttu ykkar.
Líklega farið þið vinkonurnar saman í atvinnuleit,
áður en langt um líður. Ykkur bjóðast tvenns konar
störf og þykir ykkur annað miklu forvitnilegra og
hyggist taka það, en starfiö kemur ykkur mjög á óvart
og reynist umfangsmeira, en þið hélduð.
Tveir draumar um föður.
Kæri draumráðandi!
Ég hef áður skrif að þér draum og f ékk þá á honum
ráðningu, sem síðar rættist. Nú langar mig til að biðja
þig að ráða fyrir mig tvo drauma, sem einkum f jalla
um föður minn.
Fyrri draumurinn:
Ég og vinkona mín gengum út úr strætisvagni núm-
er 8. Þar sem við stigum út úr vagninum, var stór völl-
ur eða tún. Þar sáum við f öður minn vera að elta stór-
an, svartan og villtan hest. Ég varð strax hrædd um,
að hesturinn slasaði pabba og hlupum við í áttina til
hans, þar sem hann var að eiga við hestinn.
A hlaupunum var eins og liði allt í einu yf ir mig og
ég féll á jörðina. I því kemur hesturinn stökkvandi og
hleypur yf ir mig, en snertir mig þó ekki. Vinkona mín
kom aðvífandi og hjálpar mér að standa upp. Ég fann
hvergi til, en var öll dofin og sljó.
Allt í einu hrópaði vinkona mín upp yfir sig og
f annst mér hún þá vera orðin eldri systir mín. Þá sé ég
pabba liggja á jörðinni og hafði hesturinn stokkið yfir
hann og stigið ofan á brjóstkassann á honum. Við
hlupum til hans og var hann orðinn vitskertur að því er
mér fannst, vildi rjúka upp og á hestinn, en systir mín
tók í hárið á honum og hélt honum jaannig niðri.
Þessi draumur varð ekki lengri.
Seinni draumurinn:
Við pabbi vorum að aka i bílnum hans. Allt í einu sá-
um við stóran hóp af nautum og menn, sem reyndu að
halda þeim kyrrum.
Pabbi snaraðist út úr bílnum og rauk til að hjálpa
mönnunum að halda nautunum, en ég sat eftir inni í
bílnum og skalf af ótta við að eitthvað kæmi fyrir
pabba.
Allt í einu breyttust nautin og urðu að gömlum, grá-
hærðum mönnum, en pabbi oq hinir mennirhir voru
alveg eins harðhentir við þá og þeir höfðu verið við
nautin áður. Þetta var hræðileg sjón.
Þessi draumur varð ekki lengri.
Ég vona, að þú sjáir þér fært að ráða þessa drauma
fyrir mig.
Með fyrirfram þökk.
St.
Það er fyrir óvæntri gæfu að sjá fælinn hest í -
draumi, eins þótt hann sé svartur. Sumir telja svarta
hesta i draumi vera fyrir óhamingju, en það á
áreiðanlega ekki við um þennan draum. Þó getur
verið, að þú verðir fyrir einhverjum óþægindum
vegna öfundar annarra af heppni þinni. Seinni
draumurinn er fyrir einhverjum deilum föður þíns við
svokallaða heldri menn og ekki verður annað séð af
draumnum en hann fari með sigur af hólmi í þeim
þrætum.
Með hjálm á höfði
Kæri draumráðningaþáttur!
Fyrir nokkru dreymdi mig draum, sem mér þykir
því f urðulegri sem ég hugsa meira um hann. Ég þótt-
ist staddur í sal í gömlum kastala, þar sem geymd
voru herklæði, brynjur, hjálmar og vopn. Ég fór að
máta brynjur og annað þess háttar, en fann ekkert
mátulegt á mig. Ég gafst þess vegna upp við að reyna
að finna brynju á mig, en fór þess í stað að máta
hjálmana. Þá brá svo við, að ég rakst undireins á
fallegan hjálm, sem passaði mér og fór afskaplega
vel.
Þegar ég vaknaði, fannst mér ég enn vera með
hjálminn á höfðinu.
Ég vona, að þú getir ráðið þennan draum fyrir mig.
Með kveðju og þakklæti.
Sverrir.
Þessi draumur er fyrir giftingu þinni og þar sem
hjálmurinn fór svona vel, er óhætt að spá þér mikilli
hjónabandssælu.