Vikan - 25.01.1979, Blaðsíða 12

hefði engar fyrirmyndir til að styðjast við
beint þá miðaði ég við blöð eins og Daily
News í New York og Chicago Sun. Þetta
eru svona meira „sensation”-blöð eða æsi-
fregnablöð. Þau miða við að hafa stórar
fyrirsagnir á forsíðu, en lítinn texta og nota
forsíðuna meira til að vísa til efnis inni í
blaðinu. Það er líka ein aðalregla
blaðamannsins að þjappa efni þannig
saman að það mikilvægasta komi fremst og
aukaatriðin seinna. Það mikilvægasta fer
þvi á forsíðuna með stóru letri. Þetta hef ég
gert frá upphafi og þetta er það sem
síðdegisblöðin gera núna.
— Upphaflega kom blaðið alltaf út á
mánudögum, eins og nafnið ber með sér, en
svo hefur þetta færst fram, og undanfarin
10 ár hefur það komið út á föstudögum.
Það er það eina sem er líkt með Mánudags-
blaðinu, Time og Newsweek að þau eru öll
dagsett á mánudegi.
Hver mútaði núna?
Á tímabili, og það var nokkuð langt
tímabil, var önnur hver auglýsing sem
birtist frá mér í útvarpinu á þá leið að
Mánudagsblaðið væri uppselt hjá útgef-
anda — svo eftirsótt var blaðið. Og það
brást ekki að í hvert skipti sem ég ekki kom
blaðinu út á réttum tíma, eða það tafðist
einhverra hluta vegna, þá var strax sagt —
hver mútaði núna? Mánudagsblaðið átti að
hafa verið keypt upp trekk í trekk. En
sannleikurinn er sá að það hefur aldrei
komið fyrir. Því hvernig í ósköpunum á
slíkt að geta átt sér stað? Það vita allir sem
eitthvað hafa komið nálægt blaðamennsku
hversu auðvelt og fljótlegt er að skipta um
forsíðu eða kippa út grein ef það væri
tiífellið. Mánudagsblaðið hefur aðeins einu
sinni verið bremsað af og það var að ráði
lögfræðings. Blaðinu var þá kippt til baka
og ekkert af því keyrt út. Þá hafði ég
skrifað um eitthvert mál sem upp hafði
komið á Vatneyri fyrir vestan og það gat
brugðið til beggja vona, hvort það sem stóð
i blaðinu væri satt eða ekki. Að sögn
lögfræðingsins gat þetta kostað mig 20-30
þúsund krónur, sem voru miklir peningar
þá, því útgáfa alls upplagsins, sem frétt
þessi var í, kostaði 2000 krónur. Þetta var
því stórfé og ég þorði ekki að taka
áhættuna. Ég man nú ekki alveg um hvað
þetta mál snerist en þetta var þjófnaður eða
fjárkúgun upp á 10-20 þúsund krónur og
slíkt þótti glæpur í þá daga. Nei, ég fékk
ekki eyri fyrir að kippa upplaginu til baka.
Engin f réttastofa
Nei, nei, nei, ég hef aldrei haft neina
fréttastofu og allar fréttir sem komið hafa í
Mánudagsblaðinu hef ég bara snapað upp.
Það hefur verið sami hátturinn á því öll
þessi ár. Ég held að ég hafi nú nokkuð góð
sambönd, þekki marga og tala við marga. í
tugi ára hef ég drukkið kaffi á hverjum
morgni við sama borðið, fyrst á Skálanum
og síðan á Borginni. Þetta er orðið frægt
borð og það er alltaf sami kjarninn sem
situr við það: Albert Guðmundsson, Pétur
og Óli í P&Ó, Haukur Jakobsen, Pétur
Guðjónsson, Haukur Öskarsson og fleiri og
fleiri. Á þetta borð fáum við gesti daglega,
nýtt og nýtt fólk, og fyrir bragðið heyrir
maður ýmislegt. Það má segja að þetta sé
hluti af fréttastofu Mánudagsblaðsins. Og
ég hef aldrei verið í hönk með efni, þó svo
12 Vikan 4. tbl.