Vikan - 18.02.1988, Blaðsíða 25
Bobby Harrison og Meat Loaf þegar sá síðamefiidi kom til
landsins í fyrrahaust.
Bobby Harrison hafði hann
þetta að segja um tónleika í
framtíðinni: „Síðasta ár var mik-
ill Iærdóms- og reynslutími fyrir
okkur í Splitt. Nú heflir okkur
hinsvegar tekist að sanna það að
við getum haldið góða tónleika
hér og allir sem komu hingað á
okkar vegum á síðasta ári voru
mjög ánægðir. Segja má að við
séum búnir að sanna okkur og
þá getum við farið að reyna við
stóru nöfnin í bransanum.
Við stefnum að því að fá hing-
að til landsins að minnsta kosti
eina stóra stjörnu á ári. Þá er ég
að tala um nöfn eins og U2,
Elton John eða eitthvað af svip-
aðri stærð. Það er ekkert komið
á hreint ennþá í þeim efhum en
ég get sagt að við erum í sam-
bandi við bæði Billy Idol og
Billy Joel. Annars er þetta geysi-
legt hark og erfitt að komast í
beint samband við stjörnurnar."
Boy George
hingað I vor
„Annars var ég að koma ffá
London þar sem ég átti í viðræð-
um við umboðsmenn nokkurra
þekktra tónlistarmanna, þar á
meðal umboðsmann Boy
George og Cure. Allt útlit er fyr-
ir að Boy George komi og haldi
tónleika hér á landi í vor. Við
erum líka að kanna möguleikana
á því að fá Cure hingað. Þá getur
verið að við fáum hingað hljóm-
sveitina The Screaming Blue
Messiahs, en hún er geysilega
athyglisverð og yrði mikill feng-
ur í henni fyrir tónlistaráhuga-
fólk hér á landi.“ (Þess má geta
að í viðtali við David Bowie í
tímaritinu Musician sem birtist í
ágúst á síðasta ári segir hann að
öskrandi bláu Messíasarnir séu í
miklu uppáhaldi hjá sér. Orðrétt
segir hann: Þeir eru besta enska
hljómsveitin sem ég hef heyrt í
lengi).
— Nú ert þú að hugsa um að
færa út kvíarnar, ekki satt?
,Jú, ég er að líta á möguleik-
ana á því að fá hingað fjölbreytt-
ari listamenn en bara popptón-
listarmenn. Nú standa yfir samn-
ingaumræður við The Red Army
Ensemble sem er 125 manna
hópur. Ef úr yrði myndi það
vera fjölskylduskemmtun í
hæsta gæðaflokki með hefð-
bundnum rússneskum söng og
dansi. Þá er einnig á döfinni að
koma á knattspyrnuleik, ef til
vill góðgerðarleik með ýmsum
þekktum þátttakendum. Þegar
eru tveir leikarar í þáttunum
Austurbæingum sem verið er
að sýna í sjónvarpinu búnir að
lýsa sig reiðubúna til að taka
þátt í þeim.
— Hvernig er svo með þinn
eigin tónlistarferil?
„Ég gaf út plötu fýrir jólin
sem var ágætlega tekið og ég var
sjálfur mjög ánægður með hana.
Þessa stundina er verið að at-
huga möguleika á dreifingu á
henni í Bretlandi, Bandaríkjun-
um og Þýskalandi. Mér fannst
takast ágætlega með það sem ég
var að reyna á henni, það er að
spila gamalt gott rokk. Ég vil
nota tækifærið og þakka öllum
sem aðstoðuðu við gerð plöt-
unnar og eins þeim sem unnu
með okkur að hljómleikahald-
inu í fýrra kærlega fýrir sam-
starfið."
—AE.
MANAKLUBBURINN
perla íslensks
skemmtanalífs
Hljómsveit Mánaklúbbsins
er skipuð þaulreyndum
tónlistarmönnum
og leikur fyrir dansi
á föstudags-
og laugardagskvöldum
Sjáumst
MÁNAKLÚBBURINN ER OPINN:
Fimmtudagskvöld kl. 18.00 - 1.00 Laugardagskvöld kl. 18.00 - 3.00
Föstudagskvöld kl. 18.00 - 3.00 Sunnudagskvöld kl. 18.00 - 3.00
í ,n la carle" salnum er boðið upp á glæsilegan sérrétta matseðil, góða
bjónustu og þægilegt umhverfi.
Borðapcmtanir daglega í simum 29098 og 23335
Brautarholti 20, símar 29098 og 23335.
Gengið inn frá horni Brautarholts og Nóatúns.
VIKAN 25