Vikan - 25.01.1979, Blaðsíða 5
I Gariantep i Austur-Tyrklandi.
Setið að snœðingi skammt utan við Ankara.
Greinarhöfundur til vinstri.
sinnum á ævinni og eru mánuðum eða
jafnvel árum saman i hvert skipti.
Austurlönd draga marga til sín með
undarlegu afli, og fæstir gera sér rellu út af
því, þótt þeir hangi nánast á horriminni
langtímum saman, ef þeir geta látið þetta
eftir sér.
í hinum fátæku löndum Asíu gefur að
líta lifsform, sem löngu er horfið í Evrópu-
löndum, almenningur lifir enn á sama hátt
og gert var fyrir þúsund árum. Á
fjölförnum ferðamannastöðum hefur
vestræn menning þó blandast þeirri, sem
fyrir var, og er það oft heldur ömurlegur
samsetningur.
Við komum til Istanbúl í hinum heilaga
mánuði múhameðstrúarmanna, Ramadan.
í þessum mánuði mega þeir ekki neyta
matar né drykkjar frá sólarupprás til
sólarlags, en verða að meðtaka fæðuna að
nóttu til.
Í mosku i Damaskus.
Ferðamannastaðir á daginn
— kjallaraholur á kvöldin
Kvöld eitt, skömmu eftir sólarlag, vorum
við á gangi fyrir utan Bláu moskuna, og
urðu þá á vegi okkar nokkrir Tyrkir, sem
sátu að snæðingi á gangstéttinni. Þeir buðu
okkur þegar til málsverðarins með sér, og
eftir að við höfðum troðið okkur út af alls
konar kræsingum, bauðst einn þeirra til að
gerast leiðsögumaður okkar, meðan við
dveldum í Istanbúl, og sýna okkur borgina
frá öðru sjónarhorni en ferðafólk sér hana
almennt.
Þetta fór á þann veg, að á daginn
skoðuðum við ýmsa ferðamannastaði, svo
sem Hagia Sofia, Topkapi Museum, brúna
yfir Bosporus, sem tengir saman tvær
heimsálfur, og fleira og fleira. Ekki má
heldur gleyma Grand Bazar, en það er eins
konar súpermarkaður á austurlenska vísu.
Þar er fjöldinn allur af búðum, og hægt að
fá svo að segja hvað sem er, en yfir allt
saman er byggt risavaxið þak. Sumir segja,
að undir þessu þaki séu 5000 búðir, en ekki
veit ég sönnur á því.
Á kvöldin lögðum við svo leið okkar inn
í hverfi, þar sem ferðamenn sáust sjaldan,
en tyrkneskir nátthrafnar sátu þar í illa
lýstum kjallaraholum við bjórdrykkju og
teningaspil. í öllum þessum búllum var
framreiddur tyrkneskur matur, sem yfirleitt
er mjög góður, en kemur stundum á óvart,
t.d. þegar maður finnur svínslöpp á
botninum i súpuskálinni eða kynnist
vambasúpu af eigin raun i fyrsta skipti.
í Istanbúl kynntumst við líka tyrknesku
baði í fyrsta sinn. Baðhúsin eru gerð úr
marmara, og á miðju gólfi er stór upphækk-
aður pallur úr sama efni. Þar logar eldur
4. tbl. Vikan S