Vikan - 10.12.1981, Side 51

Jólaundirbúningurinn
Marsipanlostæti
Takið ’bita af hreinu marsipani og
hnoðið því saman við flórsykur. Rúllið
með flötum lófa og myndið kúlur.
Bræðið súkkulaði í vatnsbaði, veltið
marsipankúlunum upp úr því og síðan
upp úr kókosmjöli.
Hnetukaramellur
1 bolli síróp
1 bolli púðursykur
1 bolli rjómi eða mjólk
1 tsk. smjör
1 bolli brytjaðar hnetur
1/8 tsk. salt
Hitið síróp, púðursykur, rjóma (mjólk)
og smjör I potti við vægan hita þar til allt
hefur samlagast. Sjóðið i unt 25 mín. og
hrærið i við og við. Bætið hnetunuin við.
Þegar blandan virðist vera farin að
þykkna nokkuð er dropi af henni settur í
kalt vatn. Ef karamelludropinn virðist
hæfilega þykkur og seigur í vatninu er
hún fullsoðin. Látið kalt vatn renna á
bökunarplötu og hellið karamellunni þar
á. Skerið i bita þegar hún hefur kólnað
aðeins.
Súkkulaðikaramellur
4dl sykur
1 dl síróp
3/4 dl púðursykur
3/4 dl kakó
2 1/2 dl rjómi
1 tsk. vanilludropar
3 msk. smjör
Setjið allt i pott með þykkum botni og
sjóðið við minnsta hita i hálftíma eða
lengur. Þegar blandan virðist orðin all-
þykk er settur dropi í kalt vatn og ef
hann er nægilega seigur er karamellan
tilbúin. Hellið á smurða plötu eða mót.
Saltar möndlur
50 g möndlur
1 tsk. olía
fínt salt
Setjið möndlumar í sjóðandi vatn. Skolið
þvi næst með köldu vatni og afhýðið
þær. Þerrið með eldhúspappír. Setjið
möndlurnar í skál og olíu þar yfir.
Hrærið vel saman eða hristið svo olian
dreifist sem best yfir möndlurnar. Veltið
möndlunum því næst upp úr salti, raðið
á smjörpappír á ofnplötu og hitið í
meðalheitum ofni þar til möndlurnar
eru Ijósgular.
Munngæti
Það er um að gera að troða sig út af
góðgæti um jólaleytið (Karíusi og
Baktusi til óblandinnar gleði). Og það er
með þetta eins og svo margt annað: það
er fráleitt að láta verslanirnar einar um
að sjá manni fyrir viðurværi — þvi ekki
að taka ráðin í sínar hendur? Aðeins
með því að búa jólasælgætið til heima er
hægt að tryggja að það sé yndislega
gómsætt, mjúkt, ilmandi og Ijúflega
óhollt!
50. tbl. Vikan 51