Vikan - 20.01.1996, Blaðsíða 32

September: Frá 8. september koma nýir straumar í tilfinningalíf
þitt. Þú getur ekki endalaust anaö áfram og tekið við skilaboðum úr
ýmsum áttum. Hrútar í föstu sambandi eiga margar rómantískar
stundir um þetta leyti sem renna traustari stoðum undir samband-
ið. Fyrstu tvær vikurnar verðurðu að vera á varðbergi og gæta orða
þinna til þess að ekkert misskiljist. Það er auðvelt að hlusta án
þess að heyra og þú ættir að leggja þig sérstaklega eftir því hvað
liggur maka þínum á hjarta.
Október: Þú ert ákaflega upptekin af eigin framavonum og öllu því
sem snertir þig persónulega. Þú hefur á tilfinningunni að ýmislegt
megi betur fara en áttar þig ekki á því hvað það er. Það verður
varla í þessum mánuði sem allt fellur í Ijúfa löð, eiginlega þvert á
móti. Það getur verið að þú sért ekki með á hreinu hvað þú vilt og
án þeirrar vissu kemstu lítið áfram. Samband þitt við makann verð-
ur í brennidepli fyrstu daga mánaðarins. Þú mátt eiga von á nokkr-
um skemmtilegum og andríkum dögum en á móti kemur að aðra
daga verður þú að taka á honum stóra þínum.
Nóvember: Þú vinnur mjög jafnt og vel í þessum mánuði. Þú hefur
næga orku til að hrinda áformum þínum í framkvæmd og þú þekkir
styrk þinn. Framti'ðin er í brennidepli og þú þarft að ráða í það
hvert þú vilt stefna og hverjar þínar forgangskröfur eru. Nóvember-
mánuður fer í vangaveltur af þessu tagi og ekkert gerist af sjálfu
sér. Fram til 24. nóvember er óróleiki í sambandi þínu við makann
og þú hefur tilhneigingu til að halda uppi andstöðu sem gárar yfir-
borðið. Það gagnast ekki sambandinu en þú færð þá tilfinningu að
þú haldir um taumana. Eftir 24. kemur ró yfir ykkur á ný og þið fáið
tækifæri til að spjalla saman um þennan litla ágreining og sjáið
hlutina í réttu Ijósi.
Desember: í jólamánuðinum opnast tilfinningalíf þitt upp á gátt á
ný. Gagnkvæmt tillit og virðing verður til þess að ástalífið fær nýja
innspýtingu. Frumkvæði af þinni hálfu kemur flatt upp á maka þinn
en verður til þess að ný ævintýri eru ( vændum. Þú þarft ekki að
beita miklum brögðum.til þess að aðrir taki eftir þér og dáist að lífs-
gleði þinni. Það verður engin lognmolla í þínu lífi í þessum mánuði
en það gildir sem fyrr að vera vakandi fyrir tækifærum og taka
snöggar ákvarðanir.
30 VIKAN