Vikan - 04.04.1991, Blaðsíða 56

um. Það er þó til óþæginda að
lyfta þarf öllu sætinu sem er
nokkuð erfiðara en ef bakiö
legðist einungis fram og sætið
rynni framar.
Stór afturhlerinn auðveldar
mjög hleðslu og afhleðslu far-
angursrýmisins. Hægt er að
leggja niður bökin á aftursæt-
unum, annað eða bæði í einu,
og eykst þá verulega plássið
sem nota má til flutnings.
Bíllinn er allur hinn smekk-
legasti að innan, skemmtilega
bólstruð sæti og hurðaspjöld
og hann er teppalagður í hólf
og gólf. Innréttingarnar eru
mjög fagmannlega hannaðar
og það virðist vera hugsað fyr-
ir öllu, svo sem hólfum hér og
þar undir hina ýmsu hluti sem
þægilegt er að hafa með í öku-
ferðum.
Mælaborðið er mjög ný-
tískulegt og þar er ekki verið
að sóa rými [ óþarfa. Það er
tvískipt. Efri hluti þess er mjó,
aflöng ræma þar sem öllum
aðvörunarljósum er fyrir komið
og undir eru aðalmælarnir og
klukka. Þægilegt er að fylgjast
með öllum upplýsingum sem
birtast á táknrænan og litríkan
hátt. Það má þó segja afstöðu
PEUGEOT 205 XR
▲ Stór afturhlerinn auðveldar mjög hleðslu og
afhleðslu farangursrýmisins. Hægt er að leggja
nlður bökin á aftursætunum og auka þannig
farangursrýmið til muna.
T Mælaborðið er mjög nýtískulegt og þar er
ekki verið að sóa rými i óþarfa.
stýris og mælaborðs til lasts
að ef fólk situr hátt í sæti
skyggir stýrið á sum Ijósanna.
Stjórntækin eru öll innan
seilingar og hin þægilegustu.
Tvær stangir eru sitt hvorum
megin við stýrið. Sú vinstri er
notuð til að kveikja á stöðu- og
aðalljósum, skipta á milli háu
og lágu Ijósanna og stefnuljós-
in tendruð. Dagljósabúnaður
fylgir bílnum og er það til mik-
illa þæginda. Einnig er flautað
með því að ýta stönginni inn,
hún er með stömu gúmmíi á
endanum til að höndin renni
síður af henni. Undirrituðum
finnst mikill ókostur að flautu-
rofinn skuli vera staðsettur
þarna því ef til dæmis þarf að
flauta með stefnuljósið á er
stöngin ekki á þeim stað sem
hún er oftast og mikil hætta er
á að fólki fipist og viðvörunin
komist of seint til skila. Flautu-
rofi ætti að vera í stýrinu því
þar verður ökumaður alltaf að
hafa hendurnar hvernig sem
ástatt er.
Með hægri stönginni er
þurrku- og úðabúnaði
stjórnað, bæði fyrir fram- og
afturrúðu.
Miðstöðvarofnar eru mjög
verklegir og þægilegir í
notkun. Þeireru þrír, hringlaga
og breytt er um stillingar meö
því að snúa þeim. Einn stjórn-
ar stefnu blástursins, annar
styrk hans og sá þriðji hitastigi
loftsins.
Gírstöngin er í gólfinu og er
hún vel löguð aö notkun.
UMFERÐARÖNGÞVEITI
VERÐUR SKEMMTILEGT
Að aka þessum bíl er einstak-
lega ánægjulegt. Hann hefur
aksturseiginleika sem eru til
fyrirmyndar hvort sem um er
að ræða á malbiki eða möl. Þó
má segja að hann sé fullstífur
á mölinni miðað við franska
fjöðrun. Þessi bíll er algert
borgarbarn þar sem ökumað-
urinn leikur sér að því að leysa
úr öllum þeim vandamálum
sem upp koma í umferðaröng-
þveitinu eins og það gerist
verst. Það þarf mjög lítið rými
til að snúa honum heilan hring
og það kemur sér oft á tíöum
vel og auðveldar ökumannin-
um að leggja í stæði.
Skiptingin er handstýrð,
fimm gíra. Þægilegt er að
skipta nema þegar sett er úr
öðrum gír í fyrsta, þá getur
hún verið nokkuö stíf, sérstak-
lega þegar bíllinn er kaldur.
Hægt er einnig að fá bílinn
fjögurra gíra eða með fjögurra
þrepa sjálfskiptingu.
Snerpan er mjög góð og er
áberandi betri en hjá mörgum
mun dýrari bílum. Það tekur
Peugeotinn ekki nema 12,2
sekúndur að fara úr kyrrstöðu
og ná eitt hundrað kílómetra
hraða á klukkustund. Það er
ekki einungis skemmtilegt fyrir
ökumanninn heldur gefur það
honum aukið öryggi í framúr-
akstri.
Það má því segja að þarna
fari úlfur í sauðargæru, þó sú
gæra sé ekki af lakara taginu.
Vikan prófaði bíl af xr gerð
sem er knúinn sjötíu hestafla
vél sem er sú kraftmesta í fjöl-
skylduútfærslunum en hægt er
að velja bensínvélar sem eru
frá fjörutíu og fimm til áttatíu
og fimm hestöfl. Einnig er
möguleiki að fá bílinn með
sextíu og fimm hestafla dísil-
hreyfli.
Meðaleyðsla bensínbílanna
er um fimm lítrar á hverja
hundrað kílómetra sé ekið á
jöfnum 90 kílómetra hraöa á
klukkustund.
Ódýrasti Peugeotinn kostar
um sex hundruð þúsund og sá
dýrasti tæp átta hundruð
þúsund.
Það er Jöfur hf„ Nýbýlavegi
2 í Kópavogi, sem er með um-
boð fyrir þessa bíla. □
56 VIKAN 7. TBL.1991