Vikan - 04.10.1979, Blaðsíða 20

rv'í
W '**:-'*

/ó/7ös Kristjánsson skrifar
frá Grikklandi: 8. grein
Súkkat-jólakökur I
morgunmat
Grikklandsfarar, sem þurfa að passa
línurnar, ættu að ganga i stóran sveig
umhverfis griskar kökur og sætabrauð.
Það, sem aðrar þjóðir hafa sætt, hafa
Grikkir dísætt. Þeir eru sennilega
heimsins mestu sætindabelgir.
Við finnum þetta strax í morgun-
matnum á hótelum i Aþenu, þegar við
fáum sætan brauðsnúð og súkkat-jóla-
köku með kaffinu. Og komnir af hóteli
niður á gangstétt hittum við götuhorns-
brauðsalann, sem hefur upp á svipaðar
lystisemdir að bjóða.
Hann selur brauðsnúða og KÚLÚRI,
fyrirferðarmikið, þunnt brauð með
sesamfræjum að ofan. Hann selur
liklega einnig BÚREKÍA, ástarpunga úr
kleinudeigi, sykurhúðaða að ofan, en
stundum örlitið útflatta og þá með sultu
i dæld að ofan. Og ef til vill selur hann
BÚGATSA, pæ með rjóma inni í og
púðursykri ofan á.
Og enn magnast sykurinn, ef okkur
verður litið inn í eitt af bakariunum, sem
þarna eru á hverju strái. Þar getum við
úðað í okkur kalorium og fengið jafnvel
kaffi með, þvi margar kökubúðir i
Aþenu hafa það einnig á boðstólum.
Ein frægasta kaka Grikkja er
BAKLAVA. Hún er í mörgum lögum,
þar sem skiptist á deig, hunang og
muldar hnetur. Önnur er KAÐAIFA.
Hún er úr þráðardeigi, fyllt sykri og
muldurn hnetum og gjarna með þeyttum
rjóma ofan á. Hin þriðja er
GALAKOTBUREKO. Hún er sykrað
eggjakrem milli tveggja deiglaga.
Syndin lætur ekki að sér hæða
1 hjarta Aþenu, nokkur skref frá
Sintagmatorgi, við enda götunnar
Venizelou, eru hlið við hlið tvö frægustu
kökuhús Aþenu, ZONAR og FLOCA.
Þangað ættum við endilega að lita inn,
þótt ekki nema bara til að sjá köku-
skartið í glerskápunum.
Þar má sjá alls kyns gotterí og súkku-
laði, sætar kökur og tertur. Einkum er
þetta glæsilegt á Zonar, sem raunar er
veitingahús á þremur hæðum. Sjálft
kaffihúsið er á jarðhæð, matstofa uppi á
annarribæð og^ameriskur bar í kjallar-
anuni. Endá má segja, að Zonar sé eins
konar Mekka Bandarikjamanna i
Aþenu.
Floca er eins konar vasaútgáfa af
Zonar, en hefur hrikalega rjómaísa sér
til ágætis til viðbótar. ísinn Bé-Bé er
blanda af vanilluis,—jarðarberjais, ávaxta-
salati, marens, þeyttum rjóma og ískexi.
Og ísinn Hippy er blanda af súkkulaði,
hnetum, mokkaís, marens, súkkulaði-
sósu, þeyttum rjóma, kirsuberjum og
ískexi.
Þessi mjóu prik nota Grikkir i stafl
kökukefla, þegar þeir fletja út „fillo"
Á þessum slóðum fer margur góður
ásetningur fyrir lítið. Þarna eyðileggja
sumar frúr margra ára þrældóm á einu
hrikalegu sykurfylliríi. Og stynja í
alsælu.
„Fillo” er undirstaðan
Margar frægustu kökur Grikkja eru
búnar til úr deigi, sem þeir kalla „fillo”.
Það er hægt að búa til á ýmsan hátt, en
hér er uppskrift, sem er algeng og hentar
auk þess hráefnum, sem fást á lslandi:
1/2 kg hveiti
1 tsk. salt
3-4 msk. olifuolía
2egg
1/2 bolli vatn
meira hveiti eftir þörfum (sleppa má
eggjum og nota þá 1 bolla vatns i stað
1/2).
Hveiti og salt er sigtað í stóra skál.
Olíunni er blandað saman við og nuddað
vel inn í með fingrunum. Vatni og
þeyttum eggjum er smám saman
blandað í deigið (eða bara vatni, ef
eggjum er sleppt). Þá er stráð hveiti á
borð og deigið hnoðað vel, uns það
verður mjúkt og teygjanlegt. Til að fá
deigið stifara má bæta meira hveiti við.
Að þessu loknu er deiginu skipt i átta
kúlur. Hver þeirra er flött út með köku-
kefli og svo næfurþunnt, að ekki gefi
laufabrauðsdeigi eftir. í stað kökukeflis
nota Grikkir grönn prik eins og sést á
mynd með þessari grein.
Nú er fillo-deigið tilbúið til margvis-
legrar notkunar. t öllum tilvikum er sett
i það fylling. Stundum er deigið skorið í
litla ferninga, sem siðan er lokað i
þríhyrning utan um fyllinguna. Einnig
má skera deigið í renninga og rúlla
jreim utan um fyllinguna. Loks er
algengast að klæða bökunarskúffu með
deiginu og smyrja fyllingu milli laga af
deiginu. Viðskulum byrja á dæmum um
slíkt.
Búið sjálf til Galaktobureko...
Galaktobureko er ein vinsælasta
kakan i Grikklandi. Hún hefur fyllingu
úr eggjum, mjólk, sykri og smjöri, svo
sem hér segir:
6-8 egg
1 bolli sykur
1,5 bolli maisena eða annað mjöl
7 bollar mjólk
rifinn sitrónubörkur
3 msk. smjör
700 grömm fillo-deig (sjá hér að framan)
3/4 bolli bráðið smjör
2 bollar sykur
1 bolli vatn
1 msk. sitrónusafi
Þeytið saman egg og sykur, uns
blandan þykknar. Bætið út í maisena eða
öðru mjöli, mjólk og rifnum sítrónu-
berki. Þetta er hitað við vægan hita og
látið þykkna, meðan stöðugt er hrært í.
20 Vlkan 40. tbl.