Vikan - 17.04.1980, Page 13

Myndlist
MALARI
AÐ
NORÐAN
I febrúar sl. hélt Hringur Jóhannesson
listmálari sýningu á verkum sínum í
Norræna húsinu og var hér um 18.
sýningu hans að ræða.
Hringur er fæddur í Haga í Aðaldal.
15 ára gamall var hann sendur til Húsa-
víkur í læri hjá Jóhanni Björnssyni.
Aðalhvatamaðurinn að þvi var faðir
hans sem sjálfur fékkst við skáldskap og
hafði glöggt auga fyrir hæfilpikum
stráksa.
Ári siðar hélt hann suður til Reykja-
víkur og stundaði þar nám við Handíða-
og myndlistarskólann, eitt ár í mynd-
listardeild og tvö ár i kennaradeild.
Hann útskrifaðist sem teiknikennari
árið 1952 en þá var ekki feitan gölt að
flá hvað atvinnu snerti, af 9 nýbökuðum
kennurum fengu aðeins 2 vinnu.
Þótt abstraktbylgjan hafi verið byrjuð
um það leyti sem Hringur útskrifaðist úr
skóla hefur hann löngum haldið sig við
realismann og sjálfur telur hann
teikningu sína sterkustu hlið.
Aðspurður um möguleika hans á að
lifa af listinni sagði hann að salan gengi
það vel að hann gæti „næstum því" lifað
af því að mála. Annars hefur hann í sl.
18 ár kennt við Myndlistarskóla Reykja-
vikur á kvöldin.
Þótt aðstaða til sýninga í Reykjavik
hafi batnað mjög á siðustu árum er um
árs biðlisti bæði hjá Norræna húsinu og
Kjarvalsstöðum. Við spurðum Hring
um kostnað við slika sýningu og taldi
hann að bein fjárútlát málarans væru
um 2 milljónir. — En, bætti hann við,
— sem betur fer má alltaf greiða ein-
hvern hluta af þessum útgjöldum með
„vörum".
JÞ
Hólmfríður Sigfús-
dóttir var alveg viss
um að þarna væru
komnar kindurnar
hans Jóns Forna-
sonar í Haga.
6. tbl. Vikan 13