Vikan - 31.05.1979, Qupperneq 62

PÓSTURDIN
Vill ekki borga
lánið
Kœri Póstur!
Ég þakka þérfyrir allt gott í Vikunni og vona að Helga
sé södd. Þannig er mál með vexti að ég er hrifm af strák
sem er þrem árum eldri en ég. Stelpurnar í bekknum eru
alltaf að reyna að koma okkur saman. Eitt kvöldið hringdi
hann í mig og spurði mig hvort ég gæti lánað honum 50
þúsund, sem 'hann mundi borga mér eftir mánuð. Ég sagðist
geta það. Þegar ég hafði lánað honum peninginn urðum við
góðir vinir. Eftir mánuð sagðist hann ekki vilja borga mér,
því að hann vœri byrjaður með annarri. Kæri Póstur, þú
VERÐUR að svara mér því mig vantar peningana. Bless,
bless.
G. Ó.
Svona í upphafi getur Pósturinn ekki látið hjá líða að óska þér
til hamingju með að þú skyldir ekki sitja uppi með kauða til
frambúðar og nú er bara að vona að sú sem hann hengdi sig á
næst sitji ekki uppi með drenginn. Að sjálfsögðu getur
Pósturinn alls ekki verið þekktur fyrir að kalla menn drullu-
sokka og rottuhala, en ef hann mætti, þá . ...! Það fyrsta sem
þú átt að gera er að láta foreldra þína vita um málið og biðja
þau um aðstoð við að endurheimta peningana. Drengurinn er
á þeim aldri að honum á að vera það fyllilega ljóst að hann má
alls ekki taka við peningum af unglingi sem ekki er orðinn
fjárráða. Foreldrar þínir eru rétti aðilinn til að sjá um málið,
því þau eru þínir fjárhaldsmenn. Ef hann ekki endurgreiðir
þeim er sjálfsagt að leita til lögfræðings.
Vonandi hefur þú svo lært það af reynslu þessari að treysta
alls ekki mönnum sem þú ekki þekkir betur en þetta og ef þú
ert i vafa í framtíðinni að leita þá til foreldranna um ráð-
leggingar.
Penna-
vinaklúbbur
Kæri Póstur!
Þetta bréf á ekki að vera um
neina ástarþvælu og svoleiðis,
heldur er þetta bréf út af
íslenskum pennavinaklúbbi. Ég
held að þessi sé sá fyrsti á
íslandi. Þessi pennavinaklúbbur
er sá 71. í öllum heiminum. Og
hér hefur alltaf vantað slíkan.
Ekki rétt? Ef einhver hefur
áhuga á að ganga í klúbbinn er
auðveldast að hafa samband
við undirritaðan. Félagsgjald er
2.500 fyrir fólk 18 ára og eldra
en 1500fyrir félaga undir 18
ára aldri. Jæja, þá er ekki
annað eftir en að þakka fyrir
birtinguna. Lengi lifi Póstur-
inn!
Guðbrandur D. Jónsson
Leifsgötu 6
101 Reykjavík
P.S. Ég hef yfir 70 bréf frá
Kenya.frá ungu fólki sem
hefur beðið um pennavini frá
íslandi. Og ég hvet ungt fólk
og það eldra líka til að skrifa
mér sem fyrst og þá fá þau
pennavinifrá Kenya.
Þá ættu raunir íslenskra penna-
sjúklinga að vera leystar að ein-
hverju leyti og flestum orðið
kleift að ná sambandi við penna-
vini erlendis. Pósturinn þakkar
Guðbrandi bréfið og eftir sem
áður ættu þeir sem vilja penna-
vini innanlands að geta fengið
rúm í dálknum.
Hvemig á að
losna við kenn-
arann?
Kæri Póstur!
Ég þakka þér fyrir allt
gamalt og gott í Vikunni. Ég
hef aldrei skrifað þér áður og
vona að þú svarir mér. 1 haust
kom I skólann kennari, sem er
21 árs, og ég er I 9. bekk. Ég
varð strax hrifin af honum, og
þegar hann talar við mig,
roðna ég og stama út úr mér
svarinu. Stelpunum fmnst hann
montinn og leiðinlegur við alla
nema mig. Eitt kvöldið kom
hann allt I einu heim og bauð
mér í bíó. Ég varð alveg hissa á
honum og hélt að hann væri
eitthvað skrítinn. Ég þáði boðið
og fór með honum. I bíóinu fór
hann að daðra við mig, svo að
ég fékk algjört ógeð á honum
og skildi hvað stelpurnar
meintu með að hann væri
montinn og leiðinlegur. Og
núna get ég ekki losnað við
hann. Hann kemur á hverju
fimmtudagskvöldi og býður
mér út, og í skólanum daginn
eftir er ég alltaf I rusli.
Vinkona mín komst að þessu
og er alltaf að stríða mér. Kæri
Póstur, þú verður að segja mér
hvernig ég á að losna við hann.
Þ.T.
Einfalt mál. Á hverju
fimmtudagskvöldi ert þú ekki
heima. Það verður mjög annríkt
hjá þér um tíma, þú ert að baka
fyrir frænku þína, heimsækja
afasystur, passa fyrir frænda
þinn og frænku, þarft nauðsyn-
lega að skreppa í næsta þorp,
taka til fyrir mömmu þína af því
hún er svo slæm í bakinu, færð
sjálf flensu, höfuðverk og svona
ýmislegt sem enginn ræður við
og ekki er auðleyst. Með
tímanum skilur kennarinn þinn
hvað klukkan slær og hefur vit á
því að láta þig í friði. Vertu samt
áfram yfirmáta elskuleg og
reyndu að láta ekki á neinu bera.
Þetta líður hjá eins og flest
annað og hverfur í fortíðina fyrr
en varir.
Þriðja flokks
popparar
Halló!
Ég vil endilega taka undir
gagnrýni 3871-7111 á nýja þátt
Vikunnar, Poppkornið (sjá 12.
tbl. '79). Ég keypti Vikuna
reglulega á meðan poppfræðirit
Halldórs Andréssonar var
fastur liður. í því komu oft
fram fróðlegir punktar um
virkilega tónlistarmenn. Popp-
kornið fjallar og snýst hins-
vegar eingöngu um þriðja
flokks poppara á borð við
Boney M. Reyndar var ípopp-
fræðiriti Halldórs einnig allt of
mikið um þessa þriðja flokks
poppara, en þar voru þó alltaf
fyrsta flokks popparar inn á
milli. Ég ráðlegg Vikunni því
eindregið að birta ýtarlega
grein um Frank Zappa eða ein-
hvern álíka snilling, áður en
við áhugamenn snúum alveg
við ykkur bakinu. Svona í
leiðinni vil ég láta ykkur vita
að ég þekki marga sem lesa
Vikuna og enginn þeirra hefur
gaman af Jóni forstjóra. Ég
ráðlegg ykkur að reyna að fá
einhverja nýja skrýtlu eða
sleppa Jóni. Að öðru leyti
þakka ég fyrir allt gamalt og
gott (þ.e. góðu punktana í
poppfræðiritinu).
Érank Zappa aðdáandi.
Þarna sannast svo ekki verður
1 um villst að sitt sýnist hverjum.
Þegar poppfræðiritið var í
Vikunni komu bréf frá hópnum
„sem þoldi engan veginn þetta
hundleiðinlega poppfræðirit”
en nú koma bréf frá aðdáendum
þess sama. Af þessu má sjá að
erfitt er að gera svo öllum líki en
óskum þínum er hér með komið
á framfæri. Það sama má
reyndar segja um Jón forstjóra.
Hann á einnig sína aðdáendur
og líklega verður bara að ráð-
leggja þér að leiða hann hjá þér
og forðast að láta hann ergja
þínar hárfínu taugar.
Pennavinir
Mrs. Ireva Kilgore, 201 King St.
Dallastown, PA 17313, USA á marga
pennavini en engan frá íslandi. Hún
biður þess vegna einhvern íslending að
vera svo vænan að skrifa sér.
Mrs. Waltraud Miiller, DDR-8122
Radebeul, Winzerstr. 47, East-Germany
er 34 ára, gift og þriggja barna móðir.
Hennar áhugamál eru frímerkjasöfnun,
póstkort og þjóðbúningadúkkur. Hún
skrifar á þýsku og ensku.
62 Vikan 22. tbl.