Vikan - 03.10.1991, Blaðsíða 22

„LÍFIÐ HEFUR VERIÐ BALLETT
OG AFTUR BALLETT"
- segir Brynja Vífilsdóttir, fimmti keppandinn f forsíðustúlkukeppni SAM-útgófunnar
Brynja varð að taka sér hvíld frá ballettinum vegna meiðsla og fannst kjörið tækifæri að taka þátt í
forsíðukeppninni á mcðan, til að dreifa huganum frá meiðslunum.
Fimmti keppandinn í for-
síðustúlkukeppni SAM-
útgáfunnar er Brynja
Vífilsdóttir. Brynja er átján ára,
fædd í hrútsmerkinu, 13. apríl
1973.
„Margir halda því fram að
þeir sem eru f hrútsmerkinu
séu frekjur. Ég held því fram
að ég sé bara ákveðin en
merkinu fylgir kraftur sem
hjálpar manni við að fram-
kvæma hlutina og ég er
ánægð með mitt merki,“ segir
hún.
Brynja fæddist í Mexíkó þar
sem fjölskyldan bjó vegna
náms og starfa föður hennar,
Vífils M. Magnússonar arki-
tekts. Þau fluttust heim til ís-
lands þegar Brynja var nokk-
urra mánaða gömul og hún
ólst upp í Kópavoginum, þar
sem hún býrenn. Móðir Brynju
er Ágústa Guðrún Sigfúsdóttir
sjúkraþjálfari. Brynja á eina
eldri systur og hálfbróður.
Hefur Brynju ekki langað að
koma aftur til Mexíkó?
„Ég fór aftur þegar ég var
sjö eða átta ára og var heilt
sumar. Núna er systir mín að
fara í nám til Mexíkó svo það
er ekki ólíklegt að ég eigi eftir
að koma þangað einu sinni
enn til að heimsækja hana.“
Það vefst ekki fyrir Brynju að
svara þegar hún er spurð hvað
hún vilji verða.
„Ég vil verða dansari. Ég
hef verið í ballett frá því ég var
pínulítil og við það vil ég
starfa."
Ekki er þó alveg Ijóst hvort
þessi draumur Brynju getur
ræst þvi hún hefur átt við
meiðsl í fæti að stríða. í sumar
fór hún í uppskurö til Dan-
merkur og er að ná sér eftir
hann. Fljótlega mun koma í
Ijós hvort batinn verður það
góður að hún geti hellt sér aft-
ur af fullum krafti út í ballettinn
en hún hefur orðið að gera hlé
á náminu um nokkurt skeið
vegna meiðslanna.
„Núna er ég I sjúkraþjálfun
og sundi til að styrkja mig en
um leið og ég fæ grænt Ijós fer
ég aftur í Listdansskóla Þjóð-
leikhússins, þar sem ég er
búin að vera í mörg ár. Svo er
ætlunin að fara í áframhald-
andi ballettnám til Hollands
eða Svíþjóðar sem allra fyrst.
Þetta er þó allt háð því að mér
batni í fætinum."
Brynja hefur lokið tveimur
árum í Kvennaskólanum. Ef
svo illa fer að ballettinn verður
að vikja ætlar hún að halda
áfram námi þar. En ballettinn
verður að ganga fyrir því
starfstími dansara er ekki
langur og áríðandi að draga
ekki miklu lengur aö hefja feril-
inn.
Hefur Brynja fleiri áhugamál
en dansinn?
„Þegar ég var yngri var ég
mikið í hestamennsku en hún
varð að víkja eins og annað
fyrir ballettinum. Hann tekur
svo mikinn tima. í raun ein-
angrast maður þegar maður
hefur svona tímafrekt áhuga-
mál en ég á, sem betur fer,
góðar vinkonur bæði í og utan
ballettsins. Ég hef líka gaman
af öðrum listgreinum og fer því
oft í leikhús og á myndlistar-
sýningar. Svo finnst mér líka
gaman að lesa bækur en hef
ekki haft mikinn tíma til þess.
Lífið hefur verið ballett og aftur
ballett."
Sumrum hefur Brynja líka
eytt við ballettnám en undan-
farin fjögur sumur hefur hún
sótt námskeið f Englandi,
Bandaríkjunum og Kanada.
Þess utan hefur hún farið til
Spánar, Frakklands og Dan-
merkur, auk Mexíkó.
Tengist þátttakan í for-
síðukeppninni kannski ný-
fenginni reynslu í fyrirsætu-
störfum? Við höfum séð
Brynju auglýsa íslandsbanka
bæði í blöðum og sjónvarpi.
„Ekki beinlínis. Mérvar boð-
in þátttaka í keppninni og
fannst tækifærið kjörið til aö
dreifa huganum því meiðslin
og það að geta ekki stundað
ballettinn hefur lagst þungt á
mig. Ég hef litla sem enga
reynslu í fyrirsætustörfum en
finnst gaman að því litla sem
ég hef gert. Ég vonast til að
hafa gaman af að taka þátt i
keppninni en tek hana ekki
hátíðlega. Metnaður minn er
fólginn í dansinum."
TEXTI: HELGA MÖLLER / LJÓSM.: MAGNÚS HJÖRLEIFSSON
22 VIKAN 20.TBL. 1991
HÁR: EYVI í HÁRÞINGI MEÐ JOICO OG MATRIX HÁRSNYRTIVÖRUM. FÖRÐUN: KRISTÍN STEFÁNSDÓTTIR MEÐ NO NAME COSMETICS