Vikan - 19.07.1979, Blaðsíða 22

Breyttir búskaparhæ ttir
Ólafur Þ6r kann að fara mefl pizzur eins og sjö
má.
Á Þórustöðum í ötfusi búa tveir ungir bændur
eins og geríst og gengur. En búskaparhættir
þeirra eru ekki aivanaiegir, annar er með
þúsund svín og hinn bakar pizzur fyrír stór-
versianir í Reykjavík. Mest se/da pizzan er að
sjáifsögðu beikonpizzan.
Búraunir
Það hefur mikið verið þvargað um land-
búnaðarmál á undanförnum misserum og
margir lagt orð í belg af mismiklu viti.
Hefur ýmsum þótt sem réttast væri að
leggja atvinnugreinina niður en aðrir bent á
þátt landbúnaðarins í þjóðlifi Islendinga frá
örófi alda og viljað viðhalda honum þótt
ekki væri nema hefðarinnar vegna. Hvað
sem því líður þá var það fyrir fjórum árum
að fjórir ungir menn festu kaup á jörðinni
Þórustöðum í Ölfusi og hugðust byrja
búskap. En þá sannaðist það, sem margir
hafa haldið fram, að illmögulegt er að
stunda landbúnað sér til lífsviðurværis hér
á landi. Tilkostnaður mikill og lítið upp úr
krafsinu að hafa. Málin þróuðust því
þannig hjá þeim Þórustaðabændum að
tveir heltust úr lestinni og tveir urðu eftir.
Þeir hafa það bara ágætt — en hvernig má
það vera?
Pizzur og beikon
Jú, þeir Ólafur Þór Jónsson og Árni
Möller, en svo heita bændurnir, breyttu
öllum hefðbundnum búskaparvenjum (að
hluta) og tóku upp nýja siði. Ólafur seldi
nefnilega traktorinn og aðrar landbúnaðar-
græjur sínar og keypti sér pizzuofn fyrir
andvirðið. Og í stað þess að vera að
bardúsa með skepnur og hey alla daga
bakar hann nú pizzur af miklum krafti og
selur í verslanir í Reykjavík, og vinnudag-
urinn er ekkert styttri hjá honum en
vísitölubóndanum. Árni, meðeigandi hans,
er ekki alveg eins frumlegur því hann er
með þúsund svín í húsi og sér hluta af
íslensku þjóðinni fyrir aldeilis ágætri
skinku og beikoni.
Jörð þeirra félaga er stór, eða 120 hektar-
ar, og eiga þeir 60 hvor. Túnin eru
ræktarleg en þeir heyja ekki sjálfir því svín
éta ekki töðu og pizzur eru ekki gerðar úr
grasi. Þess í stað láta þeir aðra bændur um
að nytja túnin gegn þóknun.
Popphátíðir í Ölfusi?
VIKAN gekk með Ólafi um landar-
eignina og spjallaði við hann um alla heima

22 Víkan 29. tbl.
Ámi Möller hjö einu af þúsund svfnum sfnum.
Þetta verflur gott beikon innan skamms.