Vikan - 06.07.1978, Blaðsíða 5

næstu valdhafar á Ibiza, en á 8.
öld e. Kr. komu Arabar og
lögðu undir sig allar balerisku
eyjarnar. Norrænir víkingar,
sem sigldu suður í Miðjarðar-
hafi á 9. og 10. öld, hjuggu þar
og strandhögg og stofnuðu ríki.
Af þessu má ljóst vera, að
Ibiza var í þjóðbraut frá upphafi
sögulegra tíma fram að lokum
niiðalda og um eyjuna léku
straumar flestra menningarríkja
sögunnar. Árið 1235 voru
Arabar hraktir frá eyjunni og
Don Guillermo de Montgri
lagði hana undir konunginn af
Aragoniu. Síðan hefur Ibiza
tilheyrt Spáni.
Arabar frá Algeirsborg,
Tanger og fleiri stöðum í N-
Afríku stunduðu sjórán á
Miðjarðarhafi og víðar um
margra alda skeið og urðu íbúar
Ibiza mjög fyrir barðinu á þeim,
svo víða lá við landauðn. Þess
vegna víggirtu íbúarnir kirkjur
sínar og reistu varðturna
meðfram allri ströndinni. Á
tímabilinu 1554-1585 voru
reistir múrar um Ibizaborg
undir stjórn Calvi, sem var
ítalskur verkfræðingur. Síðast
réðust sjóræningjar á borgina í
byrjun 19. aldar, en voru þá
hraktir á brott.
Á síðustu árum hefur eyjan
smám saman orðið mjög vinsæll
ferðamannastaður. Einkenni
eyjunnar hafa þó að mestu
haldist óspillt. Skógi vaxnar
hæðir, friðsælar sandvíkur og
flóar, klettóttar strendur, glæsi-
leg hótel og íbúðablokkir með
allri hugsanlegri þjónustu laða
að ferðamenn, sem æskja friðar
og kyrrðar, en jafnframt fyrsta
flokks aðbúnaðar.
Ibizabúar segja: „Ánægður
ferðamaður kemur alltaf aftur.”
Getraunin:
Til þess að taka þátt í
getrauninni, er nauðsynlegt að
verða sér úti um landakort af
Evrópu, sem flestir hljóta að
eiga einhvers staðar í fórum
sinum. Við ímyndum okkur, að
við ferðumst eftir beinum línum
til sólarstranda, en höfum
viðkomu á tveimur stöðum á
leiðinni. Um er að ræða þrjár
leiðir, mislangar, og spurningin
er: Hver þessara þriggja leiða er
styst? (Ágætt er að nota
reglustiku til þess að mæla þetta
út).
2. hluti getraunarinnar.
Hver er stysta leiðin til Ibiza?
A. Reykjavík — London — Brussel — Ibiza.
B Reykjavík — Vínarborg — Róm — Ibiza.
C. Reykjavík — Kaupmannahöfn — Prag —
Ibiza.
----------------x
SUMARGETRAUN 2. HLUTI
Stysta leiðin til Ibiza er:
□a Db Dc
Nafn:
Heimili:
27. TBL.VIKAN 5