Vikan - 03.09.1992, Blaðsíða 74

RABBÞÁTTASTJÓRNANDINN
ARSENIO
~Z. /gKiA, kvæntur, barnlaus en
^ Hl M Quðfaðir dóttur Eddie
^ Murphy. Heltekinn af
^ sjónvarpi og frama sínum
.q hamast Arsenio Hall við að
^ gera það gott og nú er hann
Z orðinn einn sá fremsti í spjall-
0 þáttum vestanhafs. Hann er
O orðinn ofboðslega frægur, of-
Z boðslega ríkur, ofboðslega
5 vinsæll og ofboðslega eftir-
nr sóttur meðal ógiftra stúlkna. í
'O viðtali við bandariskt timarit
sást glitta í persónuna og við
gluggum hér nánar í það.
Um þriggja ára skeið hefur
Arsenio talað, tryllt, móðgað
og grínast á galinn hátt með
slíkum eindæmum að hann
hefur skotist með ógnarhraða
upp á ameríska súper-stjörnu-
himininn. Og þar heldur hann
sig en þó ekki baráttulaust.
Hann berst við að halda at-
hygli áhorfenda sinna þannig
að þeir hrífist með honum og
aðallega hefur honum tekist
að ná til þess fólks í Banda-
ríkjunum sem er á aldrinum
18 til 34 ára. Þegar hann sér
að konur eru í meirihluta á-
horfenda gerir hann allt til
þess að höfða til karla og öf-
ugt því hann segist alltaf þrá
það sem hann hefur ekki.
„Þetta er sennilega ástæðan
fyrir því að ég stunda vinnu
mína af svo miklu kappi og þá
er ástæðan fyrir vinsældunum
væntanlega sú sama,” segir
Arsenio Hall í viðtalinu.
HROKI OG FEIMNI
Það er fyrst og fremst svolítið
gáskafullur hroki sem hefur
dregið athyglina að þessum
vinsæla sjónvarpsmanni, sem
áhorfendur Stöðvar 2 eru
margir farnir að kannast vel
við. Hrokinn virðist fyrst og
fremst á yfirborðinu, í það
minnsta vill hann ekki kannast
við titilinn „konungur rabbþátt-
anna” heldur lætur Johnny
Carson það eðalheiti eftir.
Hann segir líka muninn ansi
mikinn á þremur árum í stjórn-
andasætinu og þeim þrjátíu
sem Carson á að baki. Engu
að síður gerir Arsenio Hall sér
grein fyrir þeirri ímynd sem
hann gefur af sjálfum sér
heima í stofu hjá áhorfendum.
Sú mynd er röng. „Ég veit að
ég læt eins og Muhammad Ali
en samt sem áður er ég mjög
feiminn og óöruggur, íftill
strákur. Ég óttast til dæmis
eins og pestina að við
mamma mín verðum einhvern
tímann niðri á strönd að selja
„Ég var einu sinni önnum kaf-
inn”-boli,” segir Arsenio.
Hann er spurður hvaða
vettvang hann myndi velja sér
ef hann mætti aðeins sjá um
eina hlið á öllu heila gillinu.
Fyrst í stað svarar hann því til
að hann myndi vilja sjá um
viðskiptin. „Ég elska samn-
ingalistina,” segir hann en sér
sig síðan um hönd. Eitthvað
innra með honum segir hon-
um víst að hætta að Ijúga og
hann bætir við: „Það yrði til
þess að ég myndi aldrei heyra
fagnaðarlætin, aldrei heyra
hláturinn. Og það er ekkert
eins þakklátt í heiminum og
hláturinn. í fyrsta skipti sem
ég gerði mér grein fyrir þess-
ari fíkn minni var þegar ég
kynnti Stevie Wonder eitt
sinn. Þegar maður heyrir sjö-
tíu þúsund manns hlæja gerir
maður sér grein fyrir að þetta
er nauðsynlegt. Þetta er fíkn.”
Hann segist vera á kafi í
fíkninni enda kveðst hann
ekki bara veikur fyrir því að
koma fólki til að hlæja heldur
sé hann á kafi í vinnu. „Þetta
er ástæðan fyrir því að ástar-
lífið hjá mér er vonlaust,” seg-
ir hann, dálítið kankvís en þó
alvarlegur undir niðri. Hann
óttast að loki hann augunum
augnablik muni „bransinn”
hverfa sjónum hans. Einnig er
hann háður sjónvarpinu, utan
frá, það er að segja að horfa
á það. Allan daginn er hann
að undirbúa og gera sjón-
varpsþætti. Hann horfir á þátt-
inn áður en hann fer heim og
eftir klukkustundar akstur
heimleiðis á Porsche-inum
sínum sest hann þar niður og
kveikir á sjónvarpinu. Og
þarna situr hann langt fram á
nótt. Meðlætið kemur úr troð-
fullri töskunni. „Hvað ætti
kona svo sem að gera?” spyr
hann. „Hún gæti setið hér og
horft á sjónvarpið með mér
eða setið hér og horft á mig
skoða í skjalatöskuna mína!”
segir þessi þrjátíu og fjögurra
ára gamli, fyndni, eftirsótti og
ekki síst moldríki piparsveinn.
FALLEG KONA
- FALLEGT BARN
Hlutverk fjölskylduföðurins,
réttindi hans og skyldur, er
ekki svo víðs fjarri Arsenio Hall
enda fær hann svolítinn fiðring
þegar hann eltist við fiðrildi á-
samt guðdóttur sinni, Bríu
„Eddísdóttur” Murphy. „Þegar
ég þoli ekki við lengur og þarf
virkilega á dótlur að halda verð
ég að koma mér fyrir og drífa í
því,” segir Arsenio og bætir við
að þegar hann sjái fallegri
konu bregða fyrir þurfi hann sí-
fellt að berjast við þá hugsun
að sú myndi aldeilis geta af
sér fallegt barn. Hann þolir
hins vegar ekki fegrunarað-
gerðir og getur þess í viðtalinu
hve honum var brugðið þegar
hann komst að því á einu
stefnumótinu að stúlkan hafði
látið gera aðgerð á nefinu á
sér. Arsenio Hall segist vera
búinn að umgangast frægt og
ríkt fólk í slíkum og þvílíkum
mæli að hann sé orðinn sér-
fræðingur í greiningu á plast-
aðgerðum.
Þannig er nú í pottinn búið.
Arsenio Hall er það sem hann
er vegna þess að það laust
hann sem elding að reyna fyr-
ir sér á frægðarbrautinni.
Hann segist ekki taka sjálfan
sig það alvarlega að hann geti
beint fólki inn á aðrar brautir
en „inn ganginn og fyrstu dyr
til vinstri”, eins og hann segir
sjálfur. Hins vegar segist
hann reyna að hjálpa til sem
mest hann má. Eiturlyf, efna-
hagssamdráttur og eyðni séu
vandamál sem verði að takast
á við. Og lokaorð Arsenios
Hall: „Ef ég get verið sá mað-
ur sem sendir fólk brosandi í
rúmið þá er það fínt - til að
byrja með!” □
Án þessara kvenna væri ekki til neinn þáttur meö nafninu
„Arsenio Hall Show“ segir sjónvarpsstjarnan um ungu sam-
starfskonurnar sínar.