Vikan - 31.01.1985, Qupperneq 48

Pósturinn
AIRM AIL
PAR AVION
Er það okkur
að kenna?
Elsku Póstur.
Við erum hérna tvœr í
frekar miklum vandræðum
og vonum svo sannarlega að
Helga hafi farið í megrun
eftir jólaátið og hlífi okkar
bréfi. Þá er komið að mál-
inu. Við erum báðar með
strák og erum ENNÞÁ
(skrifað með stórum stöfum
hjá bréfriturum) hreinar
meyjar. Það virðist ekki
œtla að takast hjá þeim að
afmeyja okkur. Er það okk-
ur eða þeim að kenna? Er
það. aumingjaskapur að
stoppa þá alltaf af? Er hœgt
að fara til lœknis og láta af-
meyja sig? Hvað þurfum við
að gera efþað er hœgt? Þarf
stelpa að fá leyfi hjá for-
eldrum til þess að komast á
pilluna?
Elsku Póstur, það kœmi
okkur að ótrúlega miklu
gagni ef þessu bréfi vœri
svarað.
Bœjó.
Tvœr sem vonast eftir svari
eða bara JA og GR.
Það er dálítið erfitt að svara
bréfinu ykkar þar sem aldur
ykkar kemur ekki fram en þó
giskar Pósturinn á að þið séuð
eitthvað í kringum 15—16 ára. Ef
það er rétt til getið hjá Póstinum
þá er óþarfi aö undirstrika þetta
ennþá einu sinni í sambandi viö
það að vera hreinar meyjar. Það
er enginn sem segir hvenær þið
eigið að byrja samfarir, slíkt
kemur hjá ykkur og þið þurfiö
ekki að hafa áhyggjur á ykkar
aldri. Annað sem Pósturinn rekur
augun í er aö þið segið að það
virðist ekki ætla að takast hjá vin-
um ykkar að afmeyja ykkur.
Betra hefði Póstinum þótt ef þið
hefðuð skrifað: þaö virðist ekki
ætla að takast hjá OKKUR (með
stórum stöfum). Þaö er nefnilega
þannig að par er saman um sam-
farirnar, þetta er ekki eitthvað
sem strákar gera við ykkur stelp-
urnar.
Þið spyrjið einnig hvort það sé
ykkur að kenna hvernig gengur.
Auðvitað er það ekki ykkur að
kenna nema að einu leyti: það er
EF þið (vinkonurnar) hafið ekki
löngun eða eruð ekki tilbúnar enn-
þá. Ef svo er þá er það ekki ykkur
að kenna heldur YKKAR MÁL
sem þið verðið þá að útskýra fyrir
strákunum. Það er því ekki hægt
að tala um aumingjaskap í þessu
sambandi heldur er þetta mál sem
þarf að ræða.
Húðfellingin sem lokar leggöng-
unum, meyjarhaftið, getur rofnað
fyrr en viö fyrstu samfarir, til
dæmis við mikla áreynslu eða
hnjask. Stundum geta fyrstu sam-
farir valdið sársauka og er þá
ráðlegt að fara varlega.
I einstaka tilfellum þarf að
hjálpa dálítið til við þetta en oftast
nægir að fara varlega í sakirnar
og þá á þetta að koma. Reynið
sem sagt að gera ykkur grein fyrir
hvað þið viljið og/eða hvar vand-
inn liggur.
Þið þurfið ekki leyfi foreldra til
að fá pilluna. Ef þið leitið til
læknis og gangist undir skoðun og
í Ijós kemur að ekkert er því til
fyrirstöðu að þið fáið pilluna er
læknirinn líka bundinn þagnar-
skyldu. Það eru skiptar skoðanir
meðal lækna um þessi mál en
flestir læknar eru þó á því að gefa
ungum stúlkum pilluna ef tíða-
blæðingar hjá þeim eru orðnar
reglulegar og ekkert annað er
fyrir hendi sem bendir til að pillan
henti ekki.
Fékk störu
Kœri Póstur.
Mig langar til að biðja þig
að hjálpa mér. Ég hef aldrei
skrifað áður og vona að ég
fái svar við þessu bréfi.
Þannig er mál með vexti
að ég vinn sem sendill og fer
því út um allt. Um daginn sá
ég strák sem ég kannaðist
svo mikið við, að ég hélt. Ég
fór aftur á vinnustað hans
daginn eftir og fékk störu —
starði á manninn. Ég varð
dáleidd af honum. Ég get
ekki gleymt honum og ég get
ekki sofið, ég er alltaf að
hugsa um hann. Ég ér orðin
utan við mig afað hugsa um
hvernig ég á að komast nær
honum. Ég held að hann vilji
mig ekki vegna þess að ég er
örugglega þremur árum
yngri en hann. Ég er
sautján ára. Getur þú
nokkuð hjálpað mér?
Vona að þú birtir þetta
bréf.
Ein yfir sig ástfangin.
Þetta er líklega þaö sem kallað
er ást við fyrstu sýn hjá þér. Það
/•
dugir því ekki að gera ekkert í
málinu og lifa í kvöl og pínu út af
manninum. Þú verður að herða
þig upp, gefa þig á tal við hann og
reyna að kynnast honum — þú
verður sem sagt að reyna að verða
á vegi hans hvort heldur er í vinn-
unni eða einhvers staðar annars
staöar. Ef þú átt reglulega erindi
á vinnustað hans ætti þetta heldur
ekki að vera svo erfitt fyrir þig.
Þegar þú svo ferð af stað skaltu
hafa í huga að það þarf ekki að
vera að hann hafi ekki áhuga á að
kynnast þér vegna þess að þú ert
þremur árum yngri — þið eruð
komin yfir unglingsárin — að
minnsta kosti yngri unglingsárin
— og aldursmunur því öðruvísi en
ef þú værir til dæmis þrettán ára
og hann sextán eða sautján.
„Flatur bjór", „skrýtíð bragð"?! Það er naumast þú hefur allt i
einu finan smekk, bölvaður skítakleprinn!
48 Vikan 5. tbl.