Vikan - 10.12.1981, Síða 25

Svipmynd

áhrif á mig. Það var ekki síst í enda þáttar-
ins, þegar Einstein segir: „Mér er mest í
mun að vita hvort guð hafi átt annarra
kosta völ þegar hann skapaði veröldina.”
Hann efast ekki um að guð hafi skapað
heiminn heldur veltir því fyrir sér hvort
hann hafi átt annarra kosta völ.
Óbeint finnst mér koma þarna fram
sterkari trú en í flestu öðru sem ég hef heyrt
og það er gaman að það skuli vera hjá þess-
um manni.”
8. Hvaða útvarpsefni finnst þér best?
„Ég hlusta á fréttirnar, en það efni sem
mér finnst best eru messurnar eins og
reyndar svo mörgum finnst.”
9. Hvaða þekkt persóna er í mestum
metum hjá þér?
„Móðir Theresa. Mér er sérstaklega
minnisstæð ein setning sem hún sagði, og
það einmitt á írlandi: Allar aðgerðir sem
eyða lífi eru rangar. ”
10. Hvaða stjórnmálamaður er þér mest
að skapi?
„Ef ég ætti að nefna stjórnmálamann þá
held ég að það sé Anwar Sadat vegna
tilrauna hans til að koma á friði við botn
Miðjarðarhafs. Hann hefur sýnt fádæma
dirfsku i þessu og einhvern tíma sagði hann
að hann vildi láta letra á leiði sitt: Hann
lifði fyrir friðinn og dó fyrir sannfæringu
sína. Þó hann væri annarrar trúar en ég
kemur það ekki í veg fyrir að ég telji hann
merkastan.”
11. Ef þú ættir að velja þér nýtt starf
núna, hvað yrði þá fyrir valinu?
„Ég held ég myndi hverfa að því sama og
ég hvarf frá, þó ég sé ekki með því að segja
að ég sé ekki ánægður með starf mitt um
þessar mundir. Mér finnst gott að starfa hér
en spurningin er þannig orðuð að ég held
ég verði að svara þessu.”
12. Hvað myndir þú gera við milljón ef
þú eignaðist hana?
„Þá er það óskadraumurinn um milljón-
50. tbl. Vikan 25