Vikan - 10.09.1987, Side 53

Texti og myndir: Þórey Einarsdóttir
í höfuðborg nýja heimsins. Minnisvarðinn um Abraham Lincoln í baksýn.
Borgin er sérstakt umdæmi sem þeir kenna við sína „fjallkonu", Columb-
iu. Þessi mynd er frá Georgetown sem er elsti hluti borgarinnar og iðar
a< margslungnu mannlífi.
anna. Margir borgarbúa sætta sig illa við hlut-
skipti sitt og telja sig fara á mis við ýmis réttindi.
Skipulag Washingtonborgar var falið Frakkan-
um Charles L’ Enfant sem barist hafði í sjálfstæð-
isstríðinu. Síðar tóku við af honum Benjamin
Latrobe og Benjamin Banneker, en sá síðar-
nefndi var þeldökkur Bandaríkjamaður. í
sameiningu eiga þessir menn heiðurinn af fögrum
útlínum Washington. Ekki er þó laust við að
eftirlíkingablærinn á grísku og rómversku bygg-
ingunum fari stundum fyrir brjóstið á þeim sem
borgina sækja heim, ekki síst Evrópubúum.
Bandaríski rithöfundurinn Henry James, sem
dvaldist nær alla ævi sína í Evrópu, tjáir áhrifm
af D.C., einkum þinghúsinu, The Capitol, á þá
leið að sér hafí bókstaflega orðið óglatt af að sjá
íburðarmiklar eftirlíkingamar og hann fyrirvarð
sig fyrir ófrumleik og ósjálfstæði í byggingarlist
landa sinna. Á öðrum stað í verkum Henry James
lýsir hann hins vegar útsýninu frá þinghúströpp-
unum á táknrænan hátt sem þaðan liggi leiðir
langt inn í óravíddir framtíðar hins unga lands.
Washington D.C. er í senn minnismerki um
evrópskan uppruna bandarísku þjóðarinnar, þau
ríku ítök sem gamli heimurinn átti meðal íbúa
þess nýja og stórhug, bjartsýni og vonir sem
bundnar voru komandi framtíð.
Súlnagöng minna á Aþenu og Róm. í baksýn má sjá minnisvaröann um
George Washington og í fjarska glittir í þinghúsið á Capitolhæð.
37. TBL VI KAN 53
I