Vikan - 05.01.1978, Blaðsíða 16

spá Íslendingum frama á erlendri
grund, má geta þess, að það gerist á
fleiri sviðum en í íþróttunum, og þar
kemur meðal annars falleg stúlka við
sögu. Þá verður ísland einnig í heims-
fréttunum vegna merkrar ráðstefnu.”
En hvað um skákina?
,,Það er mikið að gerast í
skákheiminum þetta árið. Og hæst ber
vitanlega kjör Friðriks Ólafssonar í
stöðu forseta alþjóða skáksambands-
ins. En það verða a.m.k. tvö meiri
háttar skákmót hér með þátttöku
erlendra skákmanna, og okkar menn
standa sig með prýði."
Hvað gerist í listaheiminum?
,,Þetta verður gróskumikið ár í
flestum listgreinum, en ég vil sérstak-
lega nefna popptónlistina, því þar
verður mikið að gerast. Það er fremur
bjart í kringum listahátið, og þar rekur
hver stórviðburðurinn annan, en fjár-
hagsvandamál varpa samt sem áður
einhverjum skugga á dýrðina."
Ef við nú spyrjum um afdrif
nokkurramáia, einsog hvernig
fara muni með rekstur sjúkra-
hóte/s Rauða krossins, kaupin
á Víðishúsinu, gjaldeyriseign
ísiendinga erlendis og Kröflu,
svo nefnt sé bara það, sem
kemur í hugann?
„Rekstri sjúkrahótelsins verður
bjargað til bráðabirgða, ríkið tekur við
því. Víðishúsið verður líklega keypt.
Rannsókn á gjaldeyriseign íslendinga
lýkur ekki fyrr en seint á næsta ári, en
ég hef trú á, að reynt verði að hafa
lágt um niðurstöður. Krafla fer ekki í
gang, en það batna heldur horfurnar á
svæðinu."
Hvað um erlend málefni?
,,Um þessar mundir bíður allur
heimurinn eftir því, hvað gerist í
samskiptum ísraels og Arabaland-
anna. Ég er hrædd um, að þær friðar-
vonir, sem Sadat hefur nú kynt undir,
bregðist að verulegu leyti. A. m. k.
verður ekki samið um varanlega lausn
á þessu ári. Og við fáum fréttir af
alvarlegum atburðum þar um slóðir.
En seint á árinu rofar aftur til.
Það verður ófriðlegt í Afríkulöndum
sem fyrr, en þar verður þó haldin merk
ráðstefna, sem gefur ástæðu til
bjartsýni.
Enn verða mannaskipti í æðstu
stöðum í Sovétríkjunum, og ég gæti
trúað, að einhverjir erfiðleikar steðj-
uðu að Sovétmönnum, sem illa
gengur að ráða við.
Vegur Carters fer hins vegar
vaxandi, og hann nær betri tökum á
þeim vandamálum, sem við er að fást.
Það er einkum eitt tiltekið mál, sem
verður honum rós í hnappagatið.
Bandaríkjamenn vinna vísindaafrek á
árinu.
Frakkland verður mjög í fréttum
nær vori, og ég spái stjórnarskiptum
þar í landi. Þá verður ófriðlegt víða á
Spáni, og frá Belgíu berast einkenni-
legar fregnir. Einn evrópskur þjóð-
höfðingi deyr, og dauði hans hefur
talsverðar breytingar í för með sér.
Indira Gandhi nær auknum áhrif-
um á Indlandi, og stjórnmálalíf
landsins verður í meira lagi róstusamt.
,,Flinn hímneski friður" verður hins
vegar alls ráðandi í Kína.
Ég held ég endi svo bara í léttum
dúr: Það verður mikil keppni um það,
hvort verður brúðkaup ársins, brúð-
kaup prinsessunnar í Mönakó (þar
sem islendingar virðast eitthvað koma
við sögu), eða brúðkaup Karls
Bretaprins, sem haldið verður með
viðeigandi pragt að hausti."
LJÓSM:
TRAUSTI BRAGASON
Blaðamaður Vikunnar dvaldist á
Gran Canaria í haust á vegum
Samvinnuferða, og mun síðar
birtast hér í blaðinu grein um þá
ferð. En til að byrja með langar
okkur að kynna fyrir ykkur
fararstjórann.
Hún heitir María Perello og er23
ára gömul. María er að vísu ekki
fædd á Kanaríeyjum, heldur
fæddist hún á Verdu í Lerida í
Katalóníu. Þaðan fluttist hún
tveggja ára að aldri til Terrassa,
sem er rétt við Barcelona. Síðan
hefur hún farið víða um heim og
var m.a. ítvö og hálft ár á islandi.
María hóf störf hjá Samvinnu-
ferðum 16. september 1977 og var
þá við starfsþjálfun á Torremolin-
os á Spáni, en til Gran Canaria
kom hún 7. október. Það er að
sjálfsögðu mikið öryggi fyrir
farþega að hafa spænskumælandi
fararstjóra — enda hafði María
nóg að gera við að túlka fyrir
okkur öll!
Blaðamaður Vikunnar gat ekki
farið frá Gran Canaria án þess að
spjalla lítilsháttar við Maríu, þessa
kátu, lífsglöðu stúlku, sem meira
að segja hefur staðið sjálfa sig að
því að svara löndum sínum á
íslensku, svo ofarlega er henni
málið í huga!
— Hvernig datt þér í hug að fara
til Íslands?
— Ég átti vinafólk, sem var að
vinnaá islandi, og þau höfðu sýnt
mér myndir þaðan. Mér fannst
landið svo frábrugðið öðru, og ég
trúði ekki, að það væri í rauninni til
svona landslag, svo ég varð að
fara og sjá þetta með eigin
augum. Ég var þá í háskóla í
Barcelona, og á þeim tíma var
mikið um stúdentaóeirðir, kennsl-
an féll niður hvað eftir annað, allir
voru blankir og mikil óánægja
ríkjandi. Ég og vinkona mín vorum
orðnar leiðar á þessu, m.a. því að
fara með lest daglega til skólans,
og svo var allt lokað og ekkert um
að vera, svo við ákváðum að
skella okkur bara til íslands!
— Og hvernig leist þér svo á
landið, þegar þú varst komin?
— Ég varð yfir mig hrifin, mér
16VIKAN 1. TBL.