Vikan - 27.10.1983, Page 13

Enn er hægt að nota peysuna góðu en nú sem hhita af
kvöldklæðnaði. Svarta pilsið fann Esther í Popphúsinu og
fer það líka ágætlega við svörtu mokkasíurnar sem Esther
notar mikið við alls kyns klæðnað.
Vel klædd á vetrardegi. Eftir að hafa skoðað og mátað dágóða stund í versluninni Benehon á Skóla-
vörðustígnum varð þessi þrílita peysa fyrir valinu. Við hana gat Esther svo hugsað sér dökkgráar
sokkabuxur af þykkari gerðinni þegar kólnaði aðeins í veðri og enn var gripið í pilsið góða í töskunni.
Kona velur sér
TEXTI: GUÐRÚN BIRGISDÓTTIR
MYNDIR: RAGNAR TH.
Diskólínan, pönkið, dýra línan, lopapeysustællinn
eða druslutískan: það er óhætt að halda því fram
að landinn geti fatað sig upp eftir því sem smekkur
hvers og eins segir til um því nóg er af fataverslunum og
úrvalið fjölbreytt, en það er gamla pyngjan sem oft segir
stopp þegar horft er á gínuna í búðarglugganum klædda
því nýjasta frá hvirfli til ilja.
En þótt pyngjan sé ekki alltaf full er ekki þar með sagt
að fataskápurinn þurfí að standa tómur ef þess er gætt að
hægt er að taka sér prjóna í hönd, nú eða rykið er dustað
af saumavélinni og svo sem eins og einu pilsi rennt þar í
gegn.
Vikan brá sér í búðir með Esther Steinsson í leit að
fatnaði fyrir veturinn, en þar sem pyngjan var ekki full í
þetta sinn var Esther búin að sauma pils og prjóna sér
peysu og því var auðvitað stungið ofan í tösku þegar
haldið var af stað á bæjarröltið.
43. tbl. Vikan 13