Vikan - 04.12.1985, Page 33

^ Jólabakstur:
Anœgjulegt annríki

Umsjón: Valgerður Stefánsdóttir
Myndir: Ragnar Th.
Það skemmtilegasta við jólin er gjarnan undir-
búningurinn og tilhlökkunin — að hugsa upp
gjafir, föndra og baka. Þegar bökunarlyktin fyllir
loftið fylgir jólastemmningin fast á eftir.
Á sumum heimilum er boðið upp á kökur all-
an desembermánuð, með aðventukaffinu og á
meðan verið er að föndra og punta. Annars
staðar er allur baksturinn geymdur til hátíðanna
og þá er jafnvel nauðsynlegt að fela kökurnar í
efstu skápunum eða niðri í kjallara. Gott ráð er
að innsigla kökudunkana til jólanna með lím-
bandi eða heftiplástri. Það heldur aðeins aftur af
manni þegar vantar sætar kökur með síðdegis-
eða kvöldkaffinu.
Samkvæmt hefðinni er höfuðáherslan lögð á
smákökur í þessu blaði. Hér eru þó einnig tertur
og formkaka sem geymist vel. Formkakan er til
dæmis best eftir vikugeymslu.
Þar sem smjör er í uppskriftunum má auðvit-
að nota smjörlíki í staðinn. Þó má geta þess að
nauðsynlegt er að nota smjör í Bessastaðakök-
urnar og Tyrkjatungl. Kökur geymast einnig
betur sé notað í þær smjör.
Það er hagkvæmast og fljótlegast að nota
heilan dag í smákökubakstur og hnoða deigin
kvöldið fyrir bökunardag.
Góða skemmtun við jólaundirbúninginn. Það
verður mikið að gera en vinnan er skemmtileg.

48. tbl. Vlkan 33