Vikan - 22.01.1987, Blaðsíða 50

D R A U M A R
VIK A N
HÚSMEÐ
JÁRNHLIÐI
OG LJÓNI
VEGINUM
Kæri draumráðandi.
Mig langar til að biðja þig að
ráða fyrir mig eftirfarandi draum
sem mig dreymdi fyrir um það bil
tveimur mánuðum, en þá svaf ég
fyrstu nóttina í húsinu mínu sem
ég var að kaupa. Ég þarf fyrst að
lýsa húsinu. Þetta er svolítið rugl-
ingslegt því þetta geta einnig verið
mörg herbergi. Það var mjög langt
og stórt hús með mörgum litlum
húsum eða herbergjum inn í og
var gata (eða gangur) á milli hús-
anna en samt var stórt þak yfir
öllu og til að komast út úr því
varð að opna stórt járnhlið.
Húsið er svona:
(Ágæt teikning fylgir).
Draumurinn byrjar svona: Ég
var á leið út úr húsinu og í vinn-
una. Þá sé ég fullt af ungum
krökkum, um það bil sex, sjö og
átta ára, og voru þau mjög
grimmdarleg á svipinn og með
læti í kringum mig. I því kemur
ungur, dökkhærður maður gang-
andi til mín og spyr hvort ekki sé
allt í lagi og til að fela hræðsluna
sagði ég jú, jú og horfði um leið
á krakkana. Þetta eru bestu skinn
innst inni. Nú, ég sný mér að hlið-
inu og ætla að halda áfram en
járnhliðið er læst svo að ég spyr
hann af hverju hliðið sé læst.
Hann virðist vera hissa og segir:
Veistu það ekki? Það er af því að
fyrir utan er allt fullt af Ijónum sem
þarf að varast. Ég andvarpaði og
sagði: Guð, hvernig kemst ég í
vinnuna? Þá birtist allt í einu ung,
Ijóshærð stúlka hjá okkur og hún
segir mér að koma með sér því
hún sé líka að fara í vinnuna á
sama stað og ég. Hún segir mér
að um leið og hún sé búin að
opna hliðið verðum við að hlaupa
eins hratt og við getum svo Ijónin
nái ekki í okkur. Við gerum þetta
og um leið kemur Ijón á móti okk-
ur og fleiri Ijón koma á eftir. Við
verðum að hlaupa til vinstri fram
hjá tjörnunum. Svo nálgumst við
vinnustaðinn en það er stór höll
og mjög hár veggur sem við verð-
um að komast yfir. Veggurinn var
fastur við höllina eða svona (sést
á mynd). Ég rétt komst yfir vegg-
inn með Ijónin á hælunum á mér
og upp þakið. Unga stúlkan hjálp-
aði mér upp og þá vorum við
komnar. Mér fannst mjög skrýtið
að hafa vinnustaðinn svona hátt
uppi og við hliðina á höll. Svo var
ég allt í einu komin heim og kveið
mikið fyrir morgundeginum og
hugsaði rétt áður en ég vaknaði:
Skyldi ég komast undan á morg-
un?
I því vaknaði ég. Þessi draumur
var mjög skýr og eftirminnilegur.
Ég hef áður sent ykkur draum og
það hefur komið fram.
Með fyrirfram þökk.
S.
P.S. Hvað merkir að dreyma
þrjá kaktusa í fullum skrúða? Ég
hef aldrei séð svona falleg blóm á
kaktusum fyrr. Og hvað merkir að
dreyma litla barnasokka, hengda
upp á snúrur, saman og í þremur
litum, gula, Ijósbleika og Ijósbláa.
Það kom ein manneskja í þessum
draumi, H.H. Og hvað merkir að
dreyma hvíta kónguló?
77/ að byrja með er það kóngu-
lóin: Það þykir yfirieitt til heilla að
dreyma kóngulær og einkum i
veraldlegum efnum, fjárhagurinn
getur farið batnandi eða eitthvert
happ hent á þvi sviði. Það eykur
enn á lánið að kóngulóin skuli
vera hvít.
Barnasokkarnir eru, eins og
vænta má, tákn um þrjú börn,
dreng, stúlku og eitt sem ekki er
gefið upp kynferði á (gæti verið
það eina sem er ófætt af þessum
þremur). í flestum tilvikum mætti
ætla að það væru þín börn en
nafn stúlkunnar í draumnum gæti
þó bent til að þessi börn byggju
í erlendu landi.
Það hefur nú hingað til ekki
þótt sérlega heppilegt að dreyma
kaktusa og gæti verið vísbending
um að treysta ekki vinum i blindni
þó yfirborðið sé slétt og fellt og
vingjarnlegt, en í þessu tilviki get-
ur vel verið að svo óheppilega vilji
til að vinur þinn geri þér grikk,
óafvitandi og án nokkurrar ill-
kvittni.
Þá er komið að aðaldraumnum.
Eins og þig ef til vill grunar
er þetta dæmigerður hindrunar-
draumur, þýðir bókstaflega að
einhver Ijón eru í veginum í starfi
þínu (líklega) eða einkalífi. Þú
munt þurfa að glíma við fordóma
og vera hindruð meira en þér líkar
en jafnfram muntu sýna viljastyrk
og hugrekki til að gera það sem
gera þarftil að bæta ástandið. Það
sýnist mér að muni takast. Þessi
sigur þinn mun verða þér til mikils
álitsauka og jafnvel vegsauka i
framtíðinni og ekki kæmi á óvart
þó þú hlytir einhverja opinbera
viðurkenningu eða umbun.
KYRKING
Kæri draumráðandi.
Mig vantar ráðningu á þessum
draumi. Ég hef oft sent ykkur
drauma og ég hef fengið ráðningu
á einum. Þessi draumur finnst mér
sérstakur. Ég var á þotu og var
búin að renna mér á veginum en
það var ekki mikill snjór svo að
ég fór af þotunni og labbaði smá-
stund. Þá sá ég bróður minn því
hann hafði verið á skíðum og hann
sagði að hann fengi far hjá pabba
eins skólabróður míns. Ég spurði
þá pabba hans hvort ég fengi ekki
far og það fékk ég en hann var
að bíða eftir syni sínum. Svo sá
ég allt í einu að önnur stelpa og
strákur, sem eru svolítið eldri en
ég, voru þarna. Stelpan sagðist
ætla á klósettið og strákurinn elti
hana. Hún vildi ekki að hann kæmi
með en ég sagði henni að það
væri í lagi (þó ég þekkti hann
ekkert). Svo heyrði ég allt í einu
stelpuna öskra og ég flýtti mér inn
og sá að hann var með höndina í
klofinu á stelpunni. Ég flýtti mér
að hrifsa höndina burt og svo kom
bróðir minn í dyrnar og allt í einu
var strákurinn búinn að taka um
hálsinn á mér með annarri hendi
og hélt stelpunni með olnbogan-
um og bróður mínum með hinni
hendinni. Ég reyndi að orga en
gat það ekki því hann hélt svo
fast utan um hálsinn á mér. Þegar
ég reyndi að kalla á manninn, sem
ætlaði að keyra okkur, endaði
draumurinn og ég veit ekki hvort
hann kyrkti mig eða ekki.
Bæ, bæ.
Ein sem oft dreymir.
Þó undarlegt megi virðast er
þetta ágætis heilladraumur, það
er að segja ef maður tekur hann
táknrænt. Hann merkir að þú
munir vera ákveðin og sjálfstæð í
máli sem skiptir töluverðu um
framtíð þína. Þú hefur kjark til að
taka ákvörðun og standa við hana
og það mun reynast þér vel. Þú
munt ekki þurfa að lenda i átökum
við umhverfið ef þú ert föst fyrir
án þess að vera frek og draumur-
inn bendir til þess að það takist.
50 VIKAN 4. TBL