Vikan - 25.01.1979, Blaðsíða 7
undir og hitar upp salinn, sem er eins konar
gufubaðstofa, en til hliðar eru litlar
kompur, þar sem hægt er að þvo sér á eftir.
Þeir drógu f ingur yf ir barka sér
í Istanbúl hittum við margt fólk, sem var
að koma austan að, og þar fengum við
margar gagniegar upplýsingar um það, sem
biði okkar, þegar lengra kæmi inn i Asíu.
Meðal annars kom í ljós, að ekki væri
ráðlegt að halda austar á eigin bíl af ýmsum
ástæðum, svo við ákváðum að halda til
Beirut í Libanon og selja farkost okkar þar.
Við héldum nú sem leið lá til Ankara,
höfuðborgar Tyrklands, og tókum þaðan
stefnuna suður til Beirut gegnum Sýrland.
Þegar við nálguðumst landamæri Líbanon,
vorum við stoppaðir hvað eftir annað af
vegfarendum, sem þaðan komu, og varaðir
eindregið við að fara þangað. Þeir fræddu
okkur á því, að þar væri allt logandi í skot-
bardögum, og drógu fingur yfir barka sér til
að sýna okkur fram á, hvað biði okkar, ef
við færum þangað. Þegar landamæraverðir
höfðu svo sömu sögu að segja, ventum við
okkar kvæði í kross og héldum til
Damaskus, þar sem við fórum með bílinn á
markað til að selja hann.
' Það tók nokkra daga að losna við bilinn,
og gafst okkur því nokkur tími til að skoða
okkur um í borginni. Við fórum m.a. á
basarinn, og prúttuðum sem mest við
máttum við kaupahéðna þar. Á þessum
slóðum er ekkert selt án þess að prútta um
það fyrst, og getur það tekið marga klukku-
tíma og jafnvel nokkra daga að ná
samkomulagi um verðið á hlutunum. Á
meðan fær kaupandinn te hjá kaupmann-
inum eins og hann getur í sig látið, og
skiptir þá ekki máli, hvort kaupin ná fram
að ganga eða ekki.
Tedrykkja og bílaprútt f
Damaskus
í Damaskus var allt morandi í
hermönnum og hergögnum og mikið af
flóttafólki frá Líbanon, sem hafðist við á
gangstéttunum og dró fram lífið með betli.
Þetta fannst okkur heldur leiðinlegur
bæjarbragur, og urðum við fegnir, þegar
okkur tókst að finna kaupanda að bílnum.
Það hafði kostað okkur óhemju magn af tei
að koma kaupunum í kring, því við
hituðum te í bílnum og gáfum það öllum,
sem komu að skoða, meðan við prúttuðum
við þá. Á endanum seldum við hann fyrir
svipað verð og við gáfum fyrir hann í
Amsterdam.
Til að koma kaupunum í kring þarf að
skrifa undir skjöl þess efnis, að kaupandi fái
bílinn gefins, og síðan þarf sá, sem kom
með bílinn inn í landið, að keyra hann út
fyrir landamærin og afhenda hann þar. Ef
þessi aðferð er notuð, þarf ekki að borga
4. tbl. Vlkan7