Vikan - 04.09.1986, Síða 31

við störfum á eigin vegum en fáum
þar alla aðstöðu. Á vegum klúbbs-
ins eru haldnir fundir um ljós-
myndun á fimmtudagskvöldum og
á vetuma eru haldin námskeið.“
- Hvað finnst þér svo skemmti-
legast að mynda?
„Mér finnst gaman að taka skíða-
og landslagsmyndir því að ég fer
oft á skíði. Skemmtilegast er þó
að hitta á óvænt atvik eins og þeg-
ar einhver er að detta ofan í vatn
og svoleiðis. Og leiðinlegast er að
taka myndir af vinum og vanda-
mönnum en ég er oft beðinn um
að gera það.“
- Nú eru þessar myndir af skáta-
mótinu. Ertu skáti?
„Já, ég er í skátafélaginu Kópum
í Kópavogi. Ég er búinn að vera
þar síðan ég var sjö ára gamall
enda af miklu skátafólki kominn.
Ég fór að sjálfsögðu á landsmótið
en það tókst ofsalega vel og var
gott mót.“
- Finnst krökkum á þínum aldri
skátastarfið spennandi?
„Það eru nú ekki margir af mín-
um skólafélögum í skátunum en
ég held að það séu eitthvað á bil-
inu sjötíu til hundrað krakkar
skráðir í Kópa svo að það virðist
vera töluverður áhugi á þessu. Mér
finnst félagsskapurinn vera það
mikilvægasta í skátunum. Á lands-
mótinu sá maður ekki vín á einum
einasta manni en það kann ég vel
að meta. Og þetta er umfram allt
góður og skemmtilegur félags-
skapur.“
Koddaslagur á spýtu er mjög vinsæl keppnisgrein á landsmótum. Skyldi hann hafa dottið?
Á landsmótinu lóku skátarnir þátt í keppni af ýmsu tagi. Hér er keppt i skíðagöngu eða öllu
heldur spýtugöngu.
Á milli þess sem keppt var tóku sumir sig til og lágu í leti.
36. TBL VI KAN 31