Vikan - 06.07.1978, Blaðsíða 30

I
tilurð sólóplötu sinnar: „íslenskra fjalla —
Kalli Live at Danneckerstrasse”, sem út
kom í takmörkuðu upplagi fyrir löngu
síðan.
Fórum inn í næstu búð
og keyptum gítar
Kalli: Þetta var nú ekkert merkilegt. Ég
var á þriggja daga ferðalagi í Þýskalandi
með pabba, og við þurftum að bíða í tvo
tíma eftir flugi. Við vissum ekkert, hvað við
áttum að gera, á meðan við biðum, og ég
minntist á það, að mig hefði alltaf langað til
að gera plötu. Pabbi stakk þá strax upp á
því að framkvæma það, svo við fórum inn í
næstu þúð og keyptum þar gitar. Síðan
fórum við heim til pabba, og ég settist við
ágætt segulband. sem hann átti, og spilaði
inn á það í klukkutíma. Eftir það fórum við
með bandið í stúdíó og létum taka það upp
og klöppuðum með til þess að fá þetri
stemmningu. Platan var svo gefin út í 200
tölusettum eintökum, árituðum af áhorf-
endunum tveimur. Ég fullyrði, að engin
íslensk plata hefur verið unnin í eins
miklum flýti.
Blm: Hvað hefur Melchior til málanna
að leggja?
Melchior: Við erum allir i Ungmenna
félaginu Myndavélinni. nenia Óli. Hann er
í Kærleiksfélaginu Taðkvörninni og vill
ekki láta bendla sig við Myndavélina.
Alþjóðlegi myndavéladagurinn er 19.
nóvember, og þá höldum við alltaf upp á
afmæli félagsins. í fyrra héldum við upp á
fimm ára afmæli þess, en ætlum að halda
upp á tíu ára afmælið í ár, svo það er útlit
fyrir, að félagið nái hárri elli. Æðsta ráð
innan félagsins er Smíðaklúbbur Mynda-
vélarinnar, en hann fer með framkvæmda-
valdið. (Hilmar Oddsson, forseti Smíða-
klúbbsins, hneigir sig). Félagatala Mynda-
vélarinnar er ekki gefin upp, félagið
hefur sendiherra víðsvegar erlendis.
Reyndar sóttum við um inngöngu í 3. deild
í fótbolta, en var neitað á þeim forsendum,
að íþróttahreyfingunni þætti nafnið
óvirðulegt. Þeir virða greinilega ekki
myndavélar. Hins vegar unnum við
Taðkvörnina í handbolta. Það er rétt að
taka það fram, að Myndavélin á sér
einkennismerki, söng og einkunnarorðin:
„Áræði, litmyndir og drengskapur.”
Pólitík, náttúrulýsingar
og ástamál.
Blm: Hvernig er æfingatímum háttað hjá
Melchiori?
Melchior: Við æfum í hæfilegum
skörnmtum. Stundum vel og mikið í einn
mánuð og svo lítið næsta mánuð o.s.frv.
MYNDAVÉLARSÖNGURINN
(Ekki með sínu lagi, heldur,
Fyrr var oft í koti kátt).
Áfram sveinar, áframfljóð,
ungir jafnt sem aldnir.
Kyrjum saman kröftugt Ijóð,
krafti gleði haldnir.
Myndavélarstelpu ’ og -strák
stendur hróður víða.
Fótbolt, handbolt, skíði, skák,
skautar, klúbbar smíða.
(Ljóð: Karl Roth Karlsson)
Auðvitað æfðum við heilmikið fyrir.
plötuna.
Blm: Reyndist engum erfiðleikum j
bundið að fá útgefanda?
Melchior : Nei, Iðunn var fyrsta fyrir-
tækið, sem við reyndum hjá. Okkur hafði
verið bent á það. Enda erum við ánægðir
með útgefandann, því þar er góður
skilningur á svona löguðu fyrir hendi.
Blm: Að hverju stefnir Melchior í
framtíðinni?
Melchior: Að verða 50 ára og gefa út
fleiri og betri plötur. Við stefnum að því að
batna og batna og læra og læra. „Kemst
þótt hægt fari.”
Blm: En markmið ykkar með flutningi
tónlistar?
Melchior: Að skemmta okkur sjálfum og
vonandi öðrum. Við reynum auðvitað líka
að fjalla um efni, sem okkur eru hugstæð.
Hilmar: Það skiptist í þrjá kafla: Pólitík,
náttúrulýsingar og ástamál. Stutt lög hafa
verið einkennandi fyrir tónsmíðar okkar.
Karl: Við viljum ekki ofnota melódíur.
Gunnar: Bara misnota þær.
Blm: Ætliði að halda hljómleika á
næstunni?
Melchior: Við ætlum að halda hljóm-
leika seinni partinn í sumar og vera þá
algjörlega með nýtt efni.
Hróðmar: Við stöndum og föllum með
þessari plötu. Ef hún selst ekki, erum við
hættir!
Blm: Hvaða spurningu viljiði helst
svara?
Melchior: Hvar við viljum helst spila.
Blm: Samþykkt.
Melchior: Við viljum helst spila í
mötuneyti Menntaskólans á ísafirði. Til
vara skulum við nefna Ísafjarðarbíó.
Blm: Hvernig líkur ykkur að vinna í
leikhúsinu?’
Melchior: Mötuneytið er gott og ódýrt,
og það kemur sér vel fyrir Melchior. Svo
höfum við kynnst nýrri hlið á leikhúsinu,
bakhliðinni.
Blm: Einhvern boðskap hljótiði að flytja
íslensku þjóðinni.
Melchior: Bakpokinn og svefnpokinn
eru hér til reiðu. / Kompásinn og sex-
tantinn, allt í einni breiðu. / Húllum-hæ og
simmsalabimm, simmsalabimm, simmsala-
bimm. / Húllum-hæ og simmsalabimm,
simmsalabimm og rútan brunar út úr
bænum. (Höf: G. O, J.)
Blm: Ogsvð?
Melchior: Við viljum þakka öllum, sem
stutt hafa við bakið á okkur í baráttunni
fyrir tilveruréttinum. Fjölmargir hafa lagt
nótt við dag. Svo viljum við mælast ein-
dregið til þess, að plakatið verði hengt upp
á áberandi stað. Tjaldið.
A.Á.S.
30VIKAN 27. TBL.